Yeremiya 51:6 - Mandinka Bible

⁶ Yaawe ko a la moolu ye ko: “Ali bori ka finti Babiloni, moo-wo-moo ye a faŋo niyo tankandi, fo ali kana kasaara ñoo la a kuluu tumoo, kaatu ñiŋ mu nte Yaawe la julujoo waatoo le ti, m be a joo la meŋ na.

Yeremiya 51:6 Mawu Ofanana

Jabuuroolu 94:1

Hee Yaawe* Alla, ite le mu julujoolaa ti, ite Alla le mu julujoolaa ti. I semboo yitandi baŋ!

Kuma Kotoomaalu 13:20

Moo meŋ niŋ moo ñaamendiŋo ka taa, fanaa be ñaameŋo soto la le, bari toolewo taañooyaa mu bataa le ti.

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Yesaya 63:4

Kaatu ŋa ñiŋ soto n sondomoo kono le ko, luŋo meŋ na m be juloo joo la n jawoolu to, siita le, aniŋ m be kumakaaroo ke la saŋo meŋ na.

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yeremiya 25:16

Ì be a miŋ na le ì ye timili-tamali, ì ye cafari, feŋ te fo m be keloo meŋ naati la ì kaŋ niŋ hawusaroo* la.”

Yeremiya 27:7

Banku koteŋolu bee le be a batu la, ka taa hani a dinkewo niŋ a mamarinkewo fanaa, fo a fanaa la bankoo boyindi waatoo ye sii. Wo to le banku baalu niŋ mansakee baalu si naa a la bankoo ke ì la marataa ti.

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Yeremiya 48:6

Ì ko, ‘Ali bori, ka ali niyolu kanandi, ali ye biti ko keñewulakono fitoo.’

Yeremiya 50:15

Ali wuuroo kumandi a ma karoo bee la, Babiloni ye a faŋ seyi le, a tatoolu boyita, ì ye a tata sansaŋolu boyi le. Nte Yaawe le la julujoo mu ñiŋ ti ko: Ali si juloo joo a to, a ye meŋ ke, ka wo ñoŋ ke a la.

Yeremiya 50:28

Ali i lamoyi moolu wuurikaŋo la, mennu borita keloo la, ì kanata, ì naata Yaawe, ǹ na Alla la julujoo dantee Siyoni, a la julujoo Babiloninkoolu to, ì ye meŋ ke a la Batudulaa Buŋo* la.

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 50:8

“Ali bori ka bo Babiloni, ali finti Babiloninkoolu la bankoo kaŋ, ali foloo ye tambi koorewo ñaato, ko baakotoŋolu ka ke ñaameŋ.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yeremiya 51:36

Wo kamma la Yaawe ye ñiŋ ne fo ko: “A juubee, m be loo la ali la kuwo la le, ŋa juloo joo ali ye. M be Babiloni baajiyolu jandi la le, ŋa ì woyoolu jandi.

Yeremiya 51:45

“N na moolu, ali bori ka finti a kono, moo-wo-moo ye a niyo tankandi, ka bori nte Yaawe la kamfaa saŋaroo la!

Yeremiya 51:50

Yaawe ko a la moolu ye Babiloni ko: “Alitolu mennu niyo kanata hawusaroo* ma, ali taa de, ali kana tonkutonku! Ali hakiloo ye bula nte Yaawe la, ali be manee daameŋ to, ali ye i miira Yerusalaamu la.

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Niikuyaa Suukuwolu 3:64

Yaawe, i si juloo joo ì to ka bo niŋ ì la baaroolu la.

4 Musa 16:26

A ye jamaa moolu dandalaa ko, “Ali bo ñiŋ kee kuruŋolu la tiriliisoolu to! Ali buloo kana maa hani ì la feŋ kiliŋ na. Niŋ wo nte, ali niŋ ì bee si koora ñoo la, ì la junube kuwolu kamma la.”

5 Musa 32:25

Hawusaroo* si faaroo ke mbeedoolu kaŋ, kijafaroo ye tara suwolu kono, dimmusuriŋolu niŋ dinkeeriŋolu, suusuudiŋolu niŋ keebaa tii koyoolu, ì bee le be faa la.

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.

5 Musa 32:43

Hee, duniyaa moolu, ali Yaawe la moolu jayi. A be a la dookuulaalu yeloo bonnaalu joo la le, a be i joo la a jawoolu to le, a be a la moolu la bankoo seneyandi la le, junuboo ye meŋ kosondi.

1 Timoti 5:22

Kana koronto ka i buloo laa moo kaŋ ka a kerekere Alla la dookuwo ye. Kana duŋ wandi junuboolu kono, bari i si tu seneyaariŋ.

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.