Yesaya 2:3 - Mandinka Bible

³ Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yesaya 2:3 Mawu Ofanana

Esita 9:27

Yahuudoolu ye ñiŋ ke ì kunto dunoo le ti, ka a ke aadoo ti ì faŋolu ye, ì koomalankoolu, aniŋ moo-wo-moo kafuta ì ma. Ì maŋ ñaŋ na ñina la ñiŋ luŋ fuloo la saŋ-wo-saŋ ko ì ye a fo ì ye ñaameŋ, aniŋ ì ye waatoo meŋ fo ì ye.

Jabuuroolu 102:23

A ye n na fondinkeeyaa semboo bee baŋ ne, a ye m baluu tiloolu loo sutiyandi.

Jabuuroolu 110:2

Yaawe be i la maraloo konoo fanundi la le ka bo Siyoni*. I be maraloo ke la i jawoolu kaŋ ne.

Jabuuroolu 119:171

Jayiroo le be tu la bo la n daa ite ye, kaatu i ye n karandi i la luwaalu la le.

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Jabuuroolu 48:1

Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

Yesaya 1:26

M be kiitindirilaalu dii la i la le ko i la folooto taalu. M be yaamarilaalu dii la i la le, ì ye ke ko mennu be jee nuŋ. Wo koolaa le, ì be i kumandi la saatee tilindiŋo la, aniŋ saatee foroyaariŋo.”

Yesaya 11:10

Wo luŋo la, maralilaa meŋ be bo la Yese bala ko yirisuloo, be loo la moolu ye bandeeriyaa le daa to. Bankoolu bee be tara la ate le kooma, aduŋ a sabatidulaa be faa la niŋ neemoo le la.

Yesaya 19:23

Wo luŋo la, sila fanuŋo le be bo la Misira fo Asiriya. Asiriyankoolu be naa Misira, Misirankoolu ye taa Asiriya. Misirankoolu niŋ Asiriyankoolu be Alla batu la ñoo kaŋ ne.

Yesaya 28:9

Ì ko, “Wo Yesaya ka a kata ka jumaa le karandi? A ka a la kiilaariyaa kumoo bondi jumaa le ye ñoo to? Fo a ka a fo dindiŋolu le ye baŋ, mennu bondita sunjoo to?

Yesaya 44:5

Moo jamaa le be naa kafu la Yaawe la moolu ma. Doo si a fo ko, ‘Yaawe le taa mu nte ti.’ Doo si a faŋo toolaa ‘Yaakuba’ la. Doo koteŋ fanaa si a tampu a buloo bala ko, ‘Yaawe taa,’ aduŋ a si a too ke ‘Banisirayila’ ti.”

Yesaya 56:5

M be hakilibulandiraŋo niŋ too le dii la ì la, mennu be tara la n na Batudulaa Buŋo* kono, ì ye fisiyaa ì ye dinkewolu niŋ dimmusoolu ti. M be too le dii la ì la, meŋ te buruka la, a be tu la le fo abadaa.

Yesaya 56:7

m be ñinnu le samba la n na konko senuŋo* to, ì ye tara seewooriŋ n na duwaa buŋo kono. M be soŋ na le ì la jani sadaalu* niŋ ì la beeyaŋ sadaalu ye laa n na sadaajanidulaa* kaŋ. Kaatu ì be n na buŋo kumandi la duwaa buŋo le la, bankoolu bee ye.”

Yesaya 60:3

Bankoolu be naa le ka i la maloo je, mansoolu be naa le ka a je, i la fanikewo be faramansariŋ ñaameŋ.

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yesaya 66:20

Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

Yeremiya 12:16

Misaali fee, niŋ a ye a tara ì ye n na moolu la siloo karaŋ a ñaama, ì ka kali n too la ka a fo ko, ‘A be koyiriŋ ñaameŋ ko Yaawe be baluuriŋ ne,’ ko itolu fanaa ye n na moolu karandi ñaameŋ ka kali Baali* jalaŋo too la, wo to ì be sabati la n na moolu kono le, ì ye firiŋ jee.

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Esekiyeli 40:2

Jeroo kono, Alla ye n samba Banisirayila bankoo le kaŋ, a ye n londi konko jaŋ baa kaŋ santo. Ŋa buŋolu le je n ñaatiliŋo la jee, mennu ka muluŋ ko saatewo.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Mika 4:2

Banku jamaa moolu si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo* to, fo a si ǹ karandi a la siloolu la, fo ǹ si taama noo a la lafoo kaŋ.” Kaatu yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Matiyu 7:24

“Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Luka 11:28

Bari Yeesu ko a ye ko, “Barakoo be moolu le ye, mennu ka Alla la kumoo moyi, aniŋ ì ka a muta.”

Luka 24:47

Tuuboo ka ì koo dii ì la junuboolu la, a niŋ junube yamfoo le be kawandi la a too la nasiyoŋolu bee ye, aduŋ a be dati la Yerusalaamu le.

Yohana 4:22

Alitolu Samariyankoolu ka baturoo ke le, bari ali maŋ a loŋ, ali ka meŋ batu. Ntolu Yahuudoolu ye a loŋ ne, ǹ ka meŋ batu, kaatu kiisoo naata ka bo niŋ Yahuudoolu le la.

Yohana 7:17

Niŋ moo-wo-moo lafita ka Alla la lafoo ke, a be a loŋ na le, fo ñiŋ karandiroo bota Alla le yaa, waraŋ fo nte ka m fansuŋ kuwo le fo.

Kiilaalu 1:8

Bari niŋ Noora Kuliŋo naata ali kaŋ, ali be semboo soto la le, aduŋ ali be ke la seedoolu le ti n na kuwo to Yerusalaamu kono, Yudeya tundoo bee kaŋ, Samariya, aniŋ ka taa fo duniyaa daŋo to.”

Kiilaalu 10:33

Wo le ye a tinna ŋa kiilaalu kii i kaŋ wo loodulaa to, aduŋ i la naa keta kuu bete baa le ti. Saayiŋ, ntolu bee be jaŋ Alla ñaatiliŋo la ka kumoolu bee moyi, Alla ye i yaamari ka mennu fo.”

Roomankoolu 10:18

Bari ŋa ñininkaaroo ke, “Fo ì maŋ kumoo moyi baŋ?” Tooñaa, ì ye a moyi le! A be safeeriŋ kiilaalu la kuwo to ko: “Ì la kankulaaroo ka janjaŋ duniyaa bee le kono, aduŋ ì la kumakaŋolu ka futa duniyaa daŋolu to le.”

5 Musa 33:19

Ì be sii koteŋolu kumandi la ì la konkoo to, ì ye sadaalu* bo ko a ñanta ñaameŋ. Ì si fanka baa to, ì ye i tinee kulloo la meŋ be baa daala keñoo to.”

5 Musa 6:1

Musa tententa ka ñiŋ fo Banisirayilankoolu ye ko: Ñinnu le mu luwaalu niŋ yaamaroolu ti, aniŋ saratoolu, Yaawe* ali la Alla ye n yaamari ka ali karandi mennu la. Ali si soŋ ka ì ke bankoo kaŋ ali be naa duŋ na daameŋ ka jee taa.

Yankuba 1:25

Bari a maŋ tara wo ñaama moo fee, meŋ ñaa be looriŋ luwaa timmariŋo kaŋ, baawo a ka luwaa le koroosi, meŋ ka firiŋo dii, aduŋ a ka wakiili a mutoo la le. Barakoo be wo maarii le ye, a la kebaaroolu bee to, baawo a maŋ ke kumoo moyilaa doroŋ ti, meŋ hakiloo buka tu a kaŋ, bari a mu a baaralaa le ti.