Yeremiya 9:10 - Mandinka Bible

¹⁰ M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Yeremiya 9:10 Mawu Ofanana

Yesaya 41:15

“M be ali ke la le ko toñonkarilaŋ* kutoo meŋ ye semboo soto. Ali be konko baalu toñonka la le, ì ye juru, konkoriŋolu ye nunku ko buutoo.

Yesaya 49:19

“Ì ye i tiñaa, aniŋ ka i la saatewo kasaara ñaa-wo-ñaa, ka i la bankoo kenseŋyandi, bari saayiŋ, bankoo be dooyaabaa la i la moolu ye le, mennu naata, aduŋ mennu ye i kasaara be jamfa la i la le.

Yeremiya 12:10

Kantarilaa jamaalu le ye n na wayini* yiri kankaŋo kasaara, ì ye n na kunkoo doriŋ-doriŋ. Ì ye n na kunku kendoo kenseŋyandi le ka a ke keñewuloo* ti.

Yeremiya 12:11

Ì ye a kenseŋyandi le, a kensemmaa be woosii kaŋ n ye. Bankoo bee le kenseŋyaata, moo maŋ a muta kuu ti.

Yeremiya 12:4

Ñiŋ bankoo be tara la jaariŋ fo janniŋ muŋ tuma, kenoolu bee ñaamoo ye tara nororiŋ? Moolu la kuruŋyaa kamma la, mennu be siiriŋ a kaŋ, daafeŋolu niŋ kunoolu bee le turutumbunta. Bayiri moolu ka a fo le ko, “A te a je la kuu ye ke ntolu la.”

Yeremiya 14:6

Wulakono faloolu ka loo santo konko dapewolu to, ì ka i niijii ko kunkuwuloolu, ì ñaalu ka kori, bari ì buka ñaama je.”

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 23:10

Bankoo kaŋ be faariŋ jeenelaalu le la, ì ye a tinna bankoo dankata, fo bankoo faŋo ka woosii, aduŋ a beeyaŋ daañini dulaalu jaata. Ì taañaa jawuyaata le, aduŋ ì ka ì semboo taamandi tilimbaliyaa le kono.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Niikuyaa Suukuwolu 1:16

“Nte wo! Kuwo meŋ laata n kaŋ, n ñaajiyo be woyi la doroŋ, sabarindilaa te n na, meŋ si n jikoo bambandi. N diŋolu kenseŋo le tuta, kaatu n jawoolu ye i kutu n na le.”

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Niikuyaa Suukuwolu 5:18

A juubee, Siyoni Konkoo kenseŋo le tuta looriŋ, kunkuwuloolu be yaayi la a kaŋ.

Esekiyeli 14:15

“Niŋ a ye a tara, ŋa daafeŋ saŋaroolu fandi wo bankoo bee kaŋ, ì naata moolu bee faa, ka jee tumbuŋ, fo hani moo buka haañi ka tambi niŋ jee la, wo daafeŋ jawoolu kamma la,

Esekiyeli 27:2

“Saayiŋ, ite hadamadiŋo, niikuyaa kumoo fo Tire saatewo ma,

Esekiyeli 29:11

Aduŋ hadamadiŋ nene te tambi la jee la, sako beeyaŋo si tambi niŋ jee la. Moo te tara la jee fo sanji taŋ naani.

Esekiyeli 33:28

Aduŋ m be ì la bankoo kenseŋyandi la le, aniŋ m be daŋ ke la ì semboo la waroo la le, ì be jikiriŋ meŋ na. Banisirayila konkoolu be kenseŋyaa la le, aniŋ moo te tambi la niŋ jee la kotenke.

Esekiyeli 6:6

Aduŋ ì la moolu be sabatiriŋ saatee-wo-saatee to, m be jee kenseŋyandi la le, ì la jalaŋ batudulaa tintiŋolu ye ke tumbuŋo ti, ì la sadaabodulaalu be boyi la le, ì la cuuraayi siisindidulaalu bee ye teyiŋ-teyiŋ. I si a je, ì la jalaŋolu bee ye kuntu, ì ye kasaara, aniŋ ì ye feŋ-wo-feŋ dookuu jee, a bee be kasaara la le.

Hoseya 4:3

Wo le ye a tinna bankoo be kumboo kaŋ, a siilaalu be koririŋ, ì niŋ wulakono daafeŋolu niŋ kunoolu, hani baakono ñewolu be kasaara kaŋ ne.”

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Yoweli 1:19

Yaawe, m be woosii kaŋ ite le ye. Dimbaa le ye beeyaŋ daañini dulaa bee jani, dimbaa neŋo ye wuloo yiroo bee jani.

Amosi 5:1

Ali ñiŋ kumakaŋo moyi, alitolu Banisirayilankoolu, m be meŋ woosii la teŋ ali la kuwo to,

Amosi 5:16

Yaawe Alihawaa Maariyo ye ñiŋ ne fo ko: “Jamaa bendulaa daa-wo-daa, lemboo le be tara la jee. Mbeedi-wo-mbeedi kaŋ, saŋakumboo le be tara la jee. Hani samaadoolaalu, ì si ì kili ka naa saŋakumboo la, aniŋ saŋawoosiilaa baalu ka lemba.

Mika 2:4

Ñiŋ luŋo la, moolu si ali ke jelefeŋo ti. Ì si ñiŋ teelindiri denkiloo laa, ì ye ì faŋ ke woosiilaalu ti ko, ‘Ntolu kasaarata le fereŋ. Yaawe ye ǹ na moolu la keetaabankoo duŋ bulu koteŋolu bulu, a buusita ǹ na. A ye ǹ na kunkoolu talaa ǹ jawoolu teema.’ ”

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.