Yeremiya 7:19 - Mandinka Bible

¹⁹ Bari fo ì ka nte le kamfandi baŋ? Fo ì buka wo ke ì faŋolu le la baŋ, ka malu kuwo naati ì faŋolu kaŋ?” Yaawe le ye a fo.

Yeremiya 7:19 Mawu Ofanana

Esira 9:7

Ka bo m̀ mumuñolu la waatoo la, ka naa fo bii luŋo la, m̀ boyita baake le. Ǹ na kuu jawoolu le ye a tinna ntolu, ǹ na mansoolu, aniŋ ǹ na piriisoolu dunta banku koteŋolu la mansoolu bulu. Ì ye ǹ noo niŋ ì la hawusaroo* la, ka ǹ samba mutoo kono, aniŋ ñapinkaŋo niŋ maloo, ko a be ñaameŋ bii.

Yuuba 35:6

Niŋ i ye junube kuwo ke, wo be Alla toora la muŋ ne la? Niŋ i la junuboo siyaata, wo be muŋ ne ke la a la?

Yesaya 1:20

Bari niŋ ali maŋ soŋ, ali tuta balandiŋ, hawusaroo* le be ali faa la. Nte Yaawe faŋo le ye a fo.”

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

Yesaya 45:16

Jalaŋ dadaalaalu bee be tara la maloo niŋ dooyaa le kono.

Yeremiya 15:9

Musu meŋ jiidita diŋ woorowula la, wolu la faa si a ketundi, niijiyo ye koleyaa a ma. A la tilibula baa si ke a ye diboo ti. A si malu, aduŋ dooyaaroo si laa a kaŋ. Ì toomaalu mennu tuta baluuriŋ, m be ì jawoolu le bula la ì ye ì faa niŋ hawusaroo la.” Yaawe le ye a fo.

Yeremiya 2:17

Fo i faŋo le maŋ ñiŋ laa i faŋ kaŋ baŋ, biriŋ i ye i koo dii nte Yaawe i la Alla la, tuma meŋ n tarata i ñaato ka i samba siloo la?

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Yeremiya 22:22

Foñoo le be i kantalaalu koora la, i niŋ mennu laata ñoo kaŋ, ì ye taa mutoo kono. Wo to le i be malu la, i keñaa ye bo i kono, i la kuu kuruŋolu bee kamma la.

Yeremiya 25:7

Bari ali balanta le ka i lamoyi a la.” Yaawe ye ñiŋ fo ko: “Ali ye n kamfandi niŋ jalambatoo le la, aduŋ ali ye ali faŋolu le mantoora ka bo ali ye meŋ ke.”

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”

Yeremiya 44:3

Ì ye kuu jawoo meŋ ke, wo le ye a saabu. Ì ye n kamfandi le ka cuuraayoo siisindi jalaŋolu ye ka ì batu, itolu nene maŋ mennu loŋ, sako alitolu, sako ali la alifaa foloolu.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Yeremiya 9:19

Lembakaŋo moyi naŋ Siyoni* ko: ‘Hee, ǹ kasaarata le! Maloo feeneeta ǹ kaŋ ne! Fo ǹ si bo ñiŋ bankoo kaŋ doroŋ, kaatu ì ye ǹ na buŋolu boyi le.’ ”

Esekiyeli 16:26

I niŋ Misirankoolu ka cakayaa ke le, i siiñoolu mennu ka lafi i laañooyaa la waati-wo-waati. I ye n kamfandi i la cakayaa bambaloo le la.

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

5 Musa 32:16

Ali ka a kiiliyandi alla koteŋolu la, ali ka a kamfandi kuu haraamuriŋolu la.