Yesaya 1:16 - Mandinka Bible

¹⁶ Ali i kuu, ali ye ali faŋolu seneyandi. Ali ali la kuu kuruŋ kewolu bondi n ñaa koto, ali i foño kuu kuruŋ kewo la.

Yesaya 1:16 Mawu Ofanana

2 Mansoolu 17:13

Yaawe ye Banisirayila niŋ Yahuuda dandalaa le kendeke, ka bo niŋ annabiyomoolu niŋ kiilaariyaamoolu bee la, Alla la dookuulaalu. A ye ñiŋ ne fo ì ye ko, ì si yelema ka bo ì la sila kuruŋolu kaŋ. Ì si a la yaamaroolu niŋ luwaalu muta ko a be a la Luwaa Kitaaboo* muumewo kono ñaameŋ, a ye ì mumuñolu yaamari meŋ na, ka a muta. Aduŋ a ye wo luwaa kiliŋo le dii ì fanaa la ka bo niŋ a la dookuulaalu la, annabiyomoolu.

Jabuuroolu 26:6

Yaawe, ŋa m buloo kuu le ka n na sootaaribaliyaa yitandi. Niŋ m be baturoo la, n ka i la sadaajanidulaa* muruŋ-muruŋ ne,

Jabuuroolu 34:14

I bo kuu jawoo to, i ye baara kuu kendoo la. Kayiroo ñini, i ye a ke i hame kuwo ti.

Jabuuroolu 37:27

I bo kuu jawoo to, i ye kuu kendoo baara, fo i si tu bankoo kaŋ fo abadaa.

Jabuuroolu 51:2

N na kuu jawoolu bee bondi, fo ì ye seneyaa, i ye n seneyandi ka bo n na junuboolu kono.

Kuma Kotoomaalu 21:3

Ka kuu tilindiŋo ke aniŋ ka luwaa muta, Yaawe sonta wo le la, ka tambi beeyaŋ sadaa* ti.

Kuma Kotoomaalu 4:27

Kana jenke bulubaa waraŋ maraa la, i faŋo tankandi kuu kuruŋo ma.

Yesaya 52:11

Ali taa, ali taa, ali bo Babiloni! Feŋolu mennu maŋ janku, ali kana ì maa. Ali jamfa jee la, ali ye seneyaa, alitolu mennu ka Yaawe la batudulaa jooraŋolu samba.

Yeremiya 18:11

Wo to saayiŋ, a fo Yerusalaamu saatee moolu ye, ka taa Yahuuda moolu bee ye ko: M be kuu jawoo le dadaa kaŋ ali kamma, aduŋ m be feeroo siti kaŋ ali kamma le. Ali yelema, moo-wo-moo ye bo a la kuu jawu kewo to, ali ye ali taaraŋ siloolu faliŋ, aniŋ ali kekuwolu.

Yeremiya 25:5

Ì ye a fo ali ye le ko, “Ali yelema saayiŋ, ali kiliŋ-wo-kiliŋ, ka bo ali la sila kuruŋolu niŋ ali la baara kuruŋolu kaŋ, fo ali si tu sabatiriŋ bankoo kaŋ, Yaawe ye meŋ dii ali niŋ ali mumuñolu la fo fawu.

Yeremiya 26:3

Tumandoo ì be i lamoyi la le, fo moo-wo-moo si bo a la sila kuruŋo kaŋ. Niŋ wo keta n si n hakiloo faliŋ ka kasaaroo baayi n lafita meŋ ke la ì la, ñiŋ kamma ì ye kuu jawoolu mennu ke.

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Amosi 5:15

Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

Yunusa 3:8

Moolu niŋ daafeŋolu bee ñanta booto funtoo le siti la. Moo-wo-moo ye a faŋ seyi Alla ma, a ye a daani. Ì si ì koo dii ì la sila kuruŋolu la aniŋ ì la fitinoo.

Jakariya 13:1

“Wo luŋo la, woyoo le be finti la Dawuda koomalankoolu ye, aniŋ Yerusalaamunkoolu, ka ì seneyandi ì la junuboolu to, aniŋ ì la jankubaliyaa.”

Jakariya 7:7

Fo Yaawe maŋ ñiŋ kumakaŋolu le bankee nuŋ ka bo niŋ a la annabiyomoolu la, waatoo meŋ Yerusalaamu be faariŋ moo la, a be neemoo kono, a niŋ a dandanna saatewolu, moolu tarata sabatiriŋ hani Nekefu* tundoo aniŋ Sefela* konkotundoo* to?

Matiyu 3:8

Ali daajikoo yitandi, meŋ mu tuubi tooñaa ti.

Kiilaalu 22:16

Saayiŋ, i ka muŋ ne batu? Wuli, ì ye batisee*! I la junuboolu si kuu ka bo niŋ Maariyo too kumandoo la.’

Roomankoolu 12:9

Ali la kanoo si ke tooñaa ti. Ali kuu jawoo koŋ, ali ye kuu betoo muta kendeke.

2 Korintinkoolu 7:1

N kanuntewolu, baawo ŋà ñiŋ laahidoolu soto le, wo to ǹ si m faŋolu seneyandi feŋ-wo-feŋ to, meŋ ka baloo niŋ sondomoo nondi. Ali ŋà ǹ na seneyaa timmandi Alla ñaasilaŋo kono.

Yankuba 4:8

Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!

1 Pita 2:1

Wo kamma la, ali kuruŋyaa bee bula, faniyaa foo, bunaafayiyaa, haasidiyaa, aniŋ koomakumaroo.

1 Pita 3:11

A ye bo kuu jawoo to, a ye kuu kendoo baara. A ye kayiroo ñini, a ye a ke a hame kuwo ti.

Lankenemoo 7:14

Ŋa a jaabi ko, “Alifaa, ite le ye a loŋ.” A ko n ye ko, “Ñinnu le mu moolu ti, mennu bota naŋ toora baa kono. Ì ye ì la waramboolu kuu le, ì ye ì koyindi niŋ Saajiiriŋo yeloo la.