Yesaya 3:3 - Mandinka Bible

³ ka taa kelediŋ ñaatonkoolu aniŋ makaamatiyolu, yaamarilaalu, mecetiyolu, aniŋ saabutiyolu.

Yesaya 3:3 Mawu Ofanana

Yuuba 22:8

I ye i la semboo taa, aniŋ i la makaamoo ka bankoo kenoo bee taa.

2 Musa 18:21

Bari i si tombondiroo ke moolu bee kono, mennu ye londoo soto, moolu mennu silata Alla la, jikoo be mennu la kuwo to, aduŋ ì ye duku mutoo koŋ, wolu taa ka dookuwo ke moo wuli kiliŋolu, kemoolu, taŋ luuloolu aniŋ taŋolu ye.

2 Musa 4:10

Bari Musa ko Yaawe ye le ko, “Hee, m Maarii, nte maŋ ke diyaamulaa kendoo ti, aduŋ n nene maŋ ke a ti, hani kabiriŋ i ye diyaamoo dati n ye. M maŋ diyaamoo noo, n naafata diyaamoo la le.”

Yesaya 3:2

A be ì la kelejawaroolu niŋ ì la kelediŋolu buusi la ì la le, ì la kiitindirilaalu, annabiyomoolu, juubeerilaalu, alifaalu,

Yesaya 3:4

A be kambaanendiŋolu le ke la ì la ñaatonkoolu ti, dindiŋ meseŋolu ye ì mara.

Yesaya 5:13

N na moolu be taa la mutoo kono le, bayiri ì maŋ fahaamuru soto n na karoo la. Konkoo le be boyi la ì la ñaatonkoolu kaŋ, mindoo ye ì noomalankoolu faa.

Yesaya 9:15

Alifaalu niŋ ñaatonkoolu le mu kuŋo ti, annabiyomoolu mennu ka faniyaa kumoo kawandi, wolu le mu feñoo ti.

5 Musa 1:15

Bituŋ ŋa moo ñaamendiŋolu niŋ buuñaa moolu tomboŋ ali la lasiloolu kono, ka ì ke ali la ñaatonkoolu ti. Doolu keta kelediŋ ñaatonkoolu ti wuli kiliŋolu kunna, doolu kemoolu, doolu taŋ luuloolu, doolu taŋolu, doolu keta dookuulaalu ti bundaa koteŋolu to, ali la lasiloolu bee kunna.

Kiitindirilaalu 8:18

Bituŋ a ye Seba ñininkaa aniŋ Salimunna, “Kewolu duŋ, ali ye mennu faa Tabori?” Ì ye a jaabi ko, “Kewolu mennu be ko i be ñaameŋ, komeŋ mansariŋolu.”

1 Samuweli 8:12

A be doolu ke la moo wuli kiliŋolu la kelediŋ ñaatonkoolu le ti, a be doolu ke la moo taŋ luuloolu la kelediŋ ñaatonkoolu le ti. Doolu fanaa be a la kunkoolu sene la a ye le, aniŋ ì be katiroo fanaa ke la a ye. Bituŋ doolu fanaa, wolu si kelejooraŋolu dadaa a ye, aniŋ a la keleraŋ sareetoolu* la jooraŋolu.