Yeremiya 9:18 - Mandinka Bible

¹⁸ Ì ye i tariyaa naŋ, ì ye naa lemba ali ma, fo ali ñaalu ye faa niŋ ñaajiyo la, ñaajiyo ye buruntu ali ñaasiŋolu la.

Yeremiya 9:18 Mawu Ofanana

Jabuuroolu 119:136

N ñaajiyo ka feenee le komeŋ woyoo, kaatu moolu buka i la yaamaroo muta. Tisade

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Yeremiya 3:24

Ka bo biriŋ ǹ dindiŋ, ñiŋ malu kuwo, Baali* jalambatoo ye m̀ fondi m̀ mumuñolu la kata kuwolu la le, baalu niŋ saajiyolu, aniŋ ninsoolu, ka taa dinkewolu niŋ dimmusoolu.

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Yeremiya 9:20

Yeremiya ko: “Silaŋ, alitolu musoolu, ali ali tuloo loo Yaawe la kumoo la, ali tuloo ye a la kumakaŋo moyi. Ali ali dimmusoolu karandi saŋa lembañaa la, moo-wo-moo si a siiñoo karandi saŋawoosiyo la.

Niikuyaa Suukuwolu 1:2

Badaa-badaa suuto kumboo, ñaajiyo ka bori a ñaasiŋo la. A kanuntewolu bee kono, a maŋ sabarindilaa kiliŋ soto, a teeroolu bee ye jamfaa tiliŋ a la, ì keta a jawoo ti.

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Niikuyaa Suukuwolu 2:13

N Dimmusuriŋ Yerusalaamu, n kanuntewo, n si muŋ ne fo noo i ye, ka i la kuwo misaali? Ite Dimmusuriŋ Siyoni, n si i la kuwo niŋ muŋ ne laa ka i sabarindi? I la baramoo diinonta le ko fankaasoo, jumaa le si i jaara noo?

Niikuyaa Suukuwolu 2:18

Rip, a duuta le! Moolu ka wuuri santo Maariyo ye. Hee, Siyoni tata sansaŋo, i ñaajiyo ye woyi ko baajiyo, suutoo niŋ tiloo! Kana i foño fereŋ, sako i ñaakesoo si dahaa.

Niikuyaa Suukuwolu 3:48

Hee nte! N ñaajiyo ka woyi le ko baajiyo, n na moolu la kasaaroo kamma la.

Amosi 5:16

Yaawe Alihawaa Maariyo ye ñiŋ ne fo ko: “Jamaa bendulaa daa-wo-daa, lemboo le be tara la jee. Mbeedi-wo-mbeedi kaŋ, saŋakumboo le be tara la jee. Hani samaadoolaalu, ì si ì kili ka naa saŋakumboo la, aniŋ saŋawoosiilaa baalu ka lemba.

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.