Yeremiya 8:14 - Mandinka Bible

¹⁴ Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

Yeremiya 8:14 Mawu Ofanana

2 Samuweli 20:6

Dawuda ko Abisayi ye ko, “Saayiŋ Seba Bikiri dinkewo be kuu jawu tambiriŋo le ke la ǹ na, ka tambi Abusalomu ye meŋ ke. I la keebaa la kewolu taa, i ye a bayindi, niŋ wo nte a be duŋ na saatee tatariŋolu kono le, a ye kana m̀ ma.”

Jabuuroolu 39:2

N tarata deyiriŋ ne tek, m maŋ tuus fo, bari n na niitooroo lafaakuuta le.

Jabuuroolu 69:21

Ì ye kunoo le ke n ye domoroo to. Biriŋ mindoo ye m muta, ì ye bineekaroo* le dii n na ka a miŋ.

Yesaya 47:5

Yaawe ko, “Dimmusuriŋ Babiloni, tara siiriŋ diboo kono, i ye tenkuŋ jee. Ì te i kumandi la bankoolu la musumansoo* la kotenke.

Yeremiya 14:20

Hee Yaawe, ǹ sonta ǹ na kuu jawu kewo la le, aniŋ ǹ na alifaa foloolu la kuu kuruŋo. Ŋà junube kuwo le ke i la.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yeremiya 23:15

Wo kamma la Yaawe Alihawaa Maariyo* ye ñiŋ ne fo wo annabiyomoolu la kuwo to ko: “M be ì domorindi la domori kunaŋo le la, ŋa ì mindi kunoo la, kaatu Yerusalaamu annabiyomoolu ye a tinna le Alla soosoo janjanta bankoo bee kaŋ.”

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”

Yeremiya 35:11

Bari biriŋ Babiloni mansakewo Nebukanesa naata ñiŋ bankoo boyinkaŋ, ǹ naata a fo ñoo ye ko, ‘Ali ŋà taa Yerusalaamu, Babiloni kelediŋolu la kuwo silaŋo kamma la, aniŋ Aramu kelediŋolu la kuwo.’ Ǹ naata sabati Yerusalaamu teŋ ne.”

Yeremiya 9:14

Ì ye wo tu jee le, ì kanjaaramaalu bulata kuwolu nooma ì faŋolu sondomoolu ye ì samba mennu kaŋ. Ì ka Baali* jalaŋolu le batu ko ì mumuñolu ye ì karandi a la ñaameŋ.”

Yeremiya 9:15

Wo kamma la Yaawe Alihawaa Maariyo, Banisirayila la Alla, ye ñiŋ ne fo ko: “A juubee, m be ñiŋ moolu domorindi la domori kunaŋo le la, ŋa ì mindi kunoo la.

Niikuyaa Suukuwolu 3:19

Hee! N na yamali-yamaloo kuwolu miiroo, aniŋ n na mantooroo, n na baluwo kuniyaata le ko jalafatoo.

3 Musa 10:3

Bituŋ Musa ko Haaruna ye ko, “Yaawe ye ñiŋ ne fo ko: ‘M be n na seneyaa yitandi la le ka bo niŋ moo-wo-moo la, meŋ be sutiyaariŋ n na, fo moolu bee si n kuliyaa.’ ” Bari Haaruna tuta deyiriŋ ne.

Amosi 6:10

Baadiŋo meŋ ñanta ñiŋ furewolu jani la, be naa la le ka ì fintindi buŋo ñiŋ kono. A be moo ñininkaa la le meŋ tuta maaboriŋ buŋo kono ko, fo moo doo le be jee. Niŋ a naata jaabiroo soto ko, “Hanii,” a be a fo la wo ye le, “Tuuk, m̀ maŋ ñaŋ na Yaawe too kumandi la.”

Habakuki 2:20

Bari Yaawe*, ate be a taradulaa senuŋo to le. Duniyaa moolu bee ye i deyi a ñaatiliŋo la.

Jakariya 2:13

Duniyaa moolu bee ye i deyi Yaawe ñaatiliŋo la, kaatu a wulita naŋ ne ka bo a taradulaa senuŋo to.

Matiyu 27:34

Ì ye wayinoo* niŋ jii kunaŋo ñaami, ì ye a dii a la ka a miŋ. Biriŋ Yeesu ye wo nene, a balanta ka a miŋ.

5 Musa 29:18

Ali si ali hakiloo tu fo ali kono moo kana a koo dii Yaawe la ka wo banku moolu la wo jalaŋolu batu. Kaatu niŋ moo-wo-moo marisata ali la dimbaayaalu niŋ lasiloolu kono fo a ye wo ke, wo maarii be ke la ali kono yirisuloo le ti, meŋ be kali kunoo niŋ diŋ kunaŋo wuluu la.

5 Musa 32:32

Ì be kuruŋyaariŋ ne ko Sodomunkoolu niŋ Komorankoolu. Ì mulunta le ko wayini yiroo, a diŋolu be kuniyaariŋ ne, ì be faariŋ kunoo la.