Yesaya 24:9 - Mandinka Bible

⁹ Moolu buka wayini miŋo niŋ denkiloo ke kotenke, doloo kuniyaata a minnaalu ye.

Yesaya 24:9 Mawu Ofanana

Yesaya 5:22

Kooroo be wo moolu ye, mennu too bota wayini miŋo la, ì maŋ ñoŋ soto dolo ñaamiriŋ miŋo to,

Kawandilaa 9:7

Wo to i la domoroo domo niiseewoo kono, i ye i la wayinoo* miŋ sondome tenkuŋo kono. Alla lañinita i ye ñiŋ ne la.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Amosi 8:3

Wo luŋo la, denkiloo meŋ ka laa mansabuŋo to, be yelema la kumboo le ti. Furee jamaa le be tara la fatafatariŋ dulaalu to taariŋ. Kaawakuu! Deyoo si ke tek.” Maarii Yaawe le ye a fo.

Yesaya 5:20

Kooroo be wo moolu ye, mennu ka kuu jawoo kumandi kuu betoo la, aniŋ kuu betoo, kuu jawoo la, ka diboo yelemandi maloo ti, aniŋ ka maloo ke diboo ti, ka kuniyaa yelemandi timiyaa ti, aniŋ ka diimaa ke kuumaa ti.

Jabuuroolu 69:12

Ì ye n ke kacaaraŋo le ti saatewo dundaŋ daa* to, aduŋ dolominnaalu ka denkiloolu laa le ka n teeliŋ.

Jakariya 9:15

Yaawe Alihawaa Maariyo* be a la moolu kanta la le. Ì be ì jawoolu la kampuraŋ beroo muta la le, ì ye dori ì kaŋ. Ì si ì jawoolu yeloo boŋ, ì ye faa yeloo la ko keraŋo, ì ka meŋ taa ka yeloo sariŋ-sariŋ sadaajanidulaa* tonkoŋolu to. Ì jawoolu yeloo si ì siirandi, ì ye wuuri ko dolomintoolu.

Esekiyeli 26:13

M be daŋ ke la i la moolu la denkiloolu niŋ ì la kumafeŋ diimaalu la le, aduŋ moo te ì la kooraa kumakaŋolu moyi la kotenke.