Yesaya 15:3 - Mandinka Bible

³ Ì ka booto funtoolu le duŋ mbeedoolu kaŋ, ka taa bantabaalu to, aniŋ ì la buŋ santo teruriŋolu* kaŋ. Ì bee le ka wuuri, ì ye i fayi duuma ka kumboo.

Yesaya 15:3 Mawu Ofanana

2 Samuweli 3:31

Wo to le Dawuda ko, Yowabu niŋ a la kewolu ye ì la dendikoolu fara, ì ye booto funtoo duŋ, ka Abuna saŋakumboo. Biriŋ ì be taa a baadee la, Mansa Dawuda faŋo tarata furee keesoo kooma le.

2 Mansoolu 6:30

Kabiriŋ mansa ye ñiŋ kumoo moyi, dendikoo meŋ be dundiŋ a la a ye a fara, niikuyaa kamma la. Biriŋ a be taama kaŋ tata sansaŋo kaŋ santo, moolu mennu tarata duuma ye a je ko, a ye booto funtoolu le duŋ a bala kotondaŋo ti, niikuyaa kamma la.

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yesaya 22:1

Kiilaariyaa kumoo fele, ŋa meŋ je wulumbaŋo la kuwo to. Ali ka muŋ maañaa le ke teŋ, ka sele buŋ santo teruriŋolu* kaŋ ka juuraloo ke?

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Yesaya 3:24

Sunkaŋo le be seeroo la palaasoo taa la, teesitiraŋ ñiimaa be yelema la julu kotoo le ti, kuŋ ñarandoo ye yelema kuŋ nunkoo ti, paree ñiimaa ye yelema booto funtu duŋo ti, muluŋ ñiimaa si yelema maloo ti.

Yeremiya 19:13

Buŋolu mennu be Yerusalaamu kono, ka taa Yahuuda mansoolu la buŋolu, be ke la dulaa kosoriŋo le ti ko Tofeti. Ì ka cuuraayoo siisindi sadaa ti wo buŋ santo teruriŋolu* to, saŋo santo malafeŋolu ye, aduŋ ì ka miŋ feŋ sadaalu boŋ jalaŋolu ye.”

Yeremiya 48:37

Ì bee ye ì kuŋo nunku le, ì ye ì booraa lii, ì ye ì buloolu bala bee nama, ì ye booto funtoolu duŋ ka ì la niikuyaa yitandi.

Niikuyaa Suukuwolu 2:10

Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.

Esekiyeli 7:18

Ì be booto funtoolu le duŋ na ka ì la niikuyaa yitandi, kijafara baa le be duŋ na ì la. Malu kuwo le be moo bee ñaadaa muuri la, ì be ì kuŋolu nunku la maloo kamma le.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Matiyu 11:21

A ko, “Kooroo be alitolu Korasininkoolu ye! Kooroo be alitolu Betisayidankoolu ye! Kaatu kaawakuwolu mennu keta nuŋ ali la saatewolu kono, niŋ a ye a tara, wolu keta Tire niŋ Sidoni saatewolu le kono, tennuŋ ì banta booto funtoolu duŋ, ì ye seebuutoo maa, ka ì la tuuboo yitandi.

5 Musa 22:8

Niŋ i ye buŋ kutoo loo, i ye a santoo teru, i si wo teroo dandaŋolu sansaŋ. Niŋ i maŋ wo ke wo ñaama, moo-wo-moo boyita naŋ wo buŋo santo, a la saayaa dunoo be laa la i niŋ i la dimbaayaa kaŋ ne.

Yankuba 5:1

Alitolu fankamaalu, ali i lamoyi! Ali ye woosii niŋ kumboo baa la maasiiboolu kamma la, mennu ka naa laa ali kaŋ.

1 Samuweli 5:12

Moolu mennu maŋ faa, a ye wolu yankankati niŋ maadiŋolu le la, aduŋ saatee moolu la kumboo kaŋo taata le fo ì la allañolu yaa, fo ì si ì maakoyi.