Yeremiya 6:23 - Mandinka Bible

²³ Ì niŋ tamboolu niŋ hawusaroolu* le mu, ì tilimbaliyaata aduŋ balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì be looriŋ ñoo nooma ko kewolu ka i paree keloo kamma ñaameŋ, ite Dimmusuriŋ Siyoni kamma.”

Yeremiya 6:23 Mawu Ofanana

Yesaya 10:32

Wo luŋo la, ì be loo la Nobu le, ì ye Yerusalaamunkoolu silandi, Siyoni Konkoo moolu.

Yesaya 13:18

Ì la kaloolu be fondinkewolu faa la le, ì te balafaa soto la deenaanoolu ye, sako ka hiinoo yitandi dindiŋolu la.

Yesaya 17:12

Hee, maakaŋ waroo banku jamaa kaŋ, ì kumakaŋo be le ko baa maakaŋo! Hee, bumbuŋ kaŋo banku jamaa kaŋ, ì bumbuŋ kaŋo be le ko fankaasoo bumbuŋ kaŋo!

Yesaya 19:4

M be Misirankoolu duŋ na maralilaa jawoo semboo le koto, mansa saŋarariŋo ye ì mara.” Yaawe Alihawaa Maariyo* le ye a fo.

Yeremiya 25:32

Yaawe Alihawaa Maariyo ye ñiŋ ne fo ko: “A juubee, kasaaroo le be janjaŋ kaŋ ka bo banku ka taa banku, aduŋ turubaadi baa le ka maamaŋ naŋ duniyaa dulaa jamfariŋolu to.”

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 30:14

Ali niŋ mennu bee be laariŋ nuŋ ñoo kaŋ, ì ñinata ali la le, ì buka hani ali hati kotenke. Ŋa ali busa ko n jawoo, ko konnantee balafaabaloo la kelendiroo, kaatu ali la boyidaa warata le, aduŋ ali la junuboolu siyaata.

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Yeremiya 4:16

A fo banku koteŋolu moolu ye ko, “A fele jaŋ de!” Ali a kankulaa Yerusalaamu kamma ko: “Boyinkannaa kelediŋolu le bota naŋ banku jaŋ to, ì be kele wuuroo kumandi kaŋ Yahuuda saatewolu ma.

Yeremiya 4:29

Suuborindilaalu niŋ kalabeñe fayilaalu maakaŋo naŋ, wo le be saatewolu bee moolu borindi la. Doolu be duŋ na sutu dibiŋolu le kono, doolu ye sele ka taa konko berehuwolu kono. Saatewolu bee be kenseŋyaa la le, moo te tara la sabatiriŋ jee.

Yeremiya 5:16

Ì la kalabeñe kufoolu mu kaburu dinkoo le ti, ì bee mu kelejawaroolu le ti.

Yeremiya 50:41

Yaawe ko: “A juubee, kelediŋ kafoo le ka bo naŋ maraa kara bankoo kaŋ. Banku sembemaa aniŋ mansakee jamaalu le be maamaŋ kaŋ naŋ, ka bo dulaa jamfariŋ baalu to.

Yeremiya 50:42

Ì niŋ kalabeñoolu niŋ hawusaroolu le mu, ì tilimbaliyaata, balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì temberiŋolu be naa kaŋ, ite Dimmusuriŋ* Babiloni kamma, ko kewolu ka i paree keloo kamma ñaameŋ.”

Yeremiya 6:4

Ì be a fo la le ko, ‘Ali i paree a kamma keloo la. Ali wuli, ŋà a boyinkaŋ tilikuntewo! Kooroo boyita ǹ kaŋ, tiloo fele a be boyi la m̀ ma, wulaarandiŋo be taa kaŋ laalaa.

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Esekiyeli 21:31

M be n na kamfaa kupi la i kaŋ jee le to ka n na kamfaa fijoo jindi i kaŋ. M be i duŋ na moo kuruŋolu le bulu mennu ye kasaaraloo noo baake.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.