Yeremiya 6:11 - Mandinka Bible

¹¹ Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Yeremiya 6:11 Mawu Ofanana

Yesaya 40:30

Hani fondinkee bambandiŋolu ka bataa le fo ì ye lamfu, aduŋ fondinkee mereŋolu ka taki le, ì ye boyi.

Yeremiya 15:17

M buka sii tulunnaalu la kafoo kono, sako n si jusulaa. N ka tara m faŋ ye le, kaatu m be ite le bulu marariŋ, aduŋ n ka faa i ye jusukandoo la le, moolu la kuwo to.

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 20:9

Bari niŋ n kumata ko, n te i la kuma fo la kotenke, waraŋ ka diyaamu i tooyaa la, i la kumoo ka ke n jusoo kono le ko dimbaa, ko dimbaa meŋ be fo n jusoo kono. M bataata n deyi la a kaŋ ne, n te wo noo la faŋ.

Yeremiya 5:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Yeremiya 9:20

Yeremiya ko: “Silaŋ, alitolu musoolu, ali ali tuloo loo Yaawe la kumoo la, ali tuloo ye a la kumakaŋo moyi. Ali ali dimmusoolu karandi saŋa lembañaa la, moo-wo-moo si a siiñoo karandi saŋawoosiyo la.

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”

Niikuyaa Suukuwolu 1:15

“N na kee kendoolu mennu tarata m fee, Maariyo ye i baŋ ì bee le to, a ye kelediŋolu kumbendi n kamma ka n na fondinkewolu kasaara, ka Dimmusuriŋ Yahuuda doriŋ-doriŋ, ko ì ka yiridiŋolu dori ì bitidulaa to ñaameŋ.

Niikuyaa Suukuwolu 2:21

Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.

Esekiyeli 24:21

“Hadamadiŋo, i si a fo Banisirayilankoolu ye, nte Yaawe, ì Maariyo ye ñiŋ ne fo ko: A fele m be a ke la le n na Batudulaa Senuŋo ye koso, ali be tuukuriŋ meŋ na ko, wo le mu ali semboo ti, ali ñaa be looriŋ meŋ kaŋ, aniŋ meŋ ka ali niyo seewondi. Ali dinkewolu niŋ ali dimmusoolu ali ye mennu tu kooma, be faa la keloo le to.

Esekiyeli 3:14

Bituŋ Yaawe la Nooroo ye n samba, kamfaa niŋ niikuyaa naata duŋ n na. Yaawe sembe baa jiita n kaŋ ka m mara.

Esekiyeli 3:3

A naata a fo n ye ko, “Hadamadiŋo, ñiŋ kitaaboo taa, i ye a domo fo i konoo ye faa a la tep.” Wo to le, ŋa a taa ŋa a domo. Bituŋ a diyaata n daa ko liyo.

Esekiyeli 9:6

Ali si ì bee faa, musu kafuriŋ kee, dindiŋ, keebaa. Bari ali kana moolu maa, taamanseeroo be mennu foŋolu to. Ali si faaroo dati n na Batudulaa Senuŋo to.” Wo le to, ì ye faaroo dati wo alifaalu la, mennu be Batudulaa Buŋo ñaatiliŋo la.

Mika 3:8

Bari nte wo de, Yaawe le ye nte bambandi. A ye a la Nooroo le duŋ n na, a ye tooñaa hakiloo dii n na, aniŋ fatiyaa, ka tooñaa yitandi Banisirayila la, Yaakuba koomalankoolu, ì la muritoo niŋ ì la junube kuu kewo to.

Luka 17:34

“Ŋa a fo ali ye, wo suutoo la, moo fula be tara la laariŋ laaraŋ kiliŋo kaŋ, kiliŋo ye taa, kiliŋo ye tu jee.

Kiilaalu 17:16

Pawulu be Silas niŋ Timoti batu kaŋ Atene waatoo meŋ na, a niyo toorata jalaŋolu la kuwo to, ì la saatewo bee be faariŋ mennu la.

Kiilaalu 18:5

Kabiriŋ Silas niŋ Timoti futata jee ka bo Makedoniya, Pawulu ye kawandoo doroŋ ne ke, a ka seedeyaa ke Yeesu la kuwo to ko, ate le mu Alimasiihu* ti.

Kiilaalu 4:20

Ǹ te kuwolu fobaliyaa noo la, ŋà mennu je, aniŋ ŋà mennu moyi.”

Lankenemoo 16:1

Bituŋ ŋa sari baa moyi naŋ Alla Batudulaa Buŋo* kono, meŋ ko malaayika woorowuloo ye ko, “Ali taa, ali ye Alla la kamfaa baa booli woorowuloo boŋ duniyaa kaŋ.”