Yeremiya 9:23 - Mandinka Bible

²³ Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Yeremiya 9:23 Mawu Ofanana

Yuuba 32:13

Ali kana a fo ko, ali ye ñaameŋo soto le, aniŋ ko Alla doroŋ ne si Yuuba la boyidaa yitandi noo a la, a te ke noo la hadamadiŋo ti.

Yuuba 41:15

A koo fatoo bee koteerimaa* le mu, a bee be karariŋ ñoo bala, a bee be laŋ-landiŋ ñoo kaŋ.

Jabuuroolu 33:5

A ye tiliŋo niŋ kiitindiri senuŋo le kanu. A la kanu bambaloo ye duniyaa bee le beŋ.

Jabuuroolu 34:3

Ali kafu m ma ka Yaawe la waroo kankulaa, ka a too la waroo suukuu ñoo la.

Jabuuroolu 44:9

Bari saayiŋ i ye i koo dii ǹ na le, i ye m̀ malundi. I maŋ tambi ǹ na kelediŋ kafoolu ñaato keloo la kotenke.

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Kuma Kotoomaalu 11:4

Naafuloo te nafaa soto la Alla la kamfaa luŋo, bari tiliŋo si moo tanka noo saayaa ma le.

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Kuma Kotoomaalu 3:5

Laa Yaawe* la niŋ i sondomoo bee la, kana jiki i fansuŋ miiroolu la.

Kawandilaa 2:19

Jumaa le ka a loŋ fo wo be ke la moo ñaamendiŋo le ti, waraŋ toolewo? Bari hani wo, ate le be mara la feŋolu bee la, n tarata mennu katariŋ, ŋa ñaameŋo taamandi mennu kunna, ñiŋ duniyaa tiloo koto. Ñiŋ fanaa maŋ ke feŋ ti.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Yesaya 10:8

A ko, fo a la ñaatonkoolu bee maŋ ke mansoolu le ti baŋ?

Yesaya 20:5

Mennu laata Kusinkoolu la, aniŋ ka kibiri Misira la kuwo la, si jikilateyi, ì ye duŋ maloo kono.

Yesaya 47:10

I laata i la kuruŋyaa la le, i ko, moo te i je la. I la ñaameŋo niŋ i la londoo le ye i filindi. I ka a fo i faŋ ye ko, ‘Nte doroŋ ne mu, doo koteŋ maŋ soto.’

Yesaya 5:21

Kooroo be wo moolu ye, mennu ñaamenta ì faŋ fee, ì hakiloo diyaata ì faŋ fee.

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Yeremiya 48:14

“Alitolu Mowabinkoolu, ali si a fo noo ali faŋ ye ñaadii le ko, ‘Ntolu mu kelejawaroolu le ti, aniŋ kelediŋ fatiŋolu’?

Yeremiya 48:7

Bayiri ali jikita ali la katoolu niŋ ali la naafuloolu le la, wo to ì be ali fanaa muta la le ka ali samba. Ì be ali la jalaŋo Kemosi samba la mutoo kono le, ka taa a la piriisoolu* niŋ a batubaalu.

Yeremiya 49:4

Muŋ ne ka i kibirindi i la wulumbaŋolu la, i la wulumbaŋ yiriwaariŋolu, ite diŋ muritiriŋo meŋ jikita i la naafuloo la, ka a fo ko, ‘Jumaa le si naa nte kele?’

Esekiyeli 29:9

Bituŋ Misira bankoo ye ke tumbuŋo ti, aniŋ a ye kenseŋyaa. Niŋ wo keta, ì be a loŋ na le ko, nte le mu Yaawe ti. “Ite Firawoona ye ñiŋ ne fo ko, Nayili Boloŋo mu i taa le ti, aduŋ ite le ye a dadaa.

Esekiyeli 7:19

“Ì la kodiforoo te ì nafaa la feŋ na, ì be a fayi la mbeedoolu kaŋ ne, ì la sanoo be ke la ì ye le ko feŋ ñewundiŋo. Nte Yaawe la yankankatoo luŋo la, ì la kodiforoo niŋ sanoo te ì tankandi noo la. Ì la wo fankoo te konkoo bo la ì la waraŋ ka ì konoolu fandi, kaatu ì la wo fankoo le ye ì duŋ junube kewo to.

Daniyeli 3:15

Bari saayiŋ, niŋ ali ye ñiŋ kumafeŋolu moyi: binoo, footaŋo, suusaa, kontiŋo, kooraa, tantaŋo, aniŋ kumafeŋ siifaalu bee, aduŋ wo loodulaa to, ali sujudita ka moo muluŋo batu, ŋa meŋ dadaa, tana te ali la. Bari niŋ ali maŋ baturoo ke, ì be ali fayi la fuuri dimbaa wuleŋo kono le, wo loodulaa to. Fo Alla le be keriŋ, meŋ si ali bondi noo nte bulu baŋ?”

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Maaka 10:24

A la saayiboolu jaakalita baake a la kumoo la. Bari Yeesu ko ì ye kotenke ko, “N diŋolu, a be koleyaa la moolu ye le, mennu ka ì jikoo loo naafuloo kaŋ, ka duŋ Alla la mansabaayaa kono.

Roomankoolu 1:22

Biriŋ itolu ko, ì ñaamenta le, ì naata ke toolewolu le ti.

1 Korintinkoolu 1:31

Wo kamma la a si ke ko a be safeeriŋ ñaameŋ: “Niŋ meŋ be kibiri la, a si kibiri Maariyo la kuwo la.”

5 Musa 8:17

Wo to, ali ali hakiloo tu, ali kana ñiŋ miira ka a fo ko, “Ǹ na katoo niŋ m̀ birisoo le ye ñiŋ sotofeŋolu sii m̀ ma.”

Filipinkoolu 3:10

Nte lafita Kiristu le loŋ na, aniŋ a la saayaakoolaa wulindiroo semboo, aniŋ ka ke karasotolaa ti a la tooroolu niŋ a la saayaa to,

Filipinkoolu 3:8

Tooñaa, nte ye feŋo bee muta bonoo le ti, kaatu ka Kiristu Yeesu loŋ, m Maariyo, wo le nafaa warata ka tambi feŋo bee la. Ate le la kuwo kamma la, m bonota feŋolu bee la. Ŋa wolu bee muta suntukuŋo le ti, fo n si Kiristu soto,

1 Timoti 6:10

Kaatu kodilandiyaa le mu kuruŋyaa bee suloo ti. Moo doolu mennu la hame kuwo keta kodoo ti, wolu jenketa lannoo siloo la le, aduŋ ì ye ì faŋolu dimindi jawuke niŋ niikuyaa jamaa le la.

1 Samuweli 17:42

Kabiriŋ a lookuuta Dawuda ye, a jututa a la, kaatu dindiŋo doroŋ ne mu, aduŋ a ñiiñaata le.