Yesaya 13:4 - Mandinka Bible

⁴ Ali i lamoyi, maakaŋo le be konkoolu kaŋ, ko niŋ moo jamaalu le be jee. Ali i lamoyi, wuurikaŋo le ka kuma mansamarali bankoolu kaŋ, ko niŋ bankoolu le ka beŋ. Yaawe Alihawaa Maariyo* le be a la kelediŋ kafoolu parendi kaŋ keloo ye.

Yesaya 13:4 Mawu Ofanana

Yesaya 17:12

Hee, maakaŋ waroo banku jamaa kaŋ, ì kumakaŋo be le ko baa maakaŋo! Hee, bumbuŋ kaŋo banku jamaa kaŋ, ì bumbuŋ kaŋo be le ko fankaasoo bumbuŋ kaŋo!

Yesaya 48:14

“Ali bee ye naa beŋ ñoo kaŋ, ali ye i lamoyi. Batufeŋ jumaa le ye ñiŋ kuwolu yitandi, mennu be naa ke la teŋ? Nte Yaawe ye meŋ kanu, wo le be n na feeroo taamandi la Babiloninkoolu kamma, a buloo be laa la ì kaŋ ne.

Yesaya 5:26

Yaawe ye bandeeroo wulindi banku jamfariŋo moolu ye le ka naa, a ye moolu kumandi, ka bo naŋ duniyaa daŋo to. A fele ì ka naa, korontoo aniŋ tariyaa ñaama.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Yeremiya 21:4

Yaawe Banisirayila la Alla ye ñiŋ ne fo ko: “A juubee, m be kelejooraŋolu murundi la ali faŋolu le kaŋ, mennu be ali bulu, ali ye mennu taa ka Babiloni mansakewo kele, meŋ niŋ a la kelediŋolu ye ali suki tata sansaŋo kono. M be ì samba la naŋ ñoo kaŋ ñiŋ saatewo teema le.

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yoweli 2:25

“Ŋa kelediŋ kafu baa meŋ kii ali kaŋ, kuntiŋ koorewolu, kuntiŋ podilaalu, kuntiŋ tiñaarilaalu, kuntiŋ kunturilaalu, ì ye fiifeŋolu mennu bee domo saŋolu la, m be ì bee le jooseyi la.

Yoweli 3:14

Moo wuliwuloolu, kiitii wulumbaŋo to! Yaawe la luŋo sutiyaata naŋ kiitii wulumbaŋ ne.

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”