Yesaya 1:9 - Mandinka Bible

⁹ Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Yesaya 1:9 Mawu Ofanana

1 Musa 18:26

Bituŋ Yaawe naata a fo ko, “Niŋ ŋa moo kende taŋ luulu tara Sodomu saatewo kono, wolu la kuwo kamma la, m be yamfa la dulaa ñiŋ bee ye le.”

1 Musa 18:32

Bituŋ a ko Yaawe ye ko, “Dukaree, kana kamfaa, i ye n so ŋa diyaamu siiñaa kiliŋ doroŋ. Niŋ moo kende taŋ ne tarata jee duŋ?” A ye a jaabi ko, “N te a kasaara la, niŋ ŋa moo kende taŋ ne tara jee.”

1 Musa 19:24

Bituŋ Yaawe ye solifa* dimbaa jindi Sodomu niŋ Komora saatewolu kaŋ ka bo saŋo santo komeŋ samaajiyo.

1 Mansoolu 19:18

Bari wo ñaa-wo-ñaa m be moo wuli woorowula tu la Banisirayila kono baluuriŋ ne, moolu mennu maŋ sujudi Baali* jalaŋo ye waraŋ ka a sumbu.”

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Yesaya 1:8

Dimmusuriŋ* Siyoni* le tuta jee ko jembereŋo, yiri kankaŋo kono, ko ñantaŋ buŋo, kunkoo kono, ko niŋ ì ye saatewo meŋ suki.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 11:16

Sila baa le be tara la a la moo toomaalu ye jee, mennu bota Asiriya, ko a be nuŋ Banisirayila ye ñaameŋ, kabiriŋ ì bota naŋ Misira.

Yesaya 17:6

Banisirayila si muluŋ ko olifu* yiroo, ì ye meŋ diŋolu konkoŋ a bala, fo diŋ fula doroŋ waraŋ saba tuta a bala santo, kiliŋ-kiliŋolu ye tara a duuma la.” Yaawe Banisirayila la Alla le ye a fo.

Yesaya 24:13

Ñiŋ ne be ke la banku-wo-banku la, duniyaa bee kono. A bankoo la kenseŋyaa be muluŋ na le ko, niŋ ì ye olifu* yiribuloolu busa, ka diŋolu bee joloŋ ì bala, ko niŋ ì ye diŋ labaŋolu kati wayini suŋo bala.

Yesaya 24:6

Wo ye a tinna le, dankoo boyita duniyaa kaŋ, a moolu ye ì la boyidaalu dunoo taa. Silaŋ duniyaa kono sabatilaalu si talaa, domandiŋ doroŋ ye tu jee.

Yesaya 37:4

Asiriya mansa ye a la kelediŋ kuntiyo kii le ka Alla baluuriŋo sooki. A si ke noo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Yesaya 46:3

Yaawe* ko: “Yaakuba koomalankoolu ali i lamoyi n na, alitolu moo toomaalu mennu tuta Banisirayila, ŋa n hakilitu ali to le, biriŋ ali be konoo kono, n ka ali topatoo, biriŋ ali wuluuta.

Yesaya 6:13

Aduŋ hani a ye a tara, moo taŋ-wo-moo taŋ, moo kiliŋ ne tuta baluuriŋ bankoo kaŋ, wo fanaa be kasaara la le. Bari a be ke la le ko, niŋ ì ye yiri baa kuntu, yirijuu kuntoo ka tu jee ñaameŋ, turu senuŋo be ke la bankoo kaŋ wo le ñaama.”

Yesaya 65:8

Yaawe ye ñiŋ ne fo ko: “Ko jiyo doo ka tu wayini* diŋ ñatoo kono ñaameŋ, bituŋ moo doo ko, ‘Kana a fayi, kaatu kendemaa doo be jee le!’ m be wo le ke la, n na dookuulaalu tooyaa kamma la. N te ì bee kasaara la.

Yeremiya 23:14

Bari ŋa meŋ je Yerusalaamu annabiyomoolu la kuwo to, wo le faŋo saŋarata. Ì ka jeenoo ke le aniŋ ka taama faniyaa la. Ì ka kuu kuruŋ kelaalu jambandi le, ka a tinna moo buka soŋ fata la kuu kuruŋ kewo ma. Ì bee keta n ñaa koto le komeŋ Sodomu moolu, Yerusalaamu moolu keta komeŋ Komora moolu.”

Yeremiya 42:2

Ì ko n ye ko, “Dukaree, i lamoyi ǹ na daaniroo la, i ye duwaa ka Yaawe* i la Alla daani ntolu ñiŋ moo toomaalu ye. Ko i faŋo ñaa be ǹ na teŋ ñaameŋ, ntolu jamaa le mu nuŋ, bari saayiŋ ǹ tooriŋ doroŋ ne tuta.

Yeremiya 50:20

Wo luŋolu la, a waatoo la, moo si Banisirayila la boyidaa ñini le, bari hani kiliŋ, a te a je la, aniŋ Yahuuda la boyidaa, bari hani kiliŋ, a te a je la, kaatu m be yamfa la wo moo toomaalu ye le, ŋa mennu tu baluwo to.” Yaawe le ye a fo.

Niikuyaa Suukuwolu 3:22

Yaawe la kanu bambaloo nene maŋ kuntu ǹ ye, a la konotodiyaa kuwolu nene buka baŋ.

Niikuyaa Suukuwolu 4:6

Hee, jaraboo meŋ laata n na saatee moolu kaŋ, wo le tambita Sodomu taa la, meŋ kasaarata kataba kiliŋ, bulu maŋ maa a la.

Esekiyeli 14:22

Ŋa ì mantoora ñaa-wo-ñaa, doolu be kana la saayaa ma le, ì niŋ ì diŋolu. Aduŋ wolu be naa la le ka kafu ali ma Babiloni bankoo kaŋ. Niŋ ali ñaa boyita ì kaŋ doroŋ, ali be a loŋ na le ko, itolu mu kuu jawu kelaa baalu le ti, mennu kebaaroo maŋ beŋ. Wo kamma la, hani ŋa ì mantoora ñaa-wo-ñaa, wo te ke la ali ye sunu kuu ti, feŋ te fo ì faŋolu la maañaa jawuyaa, wo le ye a saabu ŋa wo mantooroo laa ì kaŋ.

Esekiyeli 6:8

“Mennu kanata keloo to, m be doolu tu la jee le, ì ye baluu, bari m be ì janjandi la bantala bankoolu* le kaŋ taariŋ.

Yoweli 2:32

Bari moo-wo-moo, meŋ ye Yaawe too kumandi, wo be kiisa la le. Siyoni Konkoo niŋ Yerusalaamu, moolu be soto la jee le, mennu be kana la, aniŋ moo toomaalu fanaa, Yaawe ye mennu tomboŋ, ko Yaawe ye a laahidi ñaameŋ.”

Amosi 4:11

“Ŋa kasaaroo tiliŋ ali la, ko ŋa Sodomu niŋ Komora kasaara ñaameŋ. Moolu mennu kanata ali kono, ì la kuwo keta le komeŋ niŋ i ye taalamaa kuntoo wafu naŋ dimbaa kono. Bari hani wo bee, ali maŋ soŋ muru la n kaŋ.” Yaawe le ye a fo.

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.

Sefaniya 2:9

Wo kamma la nte Yaawe Alihawaa Maariyo*, Banisirayila la Alla ye ñiŋ ne fo ko: A be koyiriŋ ñaameŋ ko nte be baluuriŋ ne, Mowabi be ke la le ko Sodomu, Ammoninkoolu ye ke ko Komora. Jeelu si ke ñaamoolu falindulaa ti, aniŋ koo lewo, jeelu ye kenseŋyaa fo fawu. N na moolu mennu tuta baluuriŋ, wolu le be ì ñapinkaŋ na, n na moolu mennu tuta baluwo to, wolu le be ì la bankoo keetaa la.”

Matiyu 7:14

Bari bundaa meŋ deteta, aduŋ a siloo maŋ sooneeyaa, wo ka taa baluwo le kono, aduŋ dantaŋ doroŋ ne ka a je.

Roomankoolu 9:27

Annabilayi Yesaya sarita Banisirayila la kuwo to le ko: “Hani Banisirayilankoolu siyaata ñaa-wo-ñaa ko bankumunkoo, dantaŋ ne be kiisa la,

Roomankoolu 9:29

A be le ko Yesaya ye kiilaariyaa kumoo fo nuŋ ñaameŋ ko: “Niŋ m̀ Maarii Alla, Alihawaa Maariyo*, maŋ koomalankoolu tu ǹ ye jee nuŋ ì ye baluu, m̀ be tumbuŋ na le ko Sodomu, ŋà ke ko Komora.”

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.

2 Pita 2:6

A ye Sodomu niŋ Komora saatewolu fanaa halaki le ka ì kasaara, a ye ì ke seebuutoo ti. A ye wo ke taamanseeroo le ti kuwo to, meŋ be ke la allantaŋolu la.

Lankenemoo 11:8

Ì furewolu be tara la laariŋ saatee baa mbeedoolu kaŋ ne, ì ka meŋ misaali Sodomu niŋ Misira la. Wo le mu saatewo faŋo ti, ì Maariyo pempenta yiribantambiloo kaŋ daameŋ.