Yeremiya 8:16 - Mandinka Bible

¹⁶ Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Yeremiya 8:16 Mawu Ofanana

Yuuba 39:20

Ite le ka a baamendi noo baŋ, komeŋ kuntiŋo ka sawuŋ ñaameŋ, ka moolu silandi a la ka bo niŋ a la nuŋ feeñaa la?

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Yeremiya 10:25

I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

Yeremiya 3:24

Ka bo biriŋ ǹ dindiŋ, ñiŋ malu kuwo, Baali* jalambatoo ye m̀ fondi m̀ mumuñolu la kata kuwolu la le, baalu niŋ saajiyolu, aniŋ ninsoolu, ka taa dinkewolu niŋ dimmusoolu.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 30:5

“Nte Yaawe ye ñiŋ ne fo ko: Kumboo kaŋo, n ka wo le moyi, silaŋo kamma la, aniŋ kijafaroo, a maŋ ke kayiroo ti.

Yeremiya 4:24

Ŋa konko baalu juubee le, ŋa a je ì be jarajara kaŋ, konkoolu bee be jiijaa kaŋ.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yeremiya 47:3

niŋ ì ye suubori sinkaŋolu moyi naŋ, keleraŋ sareetoolu* maakaŋo, ì siŋolu borikaŋo, faalu te ì kooma fele la ì diŋolu la, ì buloolu ye lamfu.

Yeremiya 5:17

Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”

Yeremiya 50:42

Ì niŋ kalabeñoolu niŋ hawusaroolu le mu, ì tilimbaliyaata, balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì temberiŋolu be naa kaŋ, ite Dimmusuriŋ* Babiloni kamma, ko kewolu ka i paree keloo kamma ñaameŋ.”

Yeremiya 51:29

Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Yeremiya 6:23

Ì niŋ tamboolu niŋ hawusaroolu* le mu, ì tilimbaliyaata aduŋ balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì be looriŋ ñoo nooma ko kewolu ka i paree keloo kamma ñaameŋ, ite Dimmusuriŋ Siyoni kamma.”

Nahumu 3:2

Busoolu si kuma, sareeti siŋolu maakaŋo, suwoolu borikaŋo, aniŋ sareetoolu sawunkaŋo.

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

1 Korintinkoolu 10:26

Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

1 Korintinkoolu 10:28

Bari niŋ moo doo ko ali ye ko, “Ñiŋ diita jalaŋo le la,” ali kana a domo wo moo la kuwo kamma la, meŋ ye a fo ali ye. Ali kana a domo sondomoo la kuwo kamma la.

Kiitindirilaalu 18:29

Ì ye jee toolaa ì la alifaa foloo doo le la, meŋ too mu Dani ti, meŋ mu Yaakuba dinkewo ti. Dani saatewo too foloo mu Layisa le ti.

Kiitindirilaalu 20:1

Banisirayilankoolu, mennu bee be Dani ka taa fo Beeriseba, aniŋ mennu be Kileyadi tundoo kaŋ, ì bee le taata ka beŋ Misipa. Ì bee kambenta Yaawe* ñaatiliŋo la jee.

Kiitindirilaalu 5:22

Suu sembemaalu be bori kaŋ, ì worosoolu ka junku bankoo kaŋ, ì boritoo.