Yesaya 39:3 - Mandinka Bible

³ Bituŋ Annabilayi Yesaya taata Mansa Hesekiya kaŋ, a ye a ñininkaa ko, “Wo kewolu ye muŋ ne fo? Ì bota naŋ mintoo le?” Hesekiya ye a jaabi ko, “Ì bota naŋ Babiloni bankoo le kaŋ, banku jamfariŋ baa le mu, ka naa jaŋ.”

Yesaya 39:3 Mawu Ofanana

2 Samuweli 12:1

Yaawe* ye Natani kii Dawuda kaŋ. Kabiriŋ a taata a yaa, a ko, “Kee fula le tarata nuŋ saatee kiliŋ, doo keta nuŋ fankamaa le ti, bari doo, wo mu fuwaaroo le ti.

2 Taarika 16:7

Wo waatoo le mu, Annabilayi Hanani naata Asa kaŋ, Yahuuda mansa, a ko a ye ko, “Bayiri i sembeta Aramu le la, i maŋ sembe Yaawe la, i la Alla, wo to Aramu mansa la kelediŋolu kanata i ma le.

2 Taarika 19:2

Bari annabiyomoo doo, Yehu, Hanani dinkewo taata a kaŋ, a ko a ye ko, “Fo i ñanta jawoo maakoyi la le baŋ, ka moolu kanu mennu ye Yaawe koŋ? Ñiŋ kuwo kamma la Yaawe la kamfaa jiita i kaŋ.

2 Taarika 25:15

Yaawe kamfaabaata Amasiya kamma, bituŋ a ye annabiyomoo kii a kaŋ, meŋ ko a ye ko, “Muŋ ne ye a tinna ì ka alloolu batu, mennu maŋ hani ì faŋolu la moolu tankandi noo i ma?”

Yesaya 38:1

Wo waatoo la, Hesekiya naata kuuraŋ baake, fo a be naa faa la. Amosi dinkewo Annabilayi Yesaya taata a yaa, a ko a ye ko, “Yaawe* ko i ye i la bunkono kuwolu bo ñoo to, kaatu i be faa la le, i te kendeyaa la.”

Yesaya 38:5

“Taa i ye a fo Hesekiya ye, nte Yaawe, a bonsuŋ Dawuda la Alla ko, ŋa a la duwaa moyi le, aduŋ ŋa a ñaajiyo je le. Saayiŋ, m be sanji taŋ niŋ luulu le lafaa la a siyo kaŋ.

Yesaya 39:4

Yesaya ye a ñininkaa ko, “Ì ye muŋ ne je i la mansasuwo kono?” Hesekiya ye a jaabi ko, “Ì ye feŋo bee le je meŋ be n na mansasuwo kono. Feŋ te n na maabori buŋolu kono, m maŋ meŋ yitandi ì la.”

Yeremiya 4:16

A fo banku koteŋolu moolu ye ko, “A fele jaŋ de!” Ali a kankulaa Yerusalaamu kamma ko: “Boyinkannaa kelediŋolu le bota naŋ banku jaŋ to, ì be kele wuuroo kumandi kaŋ Yahuuda saatewolu ma.

Yeremiya 5:15

Yaawe ko: “Alitolu Banisirayilankoolu, m be jamfajaŋ banku le naati la ka ali boyinkaŋ, banku sembemaa, banku meeriŋ, ali maŋ banku meŋ na kaŋo moyi, sako ali si ì la diyaamoo fahaamu noo.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

Yosuwa 9:6

Bituŋ ì taata Yosuwa yaa daakaa to, meŋ be Kilikali. Ì ko a niŋ Banisirayila kewolu ye ko, “Ntolu ka bo naŋ banku jamfariŋ baa le to, ǹ lafita ñiŋ ne la, ǹ niŋ ali ye kambeŋo siti.”

Yosuwa 9:9

Ì ye a jaabi ko, “I la joŋolu le mu ntolu ti. Ǹ ka bo naŋ banku jamfariŋ baa le to, Yaawe* la kuwo darajoo kamma la, i la Alla. Ŋà a la kuwolu kibaaroolu le moyi, a ye meŋ bee ke Misira,