Yeremiya 7:18 - Mandinka Bible

¹⁸ Dindiŋolu le ka loo kafu ñoo ma, faalu ye dimbaa mala, bituŋ baalu ye fariñoo nooni ka a jani mbuuroo ti jalaŋo ye, ì ka meŋ kumandi Saŋo Santo Musumansoo* la. Ì ka miŋ feŋ sadaalu* boŋ batufeŋ koteŋolu ye le, ñiŋ kamma la ka n kamfandi.

Yeremiya 7:18 Mawu Ofanana

1 Mansoolu 14:9

I ye kuu jawoo meŋ ke, wo le tambita moolu bee taa la i be mennu siŋ kaŋ. I ye batufeŋolu le dadaa i faŋo ye, jalaŋolu mennu dadaata newo la. I ye nte fayi i kooma, i ye n kamfandi.

1 Mansoolu 16:2

“Ite maŋ ke feŋ ti nuŋ, bari nte le ye i sikandi ka i ke ñaatonkoo ti n na moolu, Banisirayilankoolu kunna. Aduŋ saayiŋ i baarata kuwolu le la Yerobowamu baarata nuŋ mennu la, ka a tinna n na moolu Banisirayilankoolu ye junuboo ke, aniŋ ka n na kamfaa wulindi niŋ ì la junuboolu la.

Jabuuroolu 16:4

Moolu mennu jarabita batufeŋ koteŋolu la, ì ka mantoora jamaa le saabu ì faŋ ma. N te kafu la ì ma ka yeloo boŋ sadaa* ti, sako ka wo batufeŋolu too kumandi.

Yesaya 3:8

Yerusalaamu be jiijaa kaŋ ne, Yahuuda be boyi kaŋ, kaatu ì fokumoolu niŋ ì kekuwolu ka Yaawe le sooki, ka balaŋo tiliŋ a la semboo niŋ waroo la.

Yesaya 57:6

Jalaŋolu mennu be wulumbaŋo kono, bere deerariŋolu be daameŋ, itolu le kummaayaata ali fee, nte wo nte. Ali ka miŋ feŋ sadaalu boŋ ì ye le, aniŋ siimaŋ sadaalu. Ñiŋ kuwolu bee jeriŋ koolaa, fo n si sabari noo baŋ?

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yesaya 65:3

Moolu le mu, mennu ka tu la n hadaañi la, m faŋo ñaa la, ka sadaalu* bondi naakoolu kono, aniŋ ka cuuraayoo siisindi birikoolu kaŋ.

Yeremiya 1:16

M be n na kiitiyo taamandi la n na moolu kaŋ ne, ì la kuu jawoo to ì ye meŋ ke ka ì koo dii n na. Ì ka cuuraayoo siisindi alla koteŋolu ye le. Ì faŋolu buloolu ye mennu dadaa, ì ka wolu le batu.

Yeremiya 11:17

Yaawe Alihawaa Maariyo*, meŋ ye ite Banisirayila niŋ Yahuuda tutu, a ye kasaaroo le fo ali kunna, kaatu ali ka kuu jawoolu le ke. Ali ka a kamfandi le ka bo niŋ ali ka cuuraayoo meŋ siisindi Baali jalaŋo ye.

Yeremiya 17:2

Hani ali koomalankoolu fanaa buka ñina noo ì la sadaabodulaalu niŋ ì la Asera* jalaŋ dokoolu la, yirisuŋ biireeriŋolu koto taariŋ, konkoriŋolu kaŋ,

Yeremiya 19:13

Buŋolu mennu be Yerusalaamu kono, ka taa Yahuuda mansoolu la buŋolu, be ke la dulaa kosoriŋo le ti ko Tofeti. Ì ka cuuraayoo siisindi sadaa ti wo buŋ santo teruriŋolu* to, saŋo santo malafeŋolu ye, aduŋ ì ka miŋ feŋ sadaalu boŋ jalaŋolu ye.”

Yeremiya 25:7

Bari ali balanta le ka i lamoyi a la.” Yaawe ye ñiŋ fo ko: “Ali ye n kamfandi niŋ jalambatoo le la, aduŋ ali ye ali faŋolu le mantoora ka bo ali ye meŋ ke.”

Yeremiya 32:29

Itolu Babiloninkoolu mennu be ñiŋ saatewo kele kaŋ, ì be dimbaa le duŋ na a la ka a jani. A buŋolu be jani la le, ì ka cuuraayoo siisindi mennu santo teruriŋolu to, Baali* jalaŋo ye, ì ka miŋ feŋ sadaalu* boŋ jalaŋ koteŋolu ye daamennu to, ka n kamfandi.

Yeremiya 44:25

Yaawe Alihawaa Maariyo, Banisirayila la Alla ye ñiŋ ne fo ko: “Alitolu niŋ ali la musoolu ye fori ke ali daalu la le, ali naata a baara ali buloolu la, biriŋ ali kumata ko, ‘A be koyiriŋ ne ko, ŋà tawoolu mennu taa m̀ be ì taamandi la le, ka cuuraayoo siisindi, aniŋ ka miŋ feŋ sadaa boŋ Saŋo Santo Musumansoo ye.’ “Wo to ali a waa, ali ye tawoo meŋ taa, ali ye a ke!

Yeremiya 44:4

Wo bee kaŋ, n tuta n na dookuulaalu, annabiyomoolu kii la ali kaŋ ne, ka a fo ali ye ko, muna, ali kana ñiŋ kuu ñewundiŋo ke, ŋa meŋ koŋ!

Yeremiya 7:17

Fo i maŋ a je baŋ, ì ka tara kuwolu mennu ke kaŋ Yahuuda saatewolu kono taariŋ, aniŋ Yerusalaamu mbeedoolu kaŋ?

Niikuyaa Suukuwolu 5:13

Ì ye fondinkewolu diyaakuyaa bula tuuroo la, kambaanendiŋolu ka timili-tamali loositoolu koto.

Esekiyeli 16:26

I niŋ Misirankoolu ka cakayaa ke le, i siiñoolu mennu ka lafi i laañooyaa la waati-wo-waati. I ye n kamfandi i la cakayaa bambaloo le la.

Esekiyeli 20:28

Kabiriŋ ŋa ì samba naŋ bankoo kaŋ ŋa ì laahidi ka daameŋ dii ì la, ì ye n kamfandi jee to le. Kaatu ì ka beeyaŋ sadaalu bondi jalaŋ batudulaalu le to konko jaŋolu kaŋ santo aniŋ yiri biireeriŋolu koto taariŋ. Aduŋ ì ka cuuraayi seera diimaalu le siisindi ì la jalaŋolu ye jee ka ì seewondi, ì ka miŋ feŋ sadaalu fanaa boŋ wo sadaabodulaalu* to jee le.

Esekiyeli 8:16

Bituŋ a naata n samba Yaawe Batudulaa Buŋo konoto luwo to. Ŋa kee muwaŋ niŋ luulu le tara dundaŋ daa niŋ sadaajanidulaa teema. Ì ñaa be tilindiŋ tiliboo la, ì koo be diiriŋ Yaawe Batudulaa Buŋo la. Ì be sujudi kaŋ tiloo le ye, ka a batu.

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

5 Musa 32:16

Ali ka a kiiliyandi alla koteŋolu la, ali ka a kamfandi kuu haraamuriŋolu la.

5 Musa 32:21

Ali ka n kiiliyandi feŋ na, meŋ maŋ ke Alla ti, ali ka m kamfandi ali la jalaŋolu la. M fanaa be ali kiiliyandi la moolu le la, mennu te mooyaa daa to, m be toolee bankoo le taa la ka ali kamfandi ì la.

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.