Yeremiya 8:9 - Mandinka Bible

⁹ Maloo le be laa la wo moo ñaamendiŋolu kaŋ, ì ye jikilateyi ka ì ñankoŋ, bayiri ì ye nte Yaawe la kumoo soosoo le, silaŋ itolu ye muŋ ñaameŋ ne soto kotenke?

Yeremiya 8:9 Mawu Ofanana

2 Mansoolu 17:15

Ì balanta ka a la luwaalu muta, kambeŋo meŋ a ye a siti a niŋ ì mumuñolu teema, aniŋ a ye dandalaaroolu mennu dii ì la. Ì ye jalaŋ kenseŋolu le batu, ì faŋolu naata ke moo kenseŋolu ti. Ì bulata bankoo moolu nooma mennu tarata ì dandaŋo la, Yaawe ye ì yaamari mennu la kuwo la ko, ì kana baara kuwolu la, wolu ka baara mennu la.

Yuuba 5:12

Ate le ka feerentuŋolu la feeroolu janjaŋ, fo ì kana kututeyi.

Yuuba 5:13

Ate le ka moo ñaamendiŋo muta ì faŋolu la ñaameŋ kuwolu kono. A ye neeneerilaalu la neeneeri yaamaroolu daŋ.

Jabuuroolu 19:7

Yaawe* la yaamaroo timmata le, a ka niyo bambandi kuu le. Yaawe la karandiroo koyita le, a ka kunimbaloo ñaamendi le.

Yesaya 19:11

Sowani maralilaalu maŋ ke feŋ ti fo toolewolu. Firawoona la moo ñaamendiŋolu ka yaamari nafantaŋo le dii. Ì be a fo la noo Firawoona ye ñaadii le ko, itolu mu moo ñaamendiŋolu la karandiŋolu le ti, mansa foloolu koomalankoolu?

Yesaya 29:14

Wo to saayiŋ, m be jaakaloo laa la ñiŋ moolu kaŋ ne kotenke, dewuŋ ye laa dewuŋ kaŋ. Moo ñaamendiŋolu la ñaameŋo si yeemaŋ, hakilidiyaa ye maabo hakilimaalu ma.”

Yesaya 43:27

Ali la alifaa foloo ye junube kuwo le ke, ali la teemafolaalu fanaa ye balaŋo tiliŋ n na.

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yeremiya 19:7

“M be Yerusalaamu niŋ Yahuuda moolu bee la feeroolu buruka la ñiŋ dulaa le to. M be a tinna le ì jawoolu ye ì faa niŋ hawusaroo* la, ka ì bula moolu bulu mennu ka ì ñini ka ì faa. M be ì furewolu dii la duwoolu le la domoroo ti, aniŋ wulakono daafeŋolu.

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 49:7

Ñiŋ kiilaariyaa kumoo le fota Edomu ma: Yaawe Alihawaa Maariyo ye ñiŋ ne fo ko: “Fo moo ñaamendiŋ maŋ tu Temani baŋ? Fo ñaameŋo yaamaroo kasaarata ì kono le baŋ? Fo ì la ñaameŋo yeemanta le baŋ?

Yeremiya 6:15

Ì ye kuu ñewundiŋolu mennu ke, wolu ñanta ì malu la le, bari hanii, wo maŋ ì malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na le.” Yaawe le ye a fo.

Yeremiya 6:19

Duniyaa bee ye i lamoyi! A juubee, nte be kuu jawu le laa la ñiŋ moolu kaŋ, meŋ be ke la ì la kuruŋyaa feeroolu joo ti, kaatu ì maŋ i moyi n na kumoolu la, aduŋ ì balanta n na karandiroolu la le.

Esekiyeli 7:26

Kooroo be laa la kooroo kaŋ ne, kibaari jawoolu ye tara looriŋ ñoo nooma. Moolu be annabiyomoo ñini la fo ì si kiilaariyaa kumoo soto meŋ bota Yaawe bulu. Luwaa la kuwo karandiroo be fili la piriisoolu* ma le, alifaalu fanaa la yaamaroo ye fili ì ma.

Amosi 2:4

Yaawe ye ñiŋ ne fo ko, “Yahuuda moolu ye landatambi junube kuwolu le ke. Ì ye nte Yaawe la luwaa soosoo, aduŋ ì maŋ bula n na yaamaroolu nooma. Ì bulata ì la alifaa foloolu la jalambatu siloolu le nooma, wo ye ì filindi. Wo kamma la n te ì jaraboo baayi la muk.

Jakariya 13:4

Wo luŋo la, annabiyomoolu ye jeri-wo-jeri bankee, a si ke ì ye malu kuwo ti. Ì te annabiyomu dendikoo duŋ na kotenke ka moolu neenee.

5 Musa 4:6

Niŋ ali ye luwaalu muta kuuke, ali taamata ì la, wo le be ali la ñaameŋo niŋ fahaamuroo yitandi la banku koteŋo moolu la. Niŋ ì ye ñiŋ luwaalu moyi, ì be a fo la le ko, “Tooñaa, ñiŋ banku sembemaa le ye ñaameŋo niŋ fahaamuroo soto!”

2 Timoti 3:15

Biriŋ i la dindiŋyaa waatoo la, i ye Kitaabu Senuŋolu loŋ ne. Wolu le ka ñaameŋo dii i la, ka i taamandi noo ka kiisoo soto, ka bo niŋ lannoo la Kiristu Yeesu kono.