Yeremiya 8:19 - Mandinka Bible

¹⁹ I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Yeremiya 8:19 Mawu Ofanana

Jabuuroolu 135:21

Tentoo ñanta Yaawe ma Siyoni* kono le, ate meŋ taradulaa be Yerusalaamu. Ali Yaawe jayi.

Jabuuroolu 137:1

Babiloni baa jenjeŋolu la, ǹ siita duuma jee le ka kumboo, biriŋ ǹ hakiloo taata Siyoni* kaŋ.

Jabuuroolu 146:10

Yaawe le be tu la mansayaa la fo abadaa. Alitolu Siyoni* moolu, ali la Alla le be tu la mansayaa la fo abadaa. Ali Yaawe jayi.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 31:6

Ŋa moolu koŋ ne, mennu ka jalaŋ kenseŋolu batu, aduŋ n dankeneyaata Yaawe la le.

Yesaya 1:4

Kooni, banku junubelaa baa, moolu, junuboo dunimaa be mennu kunto! Ali bota kuu kuruŋ kelaalu le bala, ali ka sila kuruŋo le taama, ali ye ali ñaa kaasi Yaawe la, ali jututa Banisirayila la Senuŋ Baa la, ali ye ali koo dii a la.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Yesaya 13:5

Ì bota naŋ dulaa jaŋ baa le to, ka bo saŋ fatoolu daŋo to. Yaawe niŋ a la kamfaa le naata ka naa bankoo bee kasaara.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Yesaya 39:3

Bituŋ Annabilayi Yesaya taata Mansa Hesekiya kaŋ, a ye a ñininkaa ko, “Wo kewolu ye muŋ ne fo? Ì bota naŋ mintoo le?” Hesekiya ye a jaabi ko, “Ì bota naŋ Babiloni bankoo le kaŋ, banku jamfariŋ baa le mu, ka naa jaŋ.”

Yesaya 52:1

Wuli, wuli! Hee Siyoni*, i ye i semboo taa! Yerusalaamu saatee senuŋo, i la dendika kendoo duŋ. Sunnabaloolu aniŋ moo kosoriŋolu te duŋ na i kono kotenke.

Yeremiya 10:15

Feŋ fuuriŋolu le mu, jelefeŋyaa feŋolu. Niŋ ì jarabi waatoo siita, ì be kasaara la wo le fee.

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Yeremiya 2:5

Yaawe ye ñiŋ ne fo ko: “Ali mumuñolu ye muŋ jenke le je nte la karoo la, fo ì ye ì koo dii n na fereŋ? Ì bulata jalaŋ fuuriŋolu le nooma, fo itolu faŋolu naata fuu.

Yeremiya 27:10

Ì ka faniyaa kumoolu le fo ali ye, meŋ be a tinna ì ye naa ali bondi ali la bankoo kaŋ ka taa dulaa jaŋ to. Nte Yaawe si ali bayi, ka ali kasaara.

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Yeremiya 32:30

Banisirayilankoolu, ì niŋ Yahuuda moolu maŋ feŋ-wo-feŋ ke n ñaa koto niŋ a maŋ ke kuu jawoo doroŋ ti, kabiriŋ ì dindiŋ. Ì maŋ feŋ-wo-feŋ ke niŋ a maŋ ke ka n kamfandi niŋ ì kekuwolu la. Nte Yaawe le ye a fo.

Yeremiya 7:19

Bari fo ì ka nte le kamfandi baŋ? Fo ì buka wo ke ì faŋolu le la baŋ, ka malu kuwo naati ì faŋolu kaŋ?” Yaawe le ye a fo.

Yeremiya 8:20

Ì ko: “Samaa banta, katiroo banta, bari ntolu maŋ kiisa.”

Yeremiya 9:16

M be ì janjandi la banku koteŋolu kaŋ ne taariŋ, itolu niŋ ì mumuñolu nene maŋ mennu loŋ. M be keloo le naati la ì kaŋ niŋ hawusaroo* la, fo ŋa ì baŋ kasaara la.”

Esekiyeli 48:35

“Saatewo la waroo muumewo bee be kaañaŋ na nonkonkatiñaa wuli taŋ niŋ seyi le fee. Ka bo wo waatoo la ka taa fo fawu, wo saatewo too be ke la ñiŋ ne ti: Yaawe be jee le.”

Yoweli 2:32

Bari moo-wo-moo, meŋ ye Yaawe too kumandi, wo be kiisa la le. Siyoni Konkoo niŋ Yerusalaamu, moolu be soto la jee le, mennu be kana la, aniŋ moo toomaalu fanaa, Yaawe ye mennu tomboŋ, ko Yaawe ye a laahidi ñaameŋ.”

Obadiya 1:17

“Bari Siyoni* Konkoo kaŋ, moolu be tara la jee le mennu kanata, aduŋ ñiŋ konkoo be ke la dulaa senuŋo le ti. Yaakuba koomalankoolu be ì fansuŋ bankoo soto la le kotenke.

Mika 4:9

“Wo to saayiŋ, muŋ kumboo kuu le laata i kaŋ? Fo i maŋ mansakewo le soto baŋ? Fo i la yaamarilaalu le banta baŋ, wo kuwo seleta i la, ko niŋ tiŋo be musoo la?

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Jakariya 2:9

Yaawe be wuli la ì kamma le, ì ka mennu joŋyandi ye ì ñapinkaŋ. Niŋ wo keta, ali be a loŋ na le ko, Yaawe Alihawaa Maariyo le ye n kii.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

5 Musa 31:17

Wo luŋo la, m be kamfaajawu la ì kamma le. M be n koo dii la ì la le, ŋa maabo ì ma, ì ye kasaara. Toora kuu jamaa si laa ì kaŋ, aniŋ kuu jawu jamaa. Wo luŋo le mu ì be a fo la ko, ‘Ñiŋ kuu jawoolu bee laata ǹ kaŋ, kaatu ǹ na Alla maŋ tara m̀ fee.’

Lankenemoo 2:1

“A safee nte Yeesu la kafoo malaayikoo ye, meŋ be Efesus saatewo kono: “Nte la kumoo fele, nte meŋ ye wo looloo woorowuloo muta m bulubaa buloo kono, ka taama wo sani lampu looraŋ woorowuloo teema: