Yeremiya 51:30 - Mandinka Bible

³⁰ Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Yeremiya 51:30 Mawu Ofanana

Jabuuroolu 107:16

Kaatu a ye jaawali daa tawundaŋolu janjaŋ ne, a ye nee bantambiloolu katiŋ-katiŋ.

Jabuuroolu 147:13

A ka i daa tawundaŋolu bambandi le, a ye neema moolu ma mennu be i kono.

Jabuuroolu 76:5

Ì ye i jawu kelediŋ fatiŋolu bulu kenseŋo londi le. Saayiŋ ì be laariŋ siinoo kunimbaloo le kono. Wo kelejawaroolu kiliŋ te a buloo wulindi noo la.

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

Yesaya 47:14

Tooñaa-tooñaa, wolu ñaama jaaramaa le mu! Ì te ì faŋo tankandi noo la dimbaa la sembe waroo la. A maŋ ke dimbaa keñemboo ti ka i jaa, waraŋ dimbaa, i si sii meŋ daala.

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 50:15

Ali wuuroo kumandi a ma karoo bee la, Babiloni ye a faŋ seyi le, a tatoolu boyita, ì ye a tata sansaŋolu boyi le. Nte Yaawe le la julujoo mu ñiŋ ti ko: Ali si juloo joo a to, a ye meŋ ke, ka wo ñoŋ ke a la.

Yeremiya 51:32

ì ye a baa teyidulaalu muta le, ì ye dimbaa duŋ a tatoolu la, a kelediŋolu niŋ kijafaroo.”

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Niikuyaa Suukuwolu 2:9

Jee dundaŋ daa tawundaŋolu jurumita bankoo to, Yaawe ye ì nee bantambiloolu kati, ka ì janjaŋ. A mansakewo niŋ maralilaalu be mutoo kono banku koteŋolu kaŋ. Yaawe la yaamaroolu buka karandi kotenke, annabiyomoolu buka jeroo soto a bulu fanaa.

Amosi 1:5

M be Damasiku saatewo daa tawundaŋolu kati la, ŋa Bikati-Aweninkoolu kasaara, aniŋ mansadokoo be meŋ bulu Beti-Edeni. Aramunkoolu ye tara mutoo kono Kiri bankoo kaŋ.” Yaawe le ye a fo.

Nahumu 3:13

I la kelediŋolu juubee, ì bee keta musoo ti. Dimbaa ye i la bankoo naanewo sorondaŋolu bee jani, dulaa bee yeleta i jawoolu ye hakañi.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”