Yeremiya 6:30 - Mandinka Bible

³⁰ Ì ka ì kumandi neebuu nafantaŋo le la, kaatu nte Yaawe ye n koo dii ì la le.”

Yeremiya 6:30 Mawu Ofanana

2 Mansoolu 17:20

Bituŋ Yaawe ye a koo dii Banisirayilankoolu bee la. A ye ì jarabi, aduŋ a ye ì duŋ ñapinkannaalu bulu, fo a ye ì bayi ka bo a ñaatiliŋo la.

Jabuuroolu 119:119

Ite ye duniyaa moo kuruŋolu bee fayi le ko suntukunto feŋo. Wo kamma la nte ŋa i la karandiroolu kanu le.

Jabuuroolu 53:5

Wo to ì be tara la kijafara baa le kono, hani niŋ dewuŋ kuu te keriŋ, kaatu Alla be a la moolu boyinkannaalu kasaara la le, a ye ì kuloolu janjaŋ. Ì be bula la malu kuwo le kono, kaatu Alla ye ì fayi le.

Kuma Kotoomaalu 25:4

Newo meŋ niŋ kodoo ñaamita bondi, kodiforo numoo si kodiforo piiroo soto.

Yesaya 1:22

Yerusalaamu, i keta kodiforoo le ti nuŋ, bari saayiŋ i yelemata nee fiŋo le ti, i keta miŋ feŋ diimaa le ti nuŋ, bari i cuntita jiyo le la.

Yesaya 1:25

Yerusalaamu, m bulu be laa la i kaŋ ne. M be i seneyandi la le ko dimbaa ka kodiforoo seneyandi ñaameŋ, i si a je i la kuu kuruŋolu bee ye bo.

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 23:33

Yaawe ko: “Yeremiya, niŋ ñiŋ moolu, waraŋ annabiyomoo, waraŋ piriisoo ye i ñininkaa ko, muŋ ne mu Yaawe la dunoo ti ì ye, a fo ì ye ko, itolu le mu dunoo ti, aduŋ nte Yaawe be ì fayi la le.” Yaawe le ye a fo.

Yeremiya 7:1

Ñiŋ ne mu Yaawe* la kumoo ti meŋ naata nte Yeremiya kaŋ ko,

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Niikuyaa Suukuwolu 5:22

Fo duŋ, i ye i koo dii ǹ na le fereŋ, fo i la kamfaa maŋ dandulaa soto baŋ?

Hoseya 9:17

N na Alla be i bo la ì to le, kaatu ì maŋ soŋ a ma. Ì be ke la yaayilaalu le ti bankoolu kaŋ taariŋ.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

Matiyu 5:13

“Alitolu le mu duniyaa la koo ti. Bari niŋ koo foota a la kuniyaa la, a be ke noo la koo ti ñaadii le kotenke? A maŋ nafaa soto fo ka a fayi banta, daameŋ moolu siŋolu be dori la a kaŋ.

Roomankoolu 11:1

Wo to m be ñininkaaroo ke la ko, “Fo Alla ye a la moolu bula le baŋ?” Wo te ke noo la muk! Nte faŋo mu Banisirayilankoo le ti, Iburayima koomalankoo, meŋ mu Benjamini lasiloo ti.