Yesaya 11:3 - Mandinka Bible

³ Yaawe ñaasilaŋo, wo le be ke la a la kontaani kuwo ti. A buka kiitiyo kuntu ka bo niŋ moo muluŋo la, waraŋ moyilaa moyi kumoo.

Yesaya 11:3 Mawu Ofanana

2 Samuweli 14:17

N ko m faŋ ye le ko, i la laahidoo be nte tankandi la le, kaatu mansa ka munta le ko Alla la malaayikoo, aduŋ a si kuu betoo niŋ kuu kuruŋo bo noo ñoo to le. Allamaa Yaawe i la Alla tara la i fee!”

2 Samuweli 14:8

Mansa ko musoo ñiŋ ye ko, “Taa suwo kono, m be kaŋo taamandi la le i la kuwo kamma la.”

1 Mansoolu 3:28

Banisirayila moolu bee ye ñiŋ kiitii kuntoo moyi le mansa ye meŋ ke, aduŋ ì naata mansa muta ka a kuliyaa aniŋ ka a horoma, kaatu ì ye a je le ko Alla la ñaameŋo le tarata a kono ka tooñaa taamandi.

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

Yuuba 12:11

Fo tuloo buka kumoo moyi baŋ, ko neŋo ka domoroo nene ñaameŋ?

Yuuba 34:3

Tuloo ka kumoo moyi le, ko neŋo ka domoroo nene ñaameŋ.

Kuma Kotoomaalu 2:5

wo to i be Yaawe* ñaasilaŋo kalamuta la le, i be Alla loŋ na le.

Kuma Kotoomaalu 2:9

Wo to i be sila betoolu loŋ na le, mennu tilinta, ì soobeeyaata, aniŋ ì foroyaata.

Yesaya 33:6

Ate le be ke la ali la waatoo fondamaŋ bambandiŋo ti, kiisoo, ñaameŋo aniŋ londoo diilaa. Yaawe ñaasilaŋo, wo le mu ali la naafuloo ti.

Esekiyeli 45:8

Banisirayila bankoo kaŋ, ñiŋ kenoolu be ke la mansa le taa ti, i si a je, n na mansoolu te n na moolu batandi la ka ì la kenoolu buusi ì bulu. Lasili-wo-lasili be a fansuŋ kenoo soto la le, mansa fanaa ye a fansuŋ kenoolu soto.”

Mika 4:3

A be kiitiyo kuntu la bankoolu teema, aduŋ ate le fanaa be fitinoo daa faa la banku sembemaalu teema, ka taa fo dulaa jaŋ. Ì be ì la hawusaroolu* tunkaŋ na le ka ke senedaboolu ti, ì la sooroolu ye ke katirilaŋolu ti. Banku te hawusari sika la banku kamma, sako ì si moo karandi keloo keñaa la kotenke.

Luka 2:52

Yeesu tententa ka meŋ, a la ñaameŋo ka kafu, aduŋ a la kuwo ka tu Alla niŋ moolu kontaani la.

Yohana 2:25

A maŋ suula moo-wo-moo la ka hadamadiŋo la kuwo seedeyaa a ye, kaatu ate ye a loŋ ne, meŋ be moo sondomoo kono.

Yohana 7:24

Ali kana kiitiyo ke niŋ ñaa la jeroo la, bari ali kiitiyo ke niŋ tiliŋo la.”

Hiburunkoolu 5:14

Bari domori bambandiŋo mu moo mendiŋolu le taa ti. Ka bo niŋ nindiroo le la, wo moolu naata fahaamuroo soto ka kuu betoo niŋ kuu jawoo bo ñoo to.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”