Yeremiya 6:7 - Mandinka Bible

⁷ Koloŋo ka tu jiyo bondi la ñaameŋ, kuu kuruŋo ka tu woyi la ñiŋ moolu bulu wo le ñaama. Fitinoo niŋ kasaaroo, i ka wo dammaa le moyi jee, n ñaa ka tara yankankatoo niŋ dimiŋo doroŋ ne la.

Yeremiya 6:7 Mawu Ofanana

Kuma Kotoomaalu 4:23

I sondomoo kanta ka tambi feŋo bee la, bayiri ate le mu duniyaa sambaraŋo ti.

Yesaya 1:6

Ka bo ali siŋ teetewo to, ka taa fo ali kunteemoo to, kereyaa te jee, baramoolu niŋ warasoolu dammaa le be jee, aniŋ namaroolu. Ì maŋ ì kuu, waraŋ ka booroo ke ì bala, sako ka ì siti.

Yesaya 57:20

Bari moo kuruŋolu ka munta le ko baajiyo meŋ ka tu maamaŋ na, a buka tenkuŋ noo, a baa baliŋo ka noo niŋ potoo doroŋ ne fintindi.

Yesaya 59:6

bari ì buka ì ke noo duŋ feŋo ti. Ì ye meŋ dadaa, ì buka sutura noo a la. Ì ka kuu kuruŋo dammaa le ke, aduŋ fitina maañaa le ka tara ì bulu.

Yeremiya 20:8

Niŋ m be diyaamu la waati-wo-waati, fo n si wuuri, aniŋ ka sari ko, “Fitinoo! Kasaaroo!” Ite Yaawe la kumoo foo keta n ye jalayiroo niŋ jelefeŋyaa le ti luŋ-wo-luŋ.

Yeremiya 30:12

Yaawe ye ñiŋ ne fo ko: “Ali la dimiŋo te jaara noo la, ali la baramoo te kendeyaa la noo.

Yeremiya 30:13

Moo te jee meŋ si loo ali la kuwo la, boori te ali la dimiŋo la, jaarañaa te ali la.

Yeremiya 30:15

Muŋ ne ye a tinna ali ka kumboo ali la dimiŋo kunna, ali la dimiŋ kuwo, jaarañaa te meŋ na? Ŋa ñiŋ kuwolu ke ali la le, kaatu ali la boyidaa le warata, aduŋ ali la junuboolu siyaata baake.

Yeremiya 32:31

Ñiŋ saatewo moolu ye n kamfandi le ka n jusoo kandindi, ka bo luŋo meŋ na a loota ka naa bula bii la. Wo kamma la m be a bondi la n ñaa koto le.

Yeremiya 8:22

Fo boori te Kileyadi kono baŋ? Fo jaaralilaa te jee baŋ? Muŋ ne ye a tinna n na moolu maŋ jaaraloo soto, ka ì la baramoo kendeyandi?

Esekiyeli 21:29

Ammoninkoolu kaŋolu be kuntu la niŋ hawusaroo le la. Waatoo siita le ka ì mantoora, kaatu ì la junube kuwolu landatambita le. Ì ye meŋ moyi hawusaroo la kuwo to kabiriŋ ì ye juubeeroo ke ì la juubeerilaalu yaa, wolu la jaabiroo keta faniyaa le ti.”

Esekiyeli 24:7

“A ye yeloo meŋ boŋ, hani saayiŋ a be a kono le. A ye a laa bere kenseŋo le kaŋ, a maŋ a boŋ bankoo to ka a muuri niŋ bankumunkoo la.

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Esekiyeli 7:11

Fitinoo wulita le ka tilimbaliyaa warandi. Moo te tu la Banisirayilankoolu kono, ì siyaata ñaa-wo-ñaa. Ì taa mu feŋ-wo-feŋ ti, a bee be buusi la ì la le. Hani ì la feŋ kummaalu faŋolu, ì bee le be kasaara la.

Esekiyeli 7:23

Neejoloolu parendi, kaatu bankoo kaŋ be faariŋ moofaa le la, saatee kono be faariŋ fitinoo la.

Sefaniya 3:1

Kooroo be moo toorandilaalu la saatewo ye, balaŋo niŋ kuruŋyaa saatewo.