Yeremiya 9:5 - Mandinka Bible

⁵ Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Yeremiya 9:5 Mawu Ofanana

1 Musa 19:11

Ì ye wo kewolu mennu tarata banta ñaalu finkindi, dindiŋ, keebaa, ì maŋ bundaa faŋo je noo.

Yuuba 11:3

Fo i la ñiŋ kumabaafoo le be moolu deyindi noo la baŋ? Niŋ i ye tooñeeroo ke, fo moo maŋ ñaŋ na i dooyaa la baŋ?

Yuuba 15:5

I maŋ tara sila tilindiŋo kaŋ, wo le ye a tinna i ka diyaamu teŋ. Bituŋ i ka a dendendi niŋ feere kumoolu la.

Jabuuroolu 140:3

Ì neŋolu be le ko saa saŋarariŋo, ì la kumoolu be ko biidaa kunoo. S

Jabuuroolu 50:19

Ali daa ka tu kuu jawoo le kaŋ, aduŋ ali neŋo be kalandiŋ neeneeroo le la.

Jabuuroolu 52:3

I ye kuu jawu kewo le kanu, ka tambi kuu kende kewo la, aniŋ faniyaa foo, ka tambi tooñaa foo la. S

Jabuuroolu 64:3

Ì ka ì neŋolu diyaa le ko hawusaroo*, ì ka kuma jawoolu fayi ko kalabeñoo.

Jabuuroolu 7:14

A juubee, moo kuruŋo ka kuu jawoo le fudi. A ka tara konomaariŋ feere kuruŋo doroŋ ne la, a ye naa jamfaa kuwo wuluu.

Kuma Kotoomaalu 12:5

Moo tilindiŋolu la feeroo ka ke kuu tilindiŋo le ti, bari moo kuruŋolu la yaamaroo ka neeneeroo le ke.

Kuma Kotoomaalu 4:16

Kaatu ì buka siinoo noo, fo niŋ ì ye kuu kuruŋo ke. Siinoo ka ì korindi le, bari fo ì ye moo toorandi foloo.

Yesaya 5:18

Kooroo be wo moolu ye, junuboo be sitiriŋ mennu bala, ì la faniyaa foo kamma la, kuruŋyaa be nakiriŋ ì bala.

Yesaya 57:10

I ye i faŋo batandi ñiŋ maañaalu le la, bari i maŋ a kalamuta ko, a maŋ nafaa soto. I naata i faŋo wakiilindi ka a ke.

Yeremiya 12:13

Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Yeremiya 13:23

Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Yeremiya 51:58

Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”

Yeremiya 51:64

Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.

Yeremiya 7:28

Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 9:8

Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.

Esekiyeli 24:12

Hani wo, ŋa m faŋ batandi kensenke le, kaatu a wo fintoŋo landatambita le, hani dimbaa faŋo te a bondi noo la.

Mika 6:12

Ali la saatewo fentiyolu ye ì la fankoo soto fitinoo le la. Ali la saatee moolu ka faniyaa le fo, ka neeneeroo ke ì neŋ kolomoo la.

Mika 6:3

Yaawe ye ñiŋ ne fo ko: “N na moolu, ŋa muŋ ne ke ali la? Ŋa ali batandi muŋ ne la? Ali n jaabi.

Habakuki 2:13

Ali ye bankoolu mennu taa, ì ye meŋ dookuu ali ye, ì ye ì faŋ batandi kensenke le, a keta ko loo, dimbaa ye meŋ domo. Kaatu Yaawe Alihawaa Maariyo* le ye a saabu.

Malaki 2:10

Fo ntolu bee maŋ faa kiliŋ ne soto baŋ? Fo Alla kiliŋo le maŋ m̀ bee daa baŋ? Wo to muŋ ne ye a saabu m̀ buka tiliŋ ñoo ye? Muŋ ne ye a tinna m̀ buka kambeŋo muta, Alla niŋ ǹ na alifaa foloolu ye meŋ siti?

Efesusinkoolu 4:25

Wo kamma la, ali meŋ-wo-meŋ si fata faniyaa foo la: Moo-wo-moo si tooñaa fo a siiñoo ye, kaatu m̀ bee mu bala kiliŋ ne taa ti.

1 Timoti 4:2

Ñiŋ kuwolu karandirilaalu mu bunaafayoolu niŋ faniyaa folaalu le ti, mennu sondometantaŋolu kasaarata ko nee kandoo ye mennu keremu.

Kiitindirilaalu 2:10

Kabiriŋ wo jamaanoo bee tambita, jamaani doo naata kotenke, meŋ moolu maŋ Yaawe loŋ, sako a ye kuwolu mennu ke Banisirayilankoolu ye.