Yesaya 3:9 - Mandinka Bible

⁹ Ì mankutoo le keta ì seedoo ti. Ì ka tintiŋ ì faŋolu la junuboolu la le ko Sodomunkoolu, ì buka a maabo. Kooroo be boyi la ì kaŋ ne, ì ye maasiiboo naati ì faŋolu kaŋ.

Yesaya 3:9 Mawu Ofanana

1 Musa 13:13

Sodomunkoolu mu moo jawu baalu le ti, ì ka tu junuboo ke la Yaawe ñaatiliŋo la.

1 Musa 19:34

Wo saamoo dimmusu keebaa ko dindimmaa ye ko, “Nte niŋ m faamaa kafuta le ñiŋ suuto tambilaa. Ñiŋ suutoo fanaa, ŋà a mindi wayinoo la, bituŋ i fanaa si taa, i niŋ a ye kafu, fo ǹ si diŋo soto ka bo niŋ m̀ faamaa la.”

1 Musa 4:5

Bari a maŋ Kaabiila niŋ a la sadaa muta. Kaabiila naata kamfaa baake, a ye a ñaa kuyaa.

2 Mansoolu 9:30

Bituŋ Yehu taata Yesireeli saatewo kono. Kabiriŋ Yesebeli ye a moyi ko Yehu naata le, a ye kalaa maa a ñaa la, a ye a kuntiñoo dadaa kuu. Bituŋ a ye juubeeroo ke ka bo a la palanteeroo to.

Jabuuroolu 10:4

A la faŋ waroo le ka a tinna a ka a fo ko, “Alla te kuu kisikisi la.” A ka tu ñiŋ ne miira la a faŋ ma ko, “Alla te keriŋ.”

Kuma Kotoomaalu 15:32

Moo-wo-moo balanta kuluuroo la, a ka jutu a faŋo le la, bari moo meŋ sonta yitandiroo la, wo ka fahaamuroo soto le.

Kuma Kotoomaalu 30:13

Doolu be jee, mennu ka ì faŋo wara, aniŋ mennu ka jutu moolu la.

Kuma Kotoomaalu 8:36

Bari moo-wo-moo maŋ n ñini, i ye i faŋo le toora, aduŋ moo-wo-moo ye n koŋ, i lafita saayaa le la.”

Yesaya 1:10

Alitolu Yerusalaamunkoolu, ali niŋ ali la maralilaalu ka munta le ko Sodomu niŋ Komorankoolu! Ali ali tuloo loo Yaawe la kumoo la! Ali ali hakiloo tu ǹ na Alla la luwaa to!

Yesaya 3:16

Yaawe ko, “Siyoni* musoolu ye ì faŋ wara le. Niŋ ì be taama kaŋ, ì be ì kaŋolu fayiŋ-fayiŋ na, ì be ì ñaalu yelemandi la, ì be taama la kepeti-kepeti, ñara feŋolu be kuma la ì siŋolu bala.”

Yesaya 57:20

Bari moo kuruŋolu ka munta le ko baajiyo meŋ ka tu maamaŋ na, a buka tenkuŋ noo, a baa baliŋo ka noo niŋ potoo doroŋ ne fintindi.

Yesaya 59:12

Kaatu ŋà junube kuu jamaa le ke i la karoo la, aduŋ ǹ na junuboolu le ye ǹ na boyidaalu yitandi, kaatu ì ka tu m̀ bala le, aduŋ ǹ sonta ǹ na kuu kuruŋolu la le.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yeremiya 6:15

Ì ye kuu ñewundiŋolu mennu ke, wolu ñanta ì malu la le, bari hanii, wo maŋ ì malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na le.” Yaawe le ye a fo.

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Niikuyaa Suukuwolu 5:16

Ñaroo jolonta le ka bo ǹ kuŋo to, kooroo boyita ǹ kaŋ, kaatu ŋà junuboo le ke.

Esekiyeli 16:30

Maarii Yaawe ye ñiŋ ne fo ko: “I ñoŋ moo kee landiyo! I ka caka malubaloolu maañaa le ke,

Esekiyeli 16:49

Saayiŋ i doomaa Sodomu la junube kuwo keta nuŋ ñiŋ ne ti, a niŋ a dimmusoolu ye ì faŋ wara le, ì konoo faata, ì baloo fanaa firinta. Ì buka fuwaaroolu maakoyi, aniŋ mennu suulata deemaaroo la.

Esekiyeli 23:16

Kabiriŋ a ñaa ye ñinnu je, a hameta ì la, fo labaŋo a ye kiilaa kii ì ye Babiloni fo ì si naa.

Daniyeli 7:20

N lafita le fanaa bina taŋolu la kuwo ye koyi m ma, mennu tarata a kuŋo to, aniŋ binandiŋo meŋ fintita naŋ, bina saba wututa ì noo to meŋ ye, wo binoo meŋ ñaalu be a la, aniŋ daa meŋ ka kuma baalu fo. A ka muluŋ ne ko, ate le la kuwo warata a ñoŋolu ti.

Hoseya 13:9

“Banisirayila, m be ali kasaara la le, jumaa le si ali maakoyi noo?

Hoseya 5:5

Banisirayila la faŋ waroo le keta a faŋo seedoo ti, Efurayimu la junuboo, wo le be a boyindi la, Yahuuda niŋ a be boyi la ñoo la le.

Roomankoolu 6:23

Kaatu junuboo la joo mu saayaa le ti, bari Alla la sooroo mu badaa-badaa baluwo le ti Kiristu Yeesu kono, m̀ Maariyo.

Lankenemoo 11:8

Ì furewolu be tara la laariŋ saatee baa mbeedoolu kaŋ ne, ì ka meŋ misaali Sodomu niŋ Misira la. Wo le mu saatewo faŋo ti, ì Maariyo pempenta yiribantambiloo kaŋ daameŋ.

1 Samuweli 15:32

Samuweli ko, “Ali Mansa Akaki samba n ye naŋ jaŋ.” Akaki jarajaratoo naata a yaa. A ka i miira a kuŋo le la, a niŋ saayaa la koleyaa.