Yeremiya 6:18 - Mandinka Bible

¹⁸ Wo to bankoolu bee ye i lamoyi, jamaa bee ye kalamutari ke, meŋ be ke la ñiŋ moolu la.

Yeremiya 6:18 Mawu Ofanana

Yesaya 5:3

Saayiŋ, alitolu Yerusalaamunkoolu, alitolu Yahuuda moolu, ali kiitiyo kuntu n niŋ n na kankaŋo teema.

Yeremiya 31:10

“Alitolu bankoolu bee, ali i lamoyi nte Yaawe la kumoo la, aduŋ ali si a kankulaa dulaalu mennu be jamfajaŋo to ko, nte meŋ ye Banisirayila janjandi, m be a kafu la ñoo ma le, ŋa a kanta ko kantarilaa ka a la beeyaŋolu kanta ñaameŋ.

Yeremiya 4:10

Wo to le nte Yeremiya ko, “Hee m Maarii Yaawe, tooñaa-tooñaa, ite ye ñiŋ moolu niŋ Yerusalaamu muumewo neenee le famfaŋ, ka a fo ko, ‘Ali be kayiroo soto la le,’ a ye a tara hawusaroo* be ǹ kaŋolu to!”

Yeremiya 4:16

A fo banku koteŋolu moolu ye ko, “A fele jaŋ de!” Ali a kankulaa Yerusalaamu kamma ko: “Boyinkannaa kelediŋolu le bota naŋ banku jaŋ to, ì be kele wuuroo kumandi kaŋ Yahuuda saatewolu ma.

Yeremiya 6:17

Ŋa kantarilaalu le bula ali kunna, n ko, ì si i lamoyi binoo kumakaŋo la, bari ì ko ì te wo ke la.

Yeremiya 6:19

Duniyaa bee ye i lamoyi! A juubee, nte be kuu jawu le laa la ñiŋ moolu kaŋ, meŋ be ke la ì la kuruŋyaa feeroolu joo ti, kaatu ì maŋ i moyi n na kumoolu la, aduŋ ì balanta n na karandiroolu la le.

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”