Yeremiya 51:8 - Mandinka Bible

⁸ Waati kiliŋ, Babiloni boyita ka teyiŋ-teyiŋ. Ali kumboo a ye! Ali booroo naati a la baramoo ye, tumandoo a be kendeyaa la le.”

Yeremiya 51:8 Mawu Ofanana

Yesaya 21:9

Saayiŋ, a fele! Keleraŋ sareetoo niŋ a borindilaa fula be naa kaŋ!” Kiilaa ye a kankulaa le ko, “A boyita le! A boyita le! Babiloni boyita le! A jalaŋolu bee be teleŋ-telendiŋ ne, ì be fayiriŋ bankoo to.”

Yesaya 47:11

Kooroo be boyi la i kaŋ ne, aduŋ i te saaboo soto la meŋ be a bondi noo la. Maasiiboo be naa i kaŋ ne, i te meŋ baayi la noo. Kasaaroo ñaamootoo si naa, i te meŋ kalaŋo loŋ na.

Yesaya 47:9

Bari luŋ kiliŋ, ñaa biti niŋ ñaa yele kono, ñiŋ kuu fuloo be ke la le, i diŋolu bee be faa la le, i be ke la furuyaamusoo ti. I la batuutaalu niŋ saaboolu siyaata ñaa-wo-ñaa, ñiŋ kuwolu be laa la i kaŋ ne, ì te baayi la.

Yeremiya 46:11

“Wo to taa Kileyadi ko! I ye moosibooroo ñini, ite Misira meŋ be ko dimmusuriŋ kataariŋo. I ye boori jamaa le maa kensenke, ì maŋ i jaara noo.

Yeremiya 48:20

Ì be ali jaabi la le ko, ‘Mowabi bulata malu kuwo le kono, kaatu jee teyita le.’ Ali kumboo ka wuuri! Ali a kankulaa Arinoni Wulumbaŋo dandaŋo la taariŋ ko, ‘Ì ye Mowabi kenseŋyandi le!’

Yeremiya 48:31

“Wo to m be kumboo la Mowabi ye le, m be wuuri la Mowabi bee le ye, ŋa Kiri-Hareseti saatee moolu la kuwo woosii.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yeremiya 51:41

Yaawe ko Babiloni ma ko: “Ì ye Sesaki le muta teŋ! Babiloni, duniyaa bee ka kaawa meŋ na, ì ye wo le taa teŋ, a keta bankoolu kono kijafara kuwo ti!

Yeremiya 8:22

Fo boori te Kileyadi kono baŋ? Fo jaaralilaa te jee baŋ? Muŋ ne ye a tinna n na moolu maŋ jaaraloo soto, ka ì la baramoo kendeyandi?

Esekiyeli 30:2

“Hadamadiŋo, kiilaariyaa kumoo fo Misirankoolu ma. I si a fo ì ye, nte Yaawe, i Maariyo ye ñiŋ ne fo ko: Ali si kumboo fo ali ka lemba.

Daniyeli 5:24

Wo le ye a tinna Alla ye moo buloo kii naŋ ka ñiŋ safeeroo ke.

Daniyeli 5:31

Bituŋ Dariyusi, Mediyankoo, ye mansamarali bankoo taa, wo waatoo a siyo be sanji taŋ wooro niŋ fula.

Nahumu 3:19

Dimoo meŋ ye i maa, jaarañaa te a la, i la baramoo te jaara noo la. Niŋ moo-wo-moo ye i la kasaaroo moyi, a be a buloo le kosi la, kaatu moo bee le toorata i la tilimbaliyaa bambaloo waatoo la.

Lankenemoo 14:8

Bituŋ malaayika fulanjaŋo ye a nooma, a be a fo kaŋ ko, “A boyita le, Babiloni saatee baa boyita! Ate le ye duniyaa nasiyoŋolu bee siirandi a la laañooyaa tuluŋo doloo la.”

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.