Yesaya 1:8 - Mandinka Bible

⁸ Dimmusuriŋ* Siyoni* le tuta jee ko jembereŋo, yiri kankaŋo kono, ko ñantaŋ buŋo, kunkoo kono, ko niŋ ì ye saatewo meŋ suki.

Yesaya 1:8 Mawu Ofanana

Yuuba 27:18

A ye buŋo meŋ loo, a be le ko taaliŋ jaloo, waraŋ kantarilaŋ jembereŋo.

Jabuuroolu 9:14

ñiŋ kamma la n si loo saatee ñiimaa Siyoni dundaŋ daalu* to, ka kuwolu seyinkaŋ moolu ye, n ka i tentu mennu la, ka seewoo, kaatu i ye n kiisa le.

Yesaya 1:7

Jawoolu ye ali la bankoo kasaara, ì ye ali la saatewolu jani. Ì ye ali la katirifeŋolu bee domo ali ñaa koto, ali la kunkoolu kenseŋyaata, ko niŋ ñapinkannaalu ye dulaa meŋ boyinkaŋ.

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Yesaya 10:32

Wo luŋo la, ì be loo la Nobu le, ì ye Yerusalaamunkoolu silandi, Siyoni Konkoo moolu.

Yesaya 29:3

M be i suki la karoo bee le la, ŋa i murubeŋ niŋ tatoolu la, ŋa i suki sansaŋo la.

Yesaya 30:17

Moo wuli kiliŋ be bori la le, moo kiliŋo silaŋñaa kamma la, moo luulu silaŋñaa kamma la, ali bee be bori la le, ali ye ke ko bandeeri dokoo meŋ dammaa tuta konkoo kaŋ santo, waraŋ taamanseeri dokoo meŋ dammaa tuta konkoriŋo kaŋ.

Yesaya 37:22

a ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.

Yesaya 37:4

Asiriya mansa ye a la kelediŋ kuntiyo kii le ka Alla baluuriŋo sooki. A si ke noo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Yesaya 4:4

Maariyo be Yerusalaamunkoolu kiitindi la a la nooroo dimbaamaa le la, ka Yerusalaamu la boyidaa seneyandi, aniŋ yele noolu mennu be jee.

Yesaya 49:21

Wo to i be a fo la i sondomoo kono le ko, ‘Jumaa le duŋ ye ñiŋ dindiŋolu bee wuluu n ye? N niyo kuyaata le, kaatu m foota n diŋolu la le, n tarata nuŋ mutoo kono le, ì ye m fili jee. Jumaa le duŋ ye ñiŋ dindiŋolu kuluu? N dammaa le tuta m faŋ ye, saayiŋ duŋ, ñinnu bota mintoo le?’ ”

Yesaya 62:11

Yaawe ye kankulaaroo ke le fo duniyaa daŋo to ka a fo Dimmusuriŋ* Siyoni ye ko: “A juubee, i Kiisandirilaa naata le. A la jooroo be a bulu le, aduŋ a niŋ nafaa le ka naa.”

Yesaya 8:8

A waamemaa le be naa Yahuuda, a ye tara woyiriŋ karoo bee la. A be futa la le fo moolu kaŋo to.” Bari Alla be ntolu fee le, a dampaŋolu mennu be werendenderiŋ, be bankoo fanoo bee faa la le.

Yeremiya 4:17

Ì ye Yerusalaamu muruŋ-muruŋ ne ko kunku kantalaalu, bayiri a ye balaŋo tiliŋ nte le la.” Yaawe le ye a fo.

Yeremiya 6:2

Dimmusuriŋ* Siyoni* niŋ a la ñiiñaa niŋ a la kekuwo, m be a kasaara la le.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Niikuyaa Suukuwolu 2:6

Juuraloolu niŋ Loobula Luŋolu, Yaawe* ye wolu ke ñina kuwo le ti Siyoni. A ye a Batudulaa janjaŋ ne ko naakikono jembereŋo, a ye a la juurali dulaa kasaara. A la jusukandoo kono, a ye a koo dii mansakewo la le, aniŋ piriisoolu.

Jakariya 2:10

Yaawe ko, “Dimmusuriŋ* Siyoni*, ali niŋ seewoo ye suukuwo laa. M be naa le ka sabati ali kono.”

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Yohana 12:15

“Dimmusuriŋ* Siyoni*, kana sila. A juubee, i la mansa be naa kaŋ, a be siiriŋ falindiŋo kaŋ.”