Yeremiya 9:8 - Mandinka Bible

⁸ Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.

Yeremiya 9:8 Mawu Ofanana

2 Samuweli 3:27

Saayiŋ, biriŋ Abuna muruta Heburoni, Yowabu ye a samba saatee dundaŋ daa kara la, fo a niŋ a si kulloo. Jee le to, a naata i joo a doo Asaheli la saayaa la. Yowabu ye a soo a konoo le to, a faata.

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Jabuuroolu 12:3

Allamaa Yaawe ye yootirilaalu deyindi, mennu ka kibiri kuma baalu fo ì neŋolu la,

Jabuuroolu 120:3

Alitolu neeneerilaalu, ali la joo be ke la muŋ ne ti? Muŋ ne ñanta laa la ali kaŋ?

Jabuuroolu 28:3

Kana n niŋ moo kuruŋolu koora ñoo la, kuu jawu kelaalu, mennu ka kayiroo fo ì daa la ì siiñoolu ye, wo tumoo konnanteeyaa be ì sondomoolu kono.

Jabuuroolu 35:20

Ì daa te kayira kuu to, ì ka faniyaa kumoolu le fo banku moo tenkundiŋolu ma.

Jabuuroolu 55:21

A fokumoolu ka tara laakuuriŋ ne ko feenewo ka deera ñaameŋ, fitinoo le ka tara a sondomoo kono. A la kumoolu ka tara diyaariŋ ne ko tulu seeralaa, bari ì ka sooroo ke le komeŋ hawusaroo*.

Jabuuroolu 57:4

Nte ka munta le ko, m be jata konkoriŋolu le teema. Ì ñiŋolu munta le ko soora kesoolu niŋ kalabeñoolu, ì neŋolu be ko hawusaroo*.

Jabuuroolu 62:5

N niyo si dahaa soto Alla doroŋ ne fee, kaatu n jikoo be ate le kaŋ.

Jabuuroolu 64:8

Ì neŋolu le be ì takindi la Alla la, ì ye kasaara, aduŋ moolu mennu bee ye ì je, si ì kuŋo jiijaa.

Kuma Kotoomaalu 25:18

Komeŋ doko kuliŋo, hawusaroo*, waraŋ kalabeñe daa melundiŋo, wo le mu moo ti, meŋ ka seedenduriyaa ke a siiñoo la kuwo to.

Yeremiya 5:26

“Kuruŋolu sotota n na moolu kono le, ì ka biti le ko kunu mutalaa, ka jaloo laa ka moolu muta.

Yeremiya 5:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 9:4

Wo to moo-wo-moo si i kekuu a siiñoo to, moo kana laa hani a baadiŋ kiliŋ na, kaatu baadiŋo bee, baadiŋ neeneerilaa, moo-wo-moo ka tara a siiñoo tiñaa la taariŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Mika 6:12

Ali la saatewo fentiyolu ye ì la fankoo soto fitinoo le la. Ali la saatee moolu ka faniyaa le fo, ka neeneeroo ke ì neŋ kolomoo la.