Yesaya 17:3 - Mandinka Bible

³ Efurayimu* tatoolu be kasaara la le, mansayaa semboo ye buruka Damasiku. Too meŋ tuta Aramu bankoo kaŋ, be ke la le ko Banisirayila jikiraŋ semboo yeemanta ñaameŋ.” Yaawe Alihawaa Maariyo* le ye a fo.

Yesaya 17:3 Mawu Ofanana

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

Yesaya 10:9

Fo a te Kalino noo la baŋ komeŋ Karikemisi, aniŋ Hamati, ko Aripadi, Samariya fanaa, ko Damasiku?

Yesaya 16:14

Bari saayiŋ, Yaawe ko, “M be luŋolu konti la le, ko lebereesoo ka a la luŋolu konti ñaameŋ. Sanji saba bandulaa, Mowabi jikiraŋ semboo be baŋ na le. Hani ì siyaata ñaa-wo-ñaa, domandiŋ ne be tu la ì kono, domandiŋ doroŋ, aduŋ wolu be lamfu la le.”

Yesaya 17:4

Yaawe ko, “Wo luŋo la, Yaakuba jikiraŋ semboo be jii la le, a la fankamaayaa ye naa labaŋ fuwaareyaa la.

Yesaya 25:2

I ye saatewo ke tumbuŋo le ti, i ye saatee tatariŋo ke bere kutukata sapoo ti. Banku koteŋ moolu la saatee tatariŋo wo maŋ ke saatee ti kotenke, aduŋ a nene te seyinkaŋ loo la.

Yesaya 7:16

Bari janniŋ kambaanendiŋo be kuu kendoo niŋ kuu jawoo bo la ñoo to, i be silariŋ ñiŋ mansa fuloo la bankoolu mennu la, ì bee be kasaara la le.

Yesaya 7:8

A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Hoseya 1:4

Bituŋ Yaawe ko a ye ko, “A toolaa Yesireeli la, kaatu ñaato domandiŋ m be Yehu dimbaayaa jarabi la yeleboŋo le la, meŋ keta Yesireeli. Aduŋ m be daŋ ke la Banisirayila mansamarali bankoo la le.

Hoseya 1:6

Komeri ye konoo taa kotenke, a ye dimmusoo wuluu. Bituŋ Yaawe ko Hoseya ye ko, “A toolaa Lo-Ruhama la, kaatu n te balafaa soto la Banisirayila ye kotenke, waraŋ ka yamfa ì ye.

Hoseya 10:14

wo to keloo si wuli ali la moolu kamma. Ali la tatoolu bee si teyi, ko Mansa Salimani ye Beti-Aribeli teyi ñaameŋ, luŋ meŋ na, ì ka musoolu niŋ ì diŋolu busa bankoo to ka ì janjaŋ.

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Hoseya 8:8

Banisirayila teyita le fokabaŋ, saayiŋ a be banku koteŋolu teema ko feŋ nafantaŋo.

Hoseya 9:11

Efurayimu la horomoo si tii ko kunoo, a musoolu te harijee la, konomaayaa te jee, sako ì si wuluu.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”