Yeremiya 8:10 - Mandinka Bible

¹⁰ Wo kamma la m be ì la musoolu dii la moo koteŋolu le la, ŋa ì la kunkoolu dii ì noobaalu la, kaatu biriŋ moondiŋ, fo moo baa, ì bee le hadumeta ka sotoo ke niŋ jenkoo la. Ka bo a annabiyomu, fo a piriisi*, ì bee le ka taama faniyaa la.

Yeremiya 8:10 Mawu Ofanana

Yuuba 31:10

wo to Allamaa n na musoo ye tabiroo ke kee koteŋ ye, a niŋ kewolu ye kafu laaraŋo la.

Yesaya 28:7

Doloo ka ñinnu le siirisaarandi, ka ì timili-tamalindi, niŋ ì ye wayinoo* miŋ: A ka piriisoolu* niŋ annabiyomoolu le siirisaarandi. Wayinoo ka ì bondi ì noo to le, a ka ì timili-tamalindi. Ì la jeroo ka fili ì ma le, aduŋ niŋ ì be kiitiyo kuntu la, ì ka boyi le, ì buka a kuntu kuu.

Yesaya 57:17

Ì la hadume maañaa le ye a tinna n kamfaata. Ŋa ì mantoora, ŋa n koo dii ì la kamfaa kono, hani wo, ì tuta ì fansuŋ siloo doroŋ ne nooma la.

Yeremiya 14:14

Bituŋ Yaawe ko n ye ko: “Annabiyomoolu ka faniyaalu le fo n tooyaa la. Nte maŋ ì kii, sako n si ì yaamari, waraŋ ka diyaamu ì ye. Ì ka kiilaariyaa kumoolu mennu fo ko, wolu le naata ì ye jeroo kono, faniyaa le mu, aniŋ ì la bitaari kenseŋolu, mennu mu ì faŋolu sondomoolu kono neeneeri kuwolu ti.

Yeremiya 14:18

Niŋ m fintita kenoo kono, n ka furewolu le je, ì ye mennu faa hawusaroo la. Niŋ n dunta saatewo kono, n ka konkoo maasiiboo le je. Annabiyomoolu niŋ piriisoolu* ka tara ì la dookuwo la bankoo kaŋ ne taariŋ, bari ì maŋ a loŋ ì ka meŋ ke.”

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 32:32

M be wo le ke la, ñiŋ kamma la Banisirayilankoolu niŋ Yahuuda moolu ye kuu jawoo meŋ bee ke ka n kamfandi. Ì niŋ ì la mansoolu kafuriŋo le mu, ì la maralilaalu, ì la piriisoolu*, ì la annabiyomoolu, ka taa Yahuuda niŋ Yerusalaamu saatewo moolu.

Yeremiya 38:22

A fele, musoolu mennu tuta Yahuuda mansabuŋo kono, ì be ì bee le samba la banta, Babiloni mansakewo la maralilaalu ye. Wo musoolu be tara la teelindiroo la le ko: ‘I teeri kendoolu le ye i filindi, ì ye i dundi le, saayiŋ i tututa potoo mereŋo kono, ì bee borita i la.’ ”

Yeremiya 42:1

Bituŋ Yahuuda kelediŋ kuntiyolu bee, ka taa ì niŋ Yohanani, Kareya dinkewo, Yesaniya, Hosaya dinkewo, aniŋ moolu bee, biriŋ moondiŋ fo moo baa, naata nte Yeremiya kaŋ.

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Niikuyaa Suukuwolu 4:13

Ǹ na annabiyomoolu la junuboolu le mu, aniŋ ǹ na piriisoolu la jenke kuwolu, ì ye moolu yeloo boŋ jee, mennu keta moo tilindiŋolu ti.

Esekiyeli 33:31

Hadamadiŋo, ì moo jamaa le ka naa, ì ka sii i ñaatiliŋo la ko n na moolu. Ì ka i la kumoo moyi le, bari ì te a muta la. Ì ka kanoo yitandi ì daalu dammaa le to, bari ì sondomoolu be looriŋ ì la nafaa dammaa le kaŋ.

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Mika 2:4

Ñiŋ luŋo la, moolu si ali ke jelefeŋo ti. Ì si ñiŋ teelindiri denkiloo laa, ì ye ì faŋ ke woosiilaalu ti ko, ‘Ntolu kasaarata le fereŋ. Yaawe ye ǹ na moolu la keetaabankoo duŋ bulu koteŋolu bulu, a buusita ǹ na. A ye ǹ na kunkoolu talaa ǹ jawoolu teema.’ ”

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Mika 3:5

Annabiyomoo doolu le sotota, mennu ye n na moolu filindi. Niŋ ì be feŋ soto kaŋ meŋ bulu, ì ka kayiroo le laahidi wo ye, bari ì be foo la feŋ na a bulu doroŋ, ì be keloo wulindi la a kamma. Yaawe ye ñiŋ ne fo ñiŋ annabiyomoolu ye ko:

Habakuki 1:6

M be semboo dii la Babiloninkoolu le la, wo moo balafaabaloolu, aduŋ ì tariyaata. Ì ka taama duniyaa karoo bee le la ka moolu yaalu taa ì bulu.

Sefaniya 1:13

Ì la fankoo bee si ñapinkaŋ ì bulu, ì la buŋolu bee ye kasaara. Ì ye buŋolu mennu loo, ì te sabati la ì kono, ì ye wayini* yiroolu mennu tutu, ì te ì jiyo miŋ na.”

Titus 1:11

Ì daalu ñanta soroŋ na le, kaatu ì be dimbaayaalu muumewo le la lannoo kasaara kaŋ niŋ karandiroo la, ì maŋ ñaŋ na meŋ ke la. Ì ka a ke tinewo le kamma, meŋ maŋ bo niŋ tiliŋo la.

Titus 1:7

Yeesu la kafoo la kantarilaa mu Alla la dookuulaa kuntiyo le ti. Wo to, a ñanta ke la moo le ti, meŋ maŋ sootaaroo soto. A maŋ ñaŋ na ke la faŋ wara moo ti, moo jusu sutuŋo, dolominnaa, waraŋ fitinamoo. A maŋ ñaŋ na tinewo ñini la tapaleeyaa kono,