Yeremiya 51:13 - Mandinka Bible

¹³ Yaawe ko, “Ite Babiloni saatewo meŋ be siiriŋ jii jamaalu daala, i la naafuloo be siyaariŋ, i labaŋo le siita, i la baluwo juloo kuntuta le.

Yeremiya 51:13 Mawu Ofanana

1 Musa 6:13

Bituŋ Alla naata a fo Nuha ye ko, “Ŋa ñiŋ ne muta, ka moolu bee siyo daŋ. Kaatu duniyaa bee be faariŋ tilimbaliyaa kuwo le la. Saayiŋ m be ì niŋ duniyaa bee le kasaara la.

Jabuuroolu 137:1

Babiloni baa jenjeŋolu la, ǹ siita duuma jee le ka kumboo, biriŋ ǹ hakiloo taata Siyoni* kaŋ.

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

Yesaya 45:3

Naafulu nukundiŋolu aniŋ mennu be maaboriŋ kulloo kono, m be ì dii la i la le, fo i si a loŋ ko, nte le mu Yaawe ti, Banisirayila la Alla, meŋ ye i kumandi i too la.

Yesaya 57:17

Ì la hadume maañaa le ye a tinna n kamfaata. Ŋa ì mantoora, ŋa n koo dii ì la kamfaa kono, hani wo, ì tuta ì fansuŋ siloo doroŋ ne nooma la.

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 50:37

Hawusaroo be naa a suwoolu kamma le, aniŋ a keleraŋ sareetoolu, aniŋ a la banku koteŋ kelediŋolu bee kamma, fo ì si lamfu ko musoolu! Hawusaroo be naa a naafuloolu bee kamma le, fo ì si ke ñapinkaŋ feŋolu ti!

Yeremiya 51:36

Wo kamma la Yaawe ye ñiŋ ne fo ko: “A juubee, m be loo la ali la kuwo la le, ŋa juloo joo ali ye. M be Babiloni baajiyolu jandi la le, ŋa ì woyoolu jandi.

Niikuyaa Suukuwolu 4:18

Ruk-ruk, a duuta! Ǹ jawoolu ka ǹ wulu deema le, ì ka m̀ bali finti la ǹ na mbeedoolu kaŋ. Ǹ labaŋo siita le, m̀ baluu tiloolu banta fereŋ-fereŋ.

Daniyeli 5:26

A kotoo mu ñiŋ ne ti ko: “Yaatee: Alla ye i la mansayaa luŋolu yaatee le, aduŋ a ye daŋo ke a la le.

Amosi 8:2

Bituŋ Yaawe ye n ñininkaa ko, “Amosi, i ye muŋ ne je?” Ŋa a jaabi ko, “Sinsiŋo, yiridiŋ mooriŋolu be a kono.” Bituŋ a ko n ye ko, “N na moolu Banisirayilankoolu la kuwo kiitiyo moota le. N te yamfa la ì ye muk.

1 Pita 4:7

Ñiŋ duniyaa feŋolu bee ka naa baŋ ne. Wo kamma la, ali ali faŋ muta kuu, ali ye tara ali ñaa la ka duwaa a ñaama.

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

Lankenemoo 17:1

Wo malaayika woorowuloo mennu ye booli woorowuloo soto, kiliŋ ko n ye ì kono ko, “Naa! Ŋa cakamusu baa la kiitiyo yitandi i la, wo saatee baa, meŋ be siiriŋ baajii jamaalu daala.

Lankenemoo 17:15

Bituŋ malaayikoo ko n ye ko, “Baajiyolu, i ye mennu je, cakamusoo be siiriŋ daameŋ to, wolu mu bankoolu le ti, sii jamaalu, nasiyoŋolu aniŋ kaŋolu.

Lankenemoo 18:19

Bituŋ ì kumbootoo niŋ ì woosiitoo ka banku buutoo fayi ì kuŋolu kaŋ. Ì be woosii kaŋ santo ko: “Kooroo, kooroo be saatee baa ye! Moolu mennu bee ye kuluŋolu soto, wolu fankata ate le la, fankaasoo to. Bari waati kiliŋ doroŋ, a bee kasaarata.”