Yeremiya 8:6 - Mandinka Bible

⁶ Ŋa n lamoyi ì la le famfaŋ, bari ì buka kuma fo meŋ tilinta. Hani moo kiliŋ ne buka tuubiseyi a la kuruŋyaa la, ka a fo ko, ‘Nte ye muŋ ne ke teŋ?’ Moo-wo-moo ka taa a fansuŋ siloo le la, ko suwoo ka i seyiŋ keloo kono ñaameŋ.

Yeremiya 8:6 Mawu Ofanana

Yuuba 10:2

M be a fo la Alla ye le: Kana n halaki. A fo n ye, daliiloo meŋ ye a tinna, i be n tuumi la.

Yuuba 34:31

Moo si a fo noo Alla ye le ko, “Ŋa n na jaraboo dunoo taa le, n te kuu jawoo ke la kotenke.

Yuuba 34:32

N karandi kuu la, m maŋ meŋ je noo, niŋ ŋa kuu kuruŋo le ke, wo to n te a ke la kotenke.”

Jabuuroolu 14:2

Yaawe* ka hadamadiŋolu juubee naŋ duuma le ka bo Arijana, ka a je fo moolu be jee le mennu ñaamenta, mennu ka a ñini.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 57:17

Ì la hadume maañaa le ye a tinna n kamfaata. Ŋa ì mantoora, ŋa n koo dii ì la kamfaa kono, hani wo, ì tuta ì fansuŋ siloo doroŋ ne nooma la.

Yesaya 59:16

Moo maŋ soto meŋ ka moolu maakoyi. A jaakalita le ka a je ko, moo maŋ soto, bituŋ a faŋo la semboo ye kiisoo saabu ì ye, aduŋ a faŋo la tiliŋo le ye semboo dii a la ka a ke.

Yeremiya 23:25

A ko: “Ŋa a moyi le wo annabiyomoolu ka meŋ fo, wolu mennu ka faniyaa kumoolu fo n tooyaa la. Ì ka tu la a fo la le ko, ‘N siiboota, n siiboota!’

Yeremiya 3:5

I ka a fo ko, ‘Fo a be tu la kamfaariŋ n kamma le, ka tu kamfaariŋ n kamma fo fawu?’ A fele, i ka wo doroŋ ne fo, bari i ye kuu kuruŋo bee le ke, i ye meŋ noo.”

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Esekiyeli 18:28

Bayiri a ye a loŋ ne a ye kuu jawoolu mennu bee ke, a ye a koo dii ì la, tooñaa a be baluu la le, a te faa la.

Esekiyeli 22:30

“Wo to le, n naata moo ñini ì kono meŋ si saatewo tata sansaŋo lookuu, aniŋ ka a faroolu suki, fo meŋ si a tinna n te jee moolu kasaara la. Bari hani moo kiliŋ maŋ soto ì kono meŋ si wo ke.

Daniyeli 9:11

Banisirayilankoolu bee le ye i la luwaa tiñaa, aduŋ ì ye ì koo dii i la le, ì maŋ soŋ ka i la kumoo muta. Wo le ye a tinna i ye dankoolu kupi ǹ kaŋ, mennu bee be safeeriŋ Musa la Luwaa* Kitaaboo kono, kaatu ŋà junube kuwo le ke i la.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Sefaniya 3:7

N laata ñiŋ na le ko, ite Yerusalaamu be n kuliyaa la le, i ye soŋ ka i tilindi siloo la. Niŋ wo keta, n te i la moolu la sabatidulaa kasaara la, aduŋ ŋa jaraboo meŋ landi i kamma, a te boyi la i kaŋ. Bari hani saayiŋ i la moolu be hameriŋ ne doroŋ, ka taama niŋ jenkoo la ì la baara kuwolu bee to.”

Hakayi 1:5

Saayiŋ Yaawe Alihawaa Maariyo ye ñiŋ ne fo ko, “Ali i miira ali maañaa la.

Hakayi 1:7

Yaawe Alihawaa Maariyo ye ñiŋ ne fo kotenke ko, “Ali i miira ali maañaa la.

Malaki 3:16

Yaawe ñaasilannaalu diyaamuta ñoo ye a kuwo la le, aduŋ a ye ì lamoyi le, a ye ì la kumakaŋo moyi. Bituŋ moolu mennu silata a la, ì ye a kuliyaa, ì toolu naata safee kitaaboo kono, ka ke a ye hakili bulandiraŋo ti.

2 Pita 3:9

A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.

Lankenemoo 9:20

Hani ñiŋ mantooroolu koolaa, moo koteŋolu mennu tuta baluuriŋ, wolu maŋ soŋ ka batufeŋolu bula, ì ye mennu dadaa ì fansuŋ buloolu la. Ì maŋ i foño seetaani jawoolu batoo la, aniŋ jalaŋolu, mennu dadaata sanoo niŋ kodiforoo la, jaawaloo, beroo aniŋ babaroo. Ì tuta ñiŋ feŋolu le batu kaŋ, mennu buka jeroo ke, sako moyiroo waraŋ ka taama.