Yeremiya 51:9 - Mandinka Bible

⁹ Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Yeremiya 51:9 Mawu Ofanana

2 Taarika 28:9

Bari Samariya saatewo kono, Yaawe la annabiyomoo be sabatiriŋ jee le, meŋ too mu Odedi ti. Wo le fintita ka Banisirayila kelediŋolu benduŋ, biriŋ ì be muru kaŋ Samariya. A ko ì ye ko, “Yaawe, ali mumuñolu la Alla, a kamfaata Yahuuda kamma le, wo le ye a tinna a ye ì duŋ ali bulu. Bari ali ye ì faa faañaa jawu baa le la, meŋ futata fo Arijana kono.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Yesaya 13:14

“Moo-wo-moo boritoo be muruŋ na a la moolu yaa le, a wuluu bankoo kaŋ, ko ì ka minaŋo meŋ deema, ko saajii janjandiŋolu mennu maŋ kantarilaa soto.

Yesaya 47:15

Wo looloo lonnaalu mennu mu i kuukeñoolu ti biriŋ i dindiŋ, ì te feŋ ke noo la i ye. Ì be i tu la jee le, ì ye taa ì faŋ ye, moo te soto la ì kono meŋ si i tanka.”

Yeremiya 46:16

I la kelediŋ jamaalu busandita le, ì ka a fo ñoo ye ko, ‘Wuli, ŋà seyi ǹ na moolu yaa suu, ǹ wuluu bankoo kaŋ, ŋà kana ǹ jawoolu la hawusaroo ma.’

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 50:16

Ali fiifeŋ fiilaalu turutumbuŋ Babiloni, ka taa katirilaalu niŋ ì la worotoolu. Ì mantooralaalu la hawusari* keloo be a tinna le tumarankewo bee ye muru ì fansuŋ moolu yaa, moo-wo-moo ye bori a fansuŋ bankoo to.”

Yeremiya 8:20

Ì ko: “Samaa banta, katiroo banta, bari ntolu maŋ kiisa.”

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Lankenemoo 18:4

Bituŋ ŋa kumakaŋ doo moyi ka bo naŋ saŋo santo. A ko: “N na moolu, ali finti naŋ a kono, fo ali daa kana tara a la junuboolu to, aniŋ ali kana ke niisotolaa ti a la mantooroolu to.

Lankenemoo 18:5

A ye junube kuwolu mennu laa ñoo kaŋ, wolu te kuŋ na saŋo niŋ bankoo teema. Alla hakiloo bulata a la kuu kuruŋolu la le.