Yeremiya 51:52 - Mandinka Bible

⁵² “Wo kamma la, nte Yaawe ye ñiŋ ne fo ko: A be koyiriŋ ne ko, luŋolu be naa le, tuma meŋ m be Babiloni jalaŋolu kiitindi la, moo baramariŋolu ye tara ŋuntaŋ na a bankoo bee kaŋ.

Yeremiya 51:52 Mawu Ofanana

Yeremiya 50:38

Jaa be naa a baajiyolu kaŋ ne, fo ì si jaa kos! Kaatu a bankoo bee niŋ batufeŋolu le mu, ì ñaamaata jalaŋ jawoolu la kuwo la le.

Yeremiya 51:47

A be koyiriŋ ne ko, luŋolu be naa le, tuma meŋ na m be Babiloni jalaŋolu busa la, a bankoo muumeelaa be bula la malu kuwo kono le, a moo faariŋolu ye tara fatafatariŋ a kono.

Esekiyeli 28:23

“M be alibalaa kuuraŋo le jindi la Sidoni kono, moofaa ye laa wo kaŋ, keloo ye bo naŋ a ye karoo bee la, aniŋ yeleboŋo ye tara a mbeedoolu bee kaŋ.

Esekiyeli 30:24

M be Babiloni mansakewo buloo bambandi la le, ŋa n na kelejooraŋo duŋ a bulu. Bari m be Firawoona wo buloo kati la le, a ye tara ŋuntaŋ na a ñaatiliŋo la ko meŋ baramata barama jawu la.