Yeremiya 8:4 - Mandinka Bible

⁴ Yaawe ko ŋa a fo ñiŋ moolu ye ko, ate le ye ñiŋ fo ko: “Fo niŋ moo boyita, a buka wuli le baŋ? Fo niŋ moo filita siloo ma, a buka muru a noo le kaŋ?

Yeremiya 8:4 Mawu Ofanana

1 Mansoolu 8:38

Niŋ i la moolu Banisirayilankoolu bee waraŋ moo kiliŋ ye i daani ka balafaa a ye, i si i lamoyi. Niŋ a maarii ye a buloo wulindi ka a tiliŋ buŋo la, ka duwaa kaatu a ye a la bataa kuwo kalamuta le, aniŋ a la tooroo,

Kuma Kotoomaalu 24:16

Hani niŋ moo tilindiŋo boyita ko siiñaa woorowula, a be wuli la le kotenke, bari moo jawoo, maasiiba kuwo le ka wo kasaara.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yeremiya 23:14

Bari ŋa meŋ je Yerusalaamu annabiyomoolu la kuwo to, wo le faŋo saŋarata. Ì ka jeenoo ke le aniŋ ka taama faniyaa la. Ì ka kuu kuruŋ kelaalu jambandi le, ka a tinna moo buka soŋ fata la kuu kuruŋ kewo ma. Ì bee keta n ñaa koto le komeŋ Sodomu moolu, Yerusalaamu moolu keta komeŋ Komora moolu.”

Yeremiya 3:1

A fota le ko: “Niŋ kewo ye a la musoo bula, musoo bota a bulu, a naata ke kee doo la musoo ti, fo a si muru noo a kamma baŋ? Fo wo kuu siifaa te bankoo bee le kosondi la baŋ? Bari ite Banisirayila niŋ jamaa le be cakayaa kanoo la, silaŋ i si muru noo nte Yaawe* kaŋ ñaadii le?” Yaawe le ye a fo.

Yeremiya 3:22

Yaawe ko: “Muna ali muru naŋ, alitolu diŋ muritiriŋolu, m be ali la murutoo jaara la le. “Ali ko, ‘A fele, ǹ naata i kaŋ ne, kaatu ite le mu Yaawe ǹ na Alla ti.

Yeremiya 36:3

A si ke, niŋ Yahuuda moolu ye kasaara kuwolu bee moyi, m pareeta ka mennu ke ì la, wo si a tinna le moo-wo-moo ye yelema ka bo a la sila kuruŋo kaŋ. Niŋ wo keta, n si yamfa ì la kuruŋyaa niŋ ì la junuboo la.”

Yeremiya 4:1

Yaawe* ko: “Muna Banisirayila, niŋ i be muru la naŋ, muru naŋ n kaŋ. I la jalaŋ ñewundiŋolu bee bondi n ñaa koto, i kana soŋ filoo ye i taa kotenke.

Esekiyeli 18:23

Nte Maarii Yaawe ye ñiŋ ne fo ko: Fo nte ka kontaani moo kuruŋo la saayaa la le baŋ? Hanii, n ka kontaani ñiŋ ne la, niŋ a ye a koo dii a la kuu jawu kewolu la, a ye baluu.

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Hoseya 7:10

Banisirayila la faŋ waroo le keta a faŋo seedoo ti. A be bataa kono ñaa-wo-ñaa, a maŋ muru Yaawe kaŋ, a la Alla, sako ka a la maakoyiroo ñini.

Amosi 5:2

“Dimmusuriŋ* Banisirayila boyita le piram, aduŋ a te wuli la kotenke. A be laariŋ a faŋ ye, moo maŋ soto ka a wulindi.”

Mika 7:8

Jawoolu, ali kana kontaani ka ǹ je bataa kono. M̀ boyita ñaa-wo-ñaa piram, m̀ be wuli la le kotenke. M̀ be diboo kono ñaa-wo-ñaa, Yaawe le be ke la ǹ ye maloo ti.