Yesaya 3:1 - Mandinka Bible

¹ Saayiŋ, Yaawe* Alihawaa Maariyo* pareeta le ka munafaŋ feŋolu bee taa Yerusalaamunkoolu niŋ Yahuuda moolu bulu, domoroo niŋ jiyo bee, aniŋ ì ka jiki mennu la.

Yesaya 3:1 Mawu Ofanana

2 Mansoolu 25:3

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.

Jabuuroolu 105:16

A ye konkoo le boyi Kanaani bankoo kaŋ, a ye ì la siimaŋ sotoo daŋ.

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

Yesaya 2:22

Ali kana jiki hadamadiŋo la, bankumunkoo doroŋ ne mu, wo koolaa a mu muŋ ne ti?

Yesaya 3:16

Yaawe ko, “Siyoni* musoolu ye ì faŋ wara le. Niŋ ì be taama kaŋ, ì be ì kaŋolu fayiŋ-fayiŋ na, ì be ì ñaalu yelemandi la, ì be taama la kepeti-kepeti, ñara feŋolu be kuma la ì siŋolu bala.”

Yesaya 36:12

Bari kelediŋ kuntii baa ñiŋ ko, “Fo m maarii ye n kii ka ñiŋ kumoolu fo alitolu niŋ ali maarii dammaa le ye baŋ? A ye n kii le ka diyaamu ñiŋ moolu fanaa ye, mennu be siiriŋ tata sansaŋo kaŋ santo. Itolu fanaa be ì la buwo domo la le, ì ye ì la sumunaa miŋ, komeŋ alitolu faŋolu.”

Yesaya 5:13

N na moolu be taa la mutoo kono le, bayiri ì maŋ fahaamuru soto n na karoo la. Konkoo le be boyi la ì la ñaatonkoolu kaŋ, mindoo ye ì noomalankoolu faa.

Yesaya 51:22

I Maarii Yaawe, i la Alla meŋ ka loo a la moolu ye, a ye ñiŋ ne fo ko: “A juubee, wo mindaŋo meŋ ka i timili-tamalindi, ŋa a taa i bulu le, wo kamfaa mindammaa meŋ, i ka i miŋ a la, i te i miŋ na a la kotenke.

Yesaya 9:20

aduŋ moolu ye domorindiŋ je daa-wo-daa, ì ka a suuñaa le, ì ye a domo, bari wo buka konkoo bo ì la. Meŋ si ke ì maakoyilaa ti, ì ka i baluu wo le la.

Yeremiya 37:21

Bituŋ Mansa Sedekiya naata kaŋo dii ka m muta kelediŋ kantarilaalu la luwo to. Ì ka mbuuru kuŋ kiliŋ ne dii n na luŋ-wo-luŋ, ka bo mbuuru janilaalu yaa, mbeedoo kaŋ. Ì ye a ke wo le ñaama, fo mbuuroo banta saatewo kono. Bituŋ wo ñaama le mu, nte Yeremiya tuta kantarilaalu la luwo to.

Yeremiya 38:9

“M maarii Mansa, ñiŋ kewolu ye kuu jawu baa le ke Annabilayi Yeremiya la teŋ, ka a bula koloŋo kono. A be faa la konkoo la jee le, kaatu domoroo faŋo le maŋ soto saatewo kono jaŋ.”

Yeremiya 52:3

Yaawe la kamfaa le ye a tinna ñiŋ kuwolu bee laata Yerusalaamu kaŋ, aniŋ Yahuuda, fo labaŋo la a ye ì bayi ka bo a ñaatiliŋo la. Sedekiya naata balaŋo le tiliŋ Babiloni mansakewo la.

Yeremiya 52:6

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.

Niikuyaa Suukuwolu 5:4

Ka jiyo miŋ, fo ǹ si kodoo joo, hani loo, ǹ ka a saŋ ne.

Esekiyeli 14:13

“Ite hadamadiŋo, niŋ a ye a tara bankoo moolu bee tilimbaliyaata aniŋ ka foroyaabaliyaa m ma, m be wuli la wo moolu kamma le, m be ì fondi la ì la domori feŋolu la le, ŋa konko jawoo boyi ì niŋ ì la beeyaŋolu kaŋ, ì bee ye kasaara ñoo la.

3 Musa 26:26

M be ali la siimaŋ sotoo daŋ na le, domoroo ye dooyaa, hani fo musu taŋ kali deŋ fuuri kiliŋ na ka ali la mbuuroo jani a kono. Ì si naa muru ì ye a sumaŋ, ka a talaa ali teema, aduŋ a te ali sii la.

Amosi 4:6

Yaawe ye ñiŋ ne fo ko, “Nte le ye konkoo duŋ ali la saatee baalu niŋ saateeriŋolu kono, fo ali kana feŋ soto ali be meŋ domo la. Bari hani wo bee, ali maŋ soŋ muru la n kaŋ.

Mika 4:9

“Wo to saayiŋ, muŋ kumboo kuu le laata i kaŋ? Fo i maŋ mansakewo le soto baŋ? Fo i la yaamarilaalu le banta baŋ, wo kuwo seleta i la, ko niŋ tiŋo be musoo la?