Yeremiya 6:16 - Mandinka Bible

¹⁶ Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Yeremiya 6:16 Mawu Ofanana

1 Mansoolu 8:36

Bituŋ i si i lamoyi ka bo Arijana kono, aduŋ i si yamfa i la dookuulaalu la junuboo la, i la moolu Banisirayilankoolu. I si ì karandi ka taama kuu kendoo la, aduŋ i si sanjoo jindi naŋ bankoo kaŋ i ye meŋ dii i la moolu la ka ke ì la keetaafeŋo ti.

2 Taarika 19:11

“Amariya, piriisi kuntiyo le be tara la marariŋ ali kunna diina kuwo bee to. Sebadiya, Isimayila dinkewo Yahuuda maralilaa le be mara la ali kunna kiitiyolu to mennu be dendiŋ mansakundaa kuwo la. Lewi lasiloo moolu be ke la ì maakoyilaalu le ti. Ali loo bambandinke ka kuwolu bee ke a ñaama. Allamaa Yaawe ye tara moo fee, meŋ tilinta.”

Jabuuroolu 116:7

Silaŋ n sondomoo si tenkuŋ, kaatu Yaawe ye beteyaa doroŋ ne yitandi n na.

Yesaya 2:5

Yaakuba koomalankoolu, ali naa ŋà taama Yaawe la maloo kono!

Yesaya 28:12

A ye a fo ì ye le nuŋ ko, a be kayiroo niŋ dahaa dulaa dii la ì la le. Bari ì maŋ soŋ na i lamoyi la a la.

Yesaya 30:21

Niŋ ali jenketa ka bo siloo kaŋ, bulubaa la waraŋ maraa la, ali tuloo be a kumakaŋo moyi la ali kooma le ko, “Ñiŋ ne mu siloo ti, ali taama niŋ a la.”

Yesaya 46:9

Ali si i miira folooto kuwolu la, aniŋ mennu tambita kabiriŋ. “Nte le mu Alla ti, aduŋ doo te jee. Nte le mu Alla ti, aduŋ n niŋ feŋ ne buka muluŋ.

Yesaya 57:2

ì ye duŋ kayiroo kono. Mennu ka taama tiliŋo kono, niŋ ì faata, a ka ke ì la dahaa le ti.

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

Yeremiya 12:16

Misaali fee, niŋ a ye a tara ì ye n na moolu la siloo karaŋ a ñaama, ì ka kali n too la ka a fo ko, ‘A be koyiriŋ ñaameŋ ko Yaawe be baluuriŋ ne,’ ko itolu fanaa ye n na moolu karandi ñaameŋ ka kali Baali* jalaŋo too la, wo to ì be sabati la n na moolu kono le, ì ye firiŋ jee.

Yeremiya 18:12

“Bari ì ka a fo le ko, ‘Tuus! M̀ be bula la m̀ fansuŋ feeroolu le nooma. M̀ moo-wo-moo kanjaaramaa ye taama ǹ sondomoo la kuruŋyaa la.’ ”

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 2:25

Banisirayila, kana i sinto samatoo baŋ yaayoo la, waraŋ i kaŋo ye jaa mindoo la! Bari i ko wo mu kuma kenseŋo le ti, ite ye banku koteŋ jalaŋolu le kanu nte ti, fo i si bula wolu nooma doroŋ.”

Yeremiya 22:21

Ŋa i dandalaa le tuma meŋ i be dahaa kono, bari i kumata le ko, ‘N te n lamoyi la!’ Wo le mu i la siloo ti biriŋ i dindiŋ. I maŋ n na kumakaŋo muta.

Yeremiya 31:21

“Ali sila taamanseerilaŋolu loo ali faŋolu ye, ali ye suuteerilaŋ dokoolu dadaa. Ali i miira siloo la kendeke, ali taata nuŋ meŋ na. Ite Dimmusuriŋ Banisirayila, seyi naŋ i la ñiŋ saatewolu to.

Yeremiya 42:3

Yaawe i la Alla si a fo ǹ ye, ǹ ñanta taa la daameŋ, aniŋ ǹ ñanta meŋ ke la.”

Yeremiya 44:16

“Kiilaariyaa kumoo i ye meŋ fo ntolu ye ka bo niŋ Yaawe tooyaa la, ǹ te n lamoyi la a la.

Yeremiya 50:5

Ì be Siyoni* siloo ñininkaa la le, ì ye ì kuŋ tiliŋ jee la. Ì be naa le ka ì faŋ seyi nte Yaawe ma, ka bo niŋ badaa-badaa kambeŋo la, ì te ñina la meŋ na.

Yeremiya 7:23

Bari ŋa ì yaamari ñiŋ ne la ko, ì ye n na kumakaŋo muta, wo to le m be ke la ì la Alla ti, ì ye ke n na moolu ti. Ì si taama siloolu bee la, ŋa ì yaamari mennu la, i si a je kuu kendoo doroŋ si ke ì ye.

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Yeremiya 7:3

Yaawe Alihawaa Maariyo*, Banisirayila la Alla ye ñiŋ ne fo ko: Ali ali taañaalu faliŋ, aniŋ ali kekuwolu, wo to le m be ali bula la ka sabati ñiŋ bankoo kaŋ.

Malaki 4:4

“Ali tu sabatiriŋ n na dookuulaa Musa la karandiroo kaŋ. Ali bula yaamaroolu niŋ luwaalu nooma ŋa mennu dii a la, Banisirayilankoolu bee ye, Sinayi Konkoo kaŋ.

Luka 16:29

Bari Iburayima ko a ye ko, ‘Ì ye Musa niŋ annabiyomoolu soto le, ì si wolu la kumoolu moyi!’

Yohana 12:35

Bituŋ Yeesu ko ì ye ko, “Maloo be ali fee le fo waatindiŋ. Ali taama, baawo ali ye maloo soto le, fo diboo kana ali muta. Moo meŋ ka taama diboo kono, wo buka a loŋ, a be taa kaŋ daameŋ to.

Yohana 13:17

Niŋ ali ye ñiŋ kuwolu loŋ, aduŋ ali ye ì ke fanaa, ali be barakoo soto la le.

Yohana 5:39

“Ali ka Kitaabu Senuŋolu kisikisi le, kaatu ali ye a miira le ko, ali ye badaa-badaa baluwo soto wolu le kono. Wolu faŋo le ye n na kuwo seedeyaa.

Kiilaalu 17:11

Bereya Yahuudoolu le daajikoo beteyaata Tesalonika Yahuudoolu ti, kaatu ì ye ñiŋ kumoo muta niŋ hame baa le la. Luŋ-wo-luŋ ì ka a kisikisi le, fo ñiŋ kumoo niŋ Kitaabu Senuŋolu taata ñoo la le.

Roomankoolu 4:12

Wo ñaa kiliŋo la, Iburayima mu sunnariŋolu fanaa le faamaa ti, mennu ye wo lannoo muta, Iburayima ye meŋ muta nuŋ, janniŋ a be sunna la.

5 Musa 32:7

Ali i miira kunuŋ na waati jaŋ koomanto, ali i miira jamaanoolu la, mennu tambita, ali ali wuluulaalu ñininkaa, ì be a yitandi la ali la le, ali ali la alifaalu ñininkaa, ì be a fo la ali ye le.

Kolosankoolu 2:6

Baawo ali sonta Kiristu Yeesu ma le ka ke ali Maariyo ti, wo to ali baluu ko moolu mennu mu a taalu ti.

Hiburunkoolu 11:2

Ka bo niŋ lannoo le la, m̀ mumuñolu ye seedeyaa betoo soto Alla ñaatiliŋo la.

Hiburunkoolu 6:12

M̀ maŋ lafi alitolu ye ke moo naafariŋolu ti, bari ali si moolu nikiŋ, mennu ka tu looriŋ lannoo niŋ muñoo kaŋ. Wo kamma la ì ka kuwolu keetaa le, mennu laahidita ì ye.

Kiitindirilaalu 2:17

Hani saayiŋ, ì buka i lamoyi ñiŋ kiitindirilaalu la kumoolu la. Ì ka ì faŋ filindi ka ke fisiriwallewolu ti ka bula alla koteŋolu nooma, aniŋ ka sujudi ì ye. Ì tariyaata yelema la le ka ì koo dii siloo la ì la alifaa foloolu tarata meŋ kaŋ, mennu keta Yaawe la yaamaroolu mutalaa ti. Itolu maŋ ke ko ì la alifaa foloolu.