Yeremiya 8:17 - Mandinka Bible

¹⁷ Yaawe ko: “A juubee, m be daŋaroolu le bula la naŋ ali kono, biidaalu mennu te neeneetoo muta noo la, wolu le be ali kiŋ na.” Yaawe le ye a fo.

Yeremiya 8:17 Mawu Ofanana

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Kawandilaa 10:11

Niŋ saa ye i kiŋ janniŋ saa daa sitilaa be a moso la, wo to a la saa daa sitoo te nafaa soto la i ye.

Yesaya 14:29

Alitolu Filisitinkoolu, ali kana seewoo ko, dokoo meŋ ka ali buutee, katita le. Ka bo wo dokoo bala, daŋaroo le be wuluu la, niŋ a ye kiloo teyi, capatoo le be finti la.

Amosi 5:19

Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Amosi 9:3

Hani niŋ ì taata maabo Karimeli Konkoo le santo, n si ì ñini ka ì fintindi naŋ jee, aduŋ hani niŋ ì maabota m ma fankaasoo duuma le, n si jiikono saa yaamari, a ye ì kiŋ.

4 Musa 21:6

Bituŋ Yaawe ye saa kunamaalu naati ì kaŋ ka ì kiŋ, aduŋ Banisirayilanka jamaa le faata ñiŋ saa kindiroo la.

5 Musa 32:24

Konkoo si ali labara, balakandoo niŋ kuuraŋ jawoo si ali kasaara. Daafeŋ saŋaroolu si ali faraŋ-faraŋ, saa kunamaalu ye ali kiŋ.

Lankenemoo 9:19

Ñiŋ suwoolu la semboo be ì daalu le kono, aniŋ ì feñoolu to. Ì feñoolu be le ko saalu mennu ye kuŋolu soto, aduŋ ì ka moolu barama niŋ wolu le la.