Yeremiya 7:34 - Mandinka Bible

³⁴ M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Yeremiya 7:34 Mawu Ofanana

Yuuba 3:7

Moo kana konoo taa a luŋo ñiŋ na, kontaani kumakaŋ kana moyi a luŋo la.

Jabuuroolu 78:63

Ì la fondinkewolu banta faa la kele kandoo le kono, ì la sunkutoolu maŋ kee soto, sako futuusiti denkili si laa.

Yesaya 1:7

Jawoolu ye ali la bankoo kasaara, ì ye ali la saatewolu jani. Ì ye ali la katirifeŋolu bee domo ali ñaa koto, ali la kunkoolu kenseŋyaata, ko niŋ ñapinkannaalu ye dulaa meŋ boyinkaŋ.

Yesaya 3:26

Saatee dundaŋ daa faŋo be woosii la le ka kumboo, saatewo faŋo be muluŋ na le ko musoo, meŋ kiideeriŋo be siiriŋ bankoo to.

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

Yeremiya 16:9

Nte Yaawe Alihawaa Maariyo*, Banisirayila la Alla ye ñiŋ ne fo ko: Ali ñaalu be a je la ali baluu tiloolu la le, ŋa maadiyaa niŋ seewoo kumakaŋolu daŋ ñiŋ dulaa to jaŋ, ka taa maañoo niŋ a keemaa la maañoobiti maakaŋo.

Yeremiya 22:6

Yaawe ye ñiŋ ne fo Yahuuda mansasuwo la kuwo to ko: “I ñiiñaata n ñaa koto ñaa-wo-ñaa ko Kileyadi tundoo, aniŋ Libanooni konkokaŋ yiroolu, a be koyiriŋ ne ko, m be i ke la le ko keñewuloo*, komeŋ moo te siiriŋ saatewolu mennu to.

Yeremiya 25:10

M be a tinna le ì la maadiyaa niŋ seewoo kumakaŋo ye daŋ, ka taa maañoo niŋ a keemaa la maañoobiti maakaŋo, aniŋ tuurilaŋ beroolu jurulikaŋo, ka taa lampoo la maloo.

Yeremiya 27:17

Ì kana i lamoyi ì la. Ì si soŋ Babiloni mansakewo ma, ì ye baluu. Muŋ ne be a tinna ñiŋ saatewo be tiñaa la kensenke?

Yeremiya 33:10

“Nte Yaawe ye ñiŋ ne fo ko: Ì ka a fo ñiŋ saatewo ma le ko, ‘Tumbuŋ kenseŋo le mu, hadamadiŋ te jee, sako beeyaŋ.’ Bari hani wo maakaŋo be ke la le kotenke Yahuuda saatewolu kono, aniŋ Yerusalaamu mbeedoolu kaŋ, mennu kenseŋyaata, moo maŋ tara siiriŋ jee, sako beeyaŋ.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yeremiya 4:26

Ŋa juubeeroo ke le, ŋa a je banku yiriwaariŋo keta keñewuloo* ti, a saatewolu bee burukata ka ke tumbuŋolu ti, Yaawe la kamfaa baa ì kamma.

Yeremiya 4:27

Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

Yeremiya 44:6

Wo kamma la, ŋa n na kamfaa baa kupi naŋ. A malata Yahuuda saatewolu kamma, aniŋ Yerusalaamu mbeedoolu kaŋ, a ye ì ke tumbuŋ kenseŋolu ti, ko ì be ñaameŋ bii.”

Niikuyaa Suukuwolu 5:14

Keebaalu ye saatee dundaŋ daato beŋo bula, fondinkewolu la kumafeŋ kosoo danta.

Esekiyeli 26:13

M be daŋ ke la i la moolu la denkiloolu niŋ ì la kumafeŋ diimaalu la le, aduŋ moo te ì la kooraa kumakaŋolu moyi la kotenke.

Esekiyeli 7:11

Fitinoo wulita le ka tilimbaliyaa warandi. Moo te tu la Banisirayilankoolu kono, ì siyaata ñaa-wo-ñaa. Ì taa mu feŋ-wo-feŋ ti, a bee be buusi la ì la le. Hani ì la feŋ kummaalu faŋolu, ì bee le be kasaara la.

Hoseya 2:11

M be daŋ ke la a la seewoo la le, ŋa daŋ ke a la feetoolu la, a la Kari Kuta Juuraloolu*, Loobula Luŋ Juuraloolu, ka taa bula a la juurali looriŋolu bee la.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Mika 7:13

Bari duniyaa banku koteŋolu si tumbuŋ jee siilaalu la baara kuwo kamma la, ì la baaroo joo be ke la wo le ti.

Lankenemoo 18:23

Lampu maloo te je la i la buŋolu kono kotenke, maañoo niŋ maañootiyo maakaŋo te moyi la i kono. I la safaarilaalu le keta nuŋ duniyaa moo baalu ti, i la buwaalu ye nasiyoŋolu bee neenee ì la batuutaa kuwolu la.