Yeremiya 5:9 - Mandinka Bible

⁹ Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 5:9 Mawu Ofanana

Kuma Kotoomaalu 6:29

Ñiŋ ne mu wo moo ti, meŋ niŋ wandi musoo ka i laa, moo-wo-moo maata a la, fo a si bula bataa kuwo kono.

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

Yesaya 57:6

Jalaŋolu mennu be wulumbaŋo kono, bere deerariŋolu be daameŋ, itolu le kummaayaata ali fee, nte wo nte. Ali ka miŋ feŋ sadaalu boŋ ì ye le, aniŋ siimaŋ sadaalu. Ñiŋ kuwolu bee jeriŋ koolaa, fo n si sabari noo baŋ?

Yeremiya 23:2

Wo kamma la Yaawe, Banisirayila la Alla ye ñiŋ ne fo kantarilaalu la kuwo to, mennu ñanta ka a la moolu topatoo ko: “Alitolu ye n na saajii koorewo, meŋ mu n na moolu ti, janjandi le ka ì bayi, ali maŋ ì hati. Wo to silaŋ, nte be alitolu hati la ali la kuu jawoolu kaŋ ne.” Yaawe le ye a fo.

Yeremiya 32:31

Ñiŋ saatewo moolu ye n kamfandi le ka n jusoo kandindi, ka bo luŋo meŋ na a loota ka naa bula bii la. Wo kamma la m be a bondi la n ñaa koto le.

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.

Yeremiya 5:10

A ko: “Ali i seyiŋ a wayini* yiri kankaŋolu kono ka ì kuntu, bari ali kana ì bee kasaara kewu. Ali a buloolu jasi, bayiri wo moolu maŋ ke nte Yaawe taa ti.

Yeremiya 5:29

Fo m maŋ ñaŋ na ì jarabi la ñiŋ na baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 6:11

Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Yeremiya 6:6

Yaawe Alihawaa Maariyo* ye ñiŋ ne fo ko: “Ali yiroolu boyi, ali ye seleraŋ sapoolu* loo Yerusalaamu kamma. Ñiŋ saatewo ñanta le ka jarabi, kaatu tilimbaliyaa le be faariŋ a kono.

Yeremiya 9:8

Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.

Yeremiya 9:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Niikuyaa Suukuwolu 3:42

“M̀ balanta i ma le, ŋà junuboo ke, aduŋ i maŋ yamfa m̀ ma.

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 7:9

N te ali juubee la ka balafaa ali ye waraŋ ka ali tu jee. M be ali kuluu la ali maañaalu le la, aniŋ ali la kuu jawu kewolu la. Ali be a loŋ na le ko, nte le mu Yaawe ti meŋ ka ali busa.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

3 Musa 18:25

Wo le ye a tinna bankoo kosota, a ye a tinna ŋa bankoo jarabi, kuu jawoolu mennu keta a kaŋ, aduŋ bankoo faŋo ñoorita wo moolu la le, a ye ì fintindi ko foonoo.

3 Musa 26:25

M be keloo naati la niŋ hawusaroo le la, ka ali joo, ali ye kambeŋo meŋ tiñaa n niŋ ali teema. Niŋ ali kafuta ñoo ma ali la saatewolu kono ka tankoo ñini, m be alibalaa kuuraŋo le jindi la ali kaŋ, aniŋ ka ali duŋ ali jawoolu bulu.

Nahumu 1:2

Yaawe* Alla kiiliyaata le, aduŋ a ka juloo joo le, a ka juloo joo, aduŋ a ka kamfaa le famfaŋ, a ka juloo joo balannaalu to le, aduŋ a jusoo ka kandi a jawoolu kamma le.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

5 Musa 32:43

Hee, duniyaa moolu, ali Yaawe la moolu jayi. A be a la dookuulaalu yeloo bonnaalu joo la le, a be i joo la a jawoolu to le, a be a la moolu la bankoo seneyandi la le, junuboo ye meŋ kosondi.