Yeremiya 51:5 - Mandinka Bible

⁵ M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Yeremiya 51:5 Mawu Ofanana

1 Mansoolu 6:13

M be tara la n na moolu Banisirayilankoolu kono le, aduŋ n te n koo dii la ì la.”

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

Esira 9:9

Kaatu tooñaa, ǹ keta joŋolu ti ñaa-wo-ñaa, ite ǹ na Alla, i maŋ i koo dii ǹ na ǹ na joŋyaa kono. I ye i la kanu bambaloo le yitandi ǹ na, aduŋ i ye a tinna le fo Perisiya mansoolu ye m̀ maakoyi. I ye baluu kutoo le dii ǹ na. I ye m̀ bula le ŋà i la Batudulaa Buŋo* seyinkaŋ loo, ka a dulaa tiñaariŋolu dadaakuu aniŋ ka tara siiriŋ Yahuuda bankoo kaŋ, aniŋ Yerusalaamu saatewo kono tankoo kono.

Jabuuroolu 94:14

Yaawe te a koo dii la a la moolu la. A te i bo la a fansuŋ moolu to.

Yesaya 44:21

Yaawe ko: “Hee Yaakuba, ali kana ñina ñiŋ kuwolu la, kaatu alitolu mu n na dookuulaalu le ti, Banisirayila. Nte le ye ali daa, ali mu n na dookuulaalu le ti. Hee Banisirayila, n te ñina la ali la.

Yesaya 51:15

Kaatu nte le mu Yaawe ali la Alla ti, meŋ ka baajiyo maamandi, fo baa baliŋolu si bumbuŋ. Yaawe Alihawaa Maariyo* le mu n too ti.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Yeremiya 16:18

M be ì joo la ì la kuruŋyaa niŋ ì la junuboolu la le ko siiñaa fula, kaatu ì ye n na bankoo kosondi niŋ ì la jalaŋ ñewundiŋolu le la, mennu maŋ nii soto. Ì ye bankoo fandi niŋ ì la kuu jawu baalu la le, ŋa meŋ dii n na moolu la keetaabankoo ti.”

Yeremiya 19:4

Ñiŋ moolu ye ì koo dii nte la le, ì ka cuuraayoo siisindi jalaŋolu ye ka ì batu, ì ye ñiŋ dulaa kosondi le. Itolu mu wo, ì la alifaa foloolu mu wo, aniŋ Yahuuda la mansoolu, ì maŋ feŋ loŋ ñiŋ jalaŋolu la kuwo to. Saayiŋ ì naata ñiŋ dulaa fandi niŋ moolu yeloo le la mennu maŋ kuu ke.

Yeremiya 23:15

Wo kamma la Yaawe Alihawaa Maariyo* ye ñiŋ ne fo wo annabiyomoolu la kuwo to ko: “M be ì domorindi la domori kunaŋo le la, ŋa ì mindi kunoo la, kaatu Yerusalaamu annabiyomoolu ye a tinna le Alla soosoo janjanta bankoo bee kaŋ.”

Yeremiya 31:37

Yaawe ye ñiŋ ne fo ko: “Niŋ moo si saŋ fatoolu sumaŋ noo, aniŋ ka bankoo fondamaŋolu daŋo bondi noo, wo to nte fanaa si n koo dii noo Banisirayilankoolu bee la, ì kekuwolu kamma la.” Yaawe le ye a fo.

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.

Yeremiya 50:20

Wo luŋolu la, a waatoo la, moo si Banisirayila la boyidaa ñini le, bari hani kiliŋ, a te a je la, aniŋ Yahuuda la boyidaa, bari hani kiliŋ, a te a je la, kaatu m be yamfa la wo moo toomaalu ye le, ŋa mennu tu baluwo to.” Yaawe le ye a fo.

Yeremiya 51:19

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Hoseya 2:1

“Ali ali mooñoo Banisirayila kewolu kumandi ‘Ammi’ la, ali ye musoolu kili ‘Ruhama’ la.”

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

Jakariya 12:6

“Wo luŋo la, m be Yahuuda maralilaalu ke la le ko keraŋ dimbaamaa loo jurumoo teema ko dimbaa pacamoo siimaŋ kunsitoolu teema, ka ì dandanna bankoolu bee kasaara, mennu be ì bulubaa niŋ ì maraa karoo la. Bari Yerusalaamu be tu la a noo to le, moolu ye tara sabatiriŋ jee.

Jakariya 12:8

Wo luŋo la, m be Yerusalaamunkoolu tanka la le. Hani ì bee moo lamfuriŋo, a semboo si ke ko Mansa Dawuda semboo, aduŋ Dawuda koomalankoolu be ì ñaatonkayaa la le ko nte Alla, ko nte Yaawe la malaayikoo.”

Jakariya 2:12

Yahuuda be ke la Yaawe taa le ti a la banku senuŋo kaŋ, aduŋ Yerusalaamu be ke la a la tomboŋ saatewo ti le kotenke.

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.