Yaawe ko, “M be duniyaa mantoora la a la kuu jawu kewo la le, ŋa moo kuruŋolu jarabi ì la junube kuu kewo la. M be faŋ wara moolu la faŋ wara maañaa daŋ na le, ŋa moo tooralaalu la faŋ sikandoo jindi.
I ye ñiŋ ne fo i hakiloo kono ko, “M be sele la saŋo santo, m be n na mansasiiraŋo selendi la Alla la looloolu kaŋ santo le, m be tara la siiriŋ konko senuŋo* dulaa jaŋ baalu santo,
I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.
Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.
Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.
Balafaabaliyaa niŋ kasaaroo, Maariyo ye wo le laa Yaakuba siidulaalu bee kaŋ. A ye Dimmusuriŋ* Yahuuda boyinkaŋ, a ye a saatee tatariŋolu bee le teyi, a la kamfaa baa kaŋ. A ye a la mansayaa boyindi duuma, aniŋ a maralilaalu, ì niŋ maloo tuta.
A la suwoolu worosoolu be i la saatee mbeedoolu bee doriŋ-doriŋ na le, a la kelediŋolu ye i la moolu bee faa keloo to, aduŋ i la samasiŋ baalu bee ye boyi naŋ duuma.
I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.
A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.