Yeremiya 5:6 - Mandinka Bible

⁶ Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Yeremiya 5:6 Mawu Ofanana

2 Taarika 36:14

Piriisi* ñaatonkoolu bee ka taa jamaa moolu fanaa maŋ foroyaa Yaawe la karoo la hani domandiŋ. Ì bulata banku koteŋolu la kuu ñewundiŋolu bee le nooma. Ì ye Yaawe Batudulaa Buŋo kosondi, a faŋo ye meŋ seneyandi Yerusalaamu.

Esira 10:10

Bituŋ Piriisi Esira wulita, a ko ì ye ko, “Ali badalita le, ka bantala musoolu futuu, aduŋ ali ye Banisirayilankoolu la boyoo jawuyandi le.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Jabuuroolu 104:20

Ite le ye diboo daa, ka a ke suutoo ti. Suutoo la, wulakono daafeŋolu ka yaayi taariŋ.

Jabuuroolu 80:13

Wulakono seewoolu ka kirimbaasi a kaŋ ne ka a kuura, wulakono daafeŋolu ka i baluu a la.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Yesaya 59:12

Kaatu ŋà junube kuu jamaa le ke i la karoo la, aduŋ ǹ na junuboolu le ye ǹ na boyidaalu yitandi, kaatu ì ka tu m̀ bala le, aduŋ ǹ sonta ǹ na kuu kuruŋolu la le.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 2:17

Fo i faŋo le maŋ ñiŋ laa i faŋ kaŋ baŋ, biriŋ i ye i koo dii nte Yaawe i la Alla la, tuma meŋ n tarata i ñaato ka i samba siloo la?

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 2:31

“Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

Yeremiya 25:38

A jatamaa le be finti la naŋ a la ñunkoo kono, ka ì la bankoo kenseŋyandi, ka bo niŋ moo toorandilaalu la hawusaroo la, aniŋ Yaawe la kamfaa saŋaroo kamma la.

Yeremiya 30:14

Ali niŋ mennu bee be laariŋ nuŋ ñoo kaŋ, ì ñinata ali la le, ì buka hani ali hati kotenke. Ŋa ali busa ko n jawoo, ko konnantee balafaabaloo la kelendiroo, kaatu ali la boyidaa warata le, aduŋ ali la junuboolu siyaata.

Yeremiya 30:15

Muŋ ne ye a tinna ali ka kumboo ali la dimiŋo kunna, ali la dimiŋ kuwo, jaarañaa te meŋ na? Ŋa ñiŋ kuwolu ke ali la le, kaatu ali la boyidaa le warata, aduŋ ali la junuboolu siyaata baake.

Yeremiya 30:24

Yaawe la kamfaa saŋaroo te sumayaa la, fo niŋ a ye a la feeroolu taa, a ye ì taamandi, mennu be a sondomoo to. Wo luŋo la, labandulaa to, ali be a kuwo fahaamu la le.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 8:5

Muŋ ne ye a tinna duŋ, ñiŋ moolu filita, ì be tu la filibanteeyaa kono fo fawu? Ì ye neeneeri kumoo le muta bambandinke, ì balanta muru la naŋ n kaŋ.

Yeremiya 8:7

Hani jimoolu ye ì taa waatoolu loŋ ne, putuputu jooboolu, naanaalu, aniŋ kumaarewolu, ka ì muru waatoo kanta le ka bo naŋ manee. Bari nte la moolu, wolu maŋ a loŋ nte Yaawe ye meŋ kaniŋ.”

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Esekiyeli 16:25

Saatewo mbeedi tonkoŋolu bee to, i ye jalaŋ batudulaalu le loo jee, i ye i la ñiiñaa jindi, tambilaa-wo-tambilaa, i ye i faŋ dii a la ka i la cakayaa lafaa-lafaa laalaa.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 23:19

Bari hani wo, a ka tenteŋ ka a la cakayaa kuwolu lafaa, hani fo a hakiloo ka bula a sunkutuyaa waatoo la, kabiriŋ a be a la cakayaa la nuŋ Misira bankoo kaŋ.

Daniyeli 7:4

Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.

Daniyeli 7:6

N tarata juubeeroo kaŋ ne, tukuŋ ŋa daafeŋ doo fanaa je, a ka munta ko soloo. Dampaŋ naani le tarata a koo to, ì ka munta ko kunu dampaŋolu. Kuŋ naani le be a la, aduŋ ì ye semboo dii a la le ka maraloo ke.

Hoseya 5:14

M be ke la Efurayimu ye le ko jatoo, ŋa ke Yahuuda ye ko jata mereŋo. Nte faŋo le be ì faraŋ-faraŋ na, n si ì kuruntu, ŋa taa n na siloo la, moo te ì kanandi noo la.

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

4 Musa 32:14

“Saayiŋ alitolu junubelaa diŋolu, alitolu le wulita ka seyi ali la alifaalu noo to, ka naa Yaawe la kamfaa baa wulindi Banisirayila kamma ka tambi folooto taa la.

Lankenemoo 13:2

Nte ye daafeŋ saŋarariŋo meŋ je, a mulunta le ko soloo, aduŋ a siŋolu be ko wulakono daafeŋ saŋarariŋ* doo. A daa be le ko jatoo daa. Wo ninkinankoo ye semboo dii ate le la, a la mansayaa, aniŋ a la kantiiyaa baa.