Yeremiya 50:9 - Mandinka Bible

⁹ A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Yeremiya 50:9 Mawu Ofanana

2 Samuweli 1:22

Yonatani la kalabeñoo buka jenke a jawoolu ye, aduŋ Sawulu fanaa la hawusaroo maŋ balafaa soto, a ka kelejawaroolu niŋ a jawoolu bee le faa.

Suukuwo 3:8

Ì bee niŋ hawusaroo*, aduŋ kelelaa baalu le mu ì ti, moo-wo-moo la hawusaroo be a kara la, suutoo fankanta kamma.

Yesaya 21:2

Jeri koleŋ ne yitandita n na. Jamfaalaa ka jamfaa ke le, kasaaralaa ka kasaaroo ke. Elamu, taa boyinkaŋo la! Mediya, taa dulaa suki! Yaawe* be daŋ ke la woosiyo la le, Babiloni ye meŋ laa bankoolu kaŋ.

Yesaya 41:25

“Ŋa mansa kumandi le ka bo naŋ maraa karoo la, meŋ ye n too horoma. A be sabatiriŋ tilibo karoo le la. A be i tuu la maralilaalu kaŋ ne ko, niŋ ì ka sooñibankoo ñaami, aduŋ a be muluŋ na le ko, niŋ boodaalaa ka a la potoo nooni.

Yeremiya 15:14

M be ali joŋyandi la ali jawoolu ye le, bankoo kaŋ ali maŋ daameŋ to loŋ, kaatu n na kamfaa be ke la ali kaŋ ne ko dimbaa meŋ te faa la fo fawu.”

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yeremiya 25:26

maraa kara maafaŋ bankoo mansoolu bee kewu, dulaalu mennu maŋ jamfa, aniŋ mennu jamfata, ì kiliŋ-kiliŋ, ka taa mansamarali bankoolu mennu be duniyaa fannaa bee la. Niŋ wolu bota jee, Babiloni mansakewo fanaa be naa mindi la a la le.

Yeremiya 50:14

“Alitolu kalafayilaalu bee, ali tembe keledaalu to Babiloni kamma, ka a murubeŋ. Ali a buŋ, ali kana hani kalabeñe kiliŋ tu fayibali, kaatu a ye junuboo le ke nte Yaawe la.

Yeremiya 50:21

Yaawe ko: “Ali taa Meratayimunkoolu kele, aniŋ Pekodinkoolu, ñiŋ Babiloni banku muritiriŋo, ali ì faa, ali niŋ kasaaroo ye ì nooma, ŋa ali yaamari meŋ ke la, ka a ke.” Yaawe le ye a fo.

Yeremiya 50:26

Ali naa naŋ ka Babiloni kele karoo bee la, ali ye a la siimaŋ buntuŋolu yele, ali ye a faŋo juruma duuma ko siimaŋ kesoo, ka a bee kasaara kewu, hani feŋ kana tu jee!

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!