Yeremiya 51:1 - Mandinka Bible

¹ Yaawe* ye ñiŋ ne fo ko: “A juubee, m be tiñaarilaa foñomaa le maamandi la Babiloni kamma, haa, ka naa Lebu-Kamayinkoolu kamma, ka naa Babiloninkoolu kamma.

Yeremiya 51:1 Mawu Ofanana

2 Mansoolu 19:7

I lamoyi, Yaawe be silaŋo le dundi la a la. Niŋ wo keta, a be kibaaroo le moyi la, aduŋ a be muru la a fansuŋ bankoo kaŋ ne. Wo to le ate Yaawe be a tinna la ì ye a faa niŋ hawusaroo* la.”

Jabuuroolu 137:8

Ite Babiloni kasaaratoo diŋ, seewoo be moo le ye meŋ be i joo la kuwo la i ye meŋ ke ntolu la.

Yesaya 13:13

Wo luŋo la, m be a ke la le saŋ fatoolu ye jarajara, duniyaa ye maamaŋ a noo to, nte Yaawe Alihawaa Maariyo la kamfaa kaŋ, niŋ n na kamfaa baa luŋo siita.

Yesaya 14:14

m be sele la minaayoolu kunto le, m be m faŋo ke la le ko Alla Mansa Tallaa.”

Yesaya 21:1

Kiilaariyaa kumoo fele keñewuloo* ye baa maafaŋo la. Ko saafoñotoo niŋ semboo ka naa Nekefu* tundoo to ñaameŋ, kasaaroo ka bo naŋ keñewuloo kono wo le ñaama, ka bo bankoo to meŋ silaŋñaa warata.

Yesaya 47:1

Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.

Yeremiya 23:19

A juubee, Yaawe la kamfaa turubaadimaa le mu, a saafoñotomaa le mu. A be feteŋ na moo kuruŋolu le kuŋo kaŋ.

Yeremiya 49:36

M be jawoolu foñomaa le naati la Elamu kaŋ, ka bo naŋ duniyaa tonkoŋ naanoo la. M be ì janjandi la niŋ wo foñoo le la, aduŋ banku te tara la jee, Elamu mutamoolu te taa daameŋ.

Yeremiya 50:21

Yaawe ko: “Ali taa Meratayimunkoolu kele, aniŋ Pekodinkoolu, ñiŋ Babiloni banku muritiriŋo, ali ì faa, ali niŋ kasaaroo ye ì nooma, ŋa ali yaamari meŋ ke la, ka a ke.” Yaawe le ye a fo.

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 50:33

Yaawe Alihawaa Maariyo ye ñiŋ ne fo ko: “Ì ye Banisirayilankoolu mantoora le, doolu fanaa ye wo ñoŋ ke Yahuuda moolu la, mennu ye ì samba mutoo kono, ì balanta ì fee kat, ì maŋ soŋ ì bula la ì ye seyi muk.

Yeremiya 50:9

A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Yeremiya 51:53

Hani Babiloni si futa saŋo ma, hani a si a tata jaŋolu bambandi, m be tiñaarilaalu naati la a kamma le.” Yaawe le ye a fo.

Yeremiya 51:60

Ŋa maasiiba kuwolu bee safee kitaabu moromororiŋo* le kono, mennu be naa boyi la Babiloni bankoo kaŋ. Wo kumoolu le be safeeriŋ teŋ, Babiloni bankoo la kuwo to.

Esekiyeli 19:12

Bari ì naata a wutu kamfaa le kono, ka a fayi duuma, tilibo foño kandoo ye a norondi. Ì ye a diŋolu bee wafu a bala. A juu bambandiŋo norota, dimbaa ye yiroo bee buruburu.

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Jakariya 2:8

Yaawe Alihawaa Maariyo*, ate Mansa Kallankewo ye n kii bankoolu kaŋ ne, mennu ye ali ñapinkaŋ. Kaatu a ko, moo-wo-moo meŋ ye alitolu maa, wo maarii ye a buloo bula ate le ñaa kono.

Kiilaalu 9:4

Bituŋ a boyita bankoo to, a ye diyaamukaŋo moyi, meŋ ko a ye ko, “Sawulu, Sawulu, muŋ ne ye a tinna i ka n toorandi?”