Yesaya 4:3 - Mandinka Bible

³ Moolu mennu tuta baluuriŋ Yerusalaamu, aduŋ ì bee be sabatiriŋ Siyoni* Konkoo kaŋ, be kumandi la moo senuŋolu le la. Alla faŋo le ye ì toolu safee kitaaboo kono ko, ì be baluu la le.

Yesaya 4:3 Mawu Ofanana

Jabuuroolu 69:28

Allamaa ì toolu ye tuutuu baluwo kitaaboo kono. Allamaa ì niŋ moo tilindiŋolu kana safee ñoo la.

Jabuuroolu 87:6

Yaawe be duniyaa bankoolu yaatewo safee la le ka a yitandi ko, “Ñiŋ moo kaari mu Siyoni diŋo le ti.” S

Yesaya 1:27

Ka luwaa taamandi a ñaama, wo le be Siyoni* kiisa la, aduŋ moolu mennu tuubita, tiliŋo le be ì kanandi la.

Yesaya 28:5

Wo luŋo la, Yaawe* Alihawaa Maariyo* faŋo be ke la le ko mansanaafa ñiimaa, ko kuŋ ñarandiraŋ firi ñiimaa a la moolu ye, mennu tuta baluuriŋ.

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Yesaya 46:3

Yaawe* ko: “Yaakuba koomalankoolu ali i lamoyi n na, alitolu moo toomaalu mennu tuta Banisirayila, ŋa n hakilitu ali to le, biriŋ ali be konoo kono, n ka ali topatoo, biriŋ ali wuluuta.

Yesaya 52:1

Wuli, wuli! Hee Siyoni*, i ye i semboo taa! Yerusalaamu saatee senuŋo, i la dendika kendoo duŋ. Sunnabaloolu aniŋ moo kosoriŋolu te duŋ na i kono kotenke.

Yesaya 6:13

Aduŋ hani a ye a tara, moo taŋ-wo-moo taŋ, moo kiliŋ ne tuta baluuriŋ bankoo kaŋ, wo fanaa be kasaara la le. Bari a be ke la le ko, niŋ ì ye yiri baa kuntu, yirijuu kuntoo ka tu jee ñaameŋ, turu senuŋo be ke la bankoo kaŋ wo le ñaama.”

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Esekiyeli 13:9

A ko: “M be annabiyomoolu mantoora la le, mennu la jeroolu niŋ bitaaroolu buka ke tooñaa ti. Wolu daa te bula la Banisirayila jamaa kono, waraŋ ì too ye safee Banisirayila lasiloo moolu kono, sako ì si duŋ Isirayila bankoo kaŋ. Niŋ wo keta, ì be a loŋ na le ko, nte le mu Yaawe ti, ì Maariyo.

Esekiyeli 43:12

“Ñiŋ ne mu Batudulaa Buŋo saratoolu ti ko, dulaa meŋ be konkoo kaŋ santo bee mu Dulaa Senuŋ Baa* le ti. Ñiŋ ne mu Batudulaa Buŋo saratoolu ti.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Obadiya 1:17

“Bari Siyoni* Konkoo kaŋ, moolu be tara la jee le mennu kanata, aduŋ ñiŋ konkoo be ke la dulaa senuŋo le ti. Yaakuba koomalankoolu be ì fansuŋ bankoo soto la le kotenke.

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.

Malaki 3:16

Yaawe ñaasilannaalu diyaamuta ñoo ye a kuwo la le, aduŋ a ye ì lamoyi le, a ye ì la kumakaŋo moyi. Bituŋ moolu mennu silata a la, ì ye a kuliyaa, ì toolu naata safee kitaaboo kono, ka ke a ye hakili bulandiraŋo ti.

Luka 10:20

Hani wo ñaa-wo-ñaa, ali kana seewoo ko, seetaani jawoolu ye ì faŋ seyi ali ma le, bari ali seewoo, kaatu ali toolu safeeta Arijana kono le.”

Kiilaalu 13:48

Kabiriŋ moolu mennu maŋ ke Yahuudoolu ti ye ñiŋ moyi, ì seewoota, aduŋ ì ye Alla la kumoo jayi. Moo jamaa laata, mennu tombonta badaa-badaa baluwo ye.

Roomankoolu 11:4

Bari Alla ye a jaabi muŋ ne la? A ko a ye le ko, “Ŋa moo wuli woorowula le tu baluuriŋ, mennu maŋ sujudi Baali* jalaŋo ye.”

Roomankoolu 11:5

Wo ñaa kiliŋo la, hani m̀ be temboo meŋ to teŋ, too doo tuta jee le, Alla ye mennu tomboŋ hiinoo kamma la.

Efesusinkoolu 1:4

Hani janniŋ duniyaa fondamaŋo be loo la, a ye ǹ tomboŋ ate le kono, ka ǹ ke moo senuŋolu ti, mennu maŋ sootaaroo soto a ñaatiliŋo la. Baawo a ye ǹ kanu le,

Filipinkoolu 4:3

Aduŋ ite Sisikos, ŋa i daani ka ñiŋ musoolu maakoyi ko n dookuuñoo tilindiŋolu. Ì jarita wo la le, kaatu ì ye kata baa le ke n na dookuwo to kibaari betoo ye, ì niŋ Kelementi niŋ n na dookuuñoo koteŋolu mennu toolu be safeeriŋ baluwo kitaaboo kono.

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

Hiburunkoolu 12:14

Ali katoo ke ka kayiroo sabatindi ali niŋ moolu bee teema, aduŋ ali si seneyaa, kaatu moo meŋ maŋ seneyaa, a nene te Maariyo je la.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Lankenemoo 13:8

Moolu mennu bee be baluuriŋ duniyaa kono, ì be a batu la le fo moolu doroŋ, mennu toolu safeeta baluwo kitaaboo kono biriŋ duniyaa fondamaŋo be laa la. Wo le mu Saajiiriŋo la kitaaboo ti, meŋ kanateyita.

Lankenemoo 17:8

Daafeŋ saŋarariŋo ñiŋ, i ye meŋ je, a be keriŋ ne nuŋ, bari saayiŋ a te keriŋ. A be naa santo le ka bo dinka dambaloo kono, a ye taa kasaaroo kono. Aduŋ duniyaa moolu mennu too maŋ safee baluwo kitaaboo kono biriŋ duniyaa foloodulaa to, wolu be jaakali la le, niŋ ì ye daafeŋ saŋarariŋo ñiŋ je, kaatu a be keriŋ ne nuŋ, saayiŋ a te keriŋ, bari a be naa la le.

Lankenemoo 20:15

Moo-wo-moo too maŋ safee baluwo kitaaboo kono, wo ka fayi wo dimbaa daloo le kono.

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

Lankenemoo 3:5

Meŋ keta noorilaa ti, wo be feetoofata la waramba koyoo le la, aduŋ n te a too tuutuu la muumeeke baluwo kitaaboo kono. M be a too seedeyaa la m Faamaa ñaatiliŋo la le, aniŋ a la malaayikoolu ñaatiliŋo la.