Yeremiya 5:3 - Mandinka Bible

³ Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yeremiya 5:3 Mawu Ofanana

1 Musa 19:34

Wo saamoo dimmusu keebaa ko dindimmaa ye ko, “Nte niŋ m faamaa kafuta le ñiŋ suuto tambilaa. Ñiŋ suutoo fanaa, ŋà a mindi wayinoo la, bituŋ i fanaa si taa, i niŋ a ye kafu, fo ǹ si diŋo soto ka bo niŋ m̀ faamaa la.”

1 Mansoolu 13:33

Ñiŋ kuwo koolaa, wo ñaa-wo-ñaa Yerobowamu maŋ bo a la sila jawoolu kaŋ, bari a muruta le kotenke a ye piriisoolu tomboŋ batudulaa tintiŋolu* ye, ka bo moo siifaalu bee kono. Moo-wo-moo meŋ lafita ka ke piriisoo ti a si a seneyandi batudulaa tintiŋo ye.

2 Mansoolu 1:13

Bituŋ mansa muruta kotenke a ye kelediŋ kuntii doo fanaa niŋ a la kee taŋ luulu kii Eliya kamma, siiñaa sabanjaŋo. Kabiriŋ ñiŋ kelediŋ kuntiyo naata Eliya kaŋ konkoo santo, a sujudita a ye, ka a daani. A ko Eliya ye ko, “Alla la moo, dukaree i bala ye faa n ye, i kana n kasaara, n niŋ n na kee taŋ luuloo. Ntolu mu i la joŋolu doroŋ ne ti.

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

2 Taarika 28:22

Bataa lookuta Mansa Ahasi la tumoo meŋ na, wo waatoo le mu, a foroyaabaliyaata Yaawe ma ka tambi foloo la.

Jabuuroolu 51:6

Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

Jabuuroolu 51:8

I ye n toñonka ñaa-wo-ñaa, m murundi seewoo niŋ jusulaa kono, ŋa seewoo.

Jabuuroolu 55:20

N na wo kafuñoo ye a teeroolu boyinkaŋ ne. A ye a la laahidoo tiñaa le.

Kuma Kotoomaalu 21:29

Moo kuruŋo ka a faŋ fatiyandi le, bari moo tilindiŋo ka i miira le, janniŋ a ka kuu ke.

Kuma Kotoomaalu 22:12

Yaawe ka a je le ko tooñaa ye loŋ, bari a ka tilimbaloolu la kumoolu ke ì ye kuma kenseŋo le ti.

Kuma Kotoomaalu 23:35

Ì be a fo la le ko, “Ì ye m fadi le, bari m maŋ barama! Ì ye n lipa le, bari a maŋ duŋ n na! Muŋ tuma le n ñaa be yele la, fo n si taa doloo doo ñini?”

Kuma Kotoomaalu 27:22

Hani i ye toolewo tuu kuluŋo le kono, ko i ka ñoo koci ñaameŋ, i te a la tooleeyaa bondi noo la.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Yesaya 48:4

Bayiri ŋa a loŋ ne ko, ali mu moo kuŋ jaariŋ baalu le ti, ali kaŋolu be jaariŋ ko newo, ali kuŋolu be bambandiŋ ko jaawaloo.

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yeremiya 15:7

Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Yeremiya 17:23

Bari wolu maŋ i lamoyi wo la, waraŋ ka ì tuloo loo a la. Ì keta kanjaaroolu le ti, ì maŋ soŋ ka i lamoyi, waraŋ ka soŋ kuluuroo la.

Yeremiya 19:15

“Yaawe Alihawaa Maariyo, Banisirayila la Alla ye ñiŋ ne fo ko: A juubee, m be kasaara kuwolu naati la ñiŋ saatewo kaŋ ne, ŋa mennu fo a ma, aniŋ a dandanna saateeriŋolu. M be a ke la le, kaatu ì ye ì faŋolu kaŋo jandi le, ì maŋ soŋ n na kumoolu moyi la.”

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Yeremiya 35:13

“Nte Yaawe Alihawaa Maariyo*, Banisirayila la Alla ye ñiŋ ne fo ko: I ye taa a fo Yahuuda moolu niŋ Yerusalaamu moolu ye ko, fo ì te ñiŋ karaŋ na baŋ, ka n na kumoolu muta?” Yaawe le ye a fo.

Yeremiya 44:10

Bari hani ka naa bula bii la ali maŋ ali fammajii. Ali maŋ n horoma waraŋ ka baluu ka bo niŋ n na yaamaroolu niŋ luwaalu bee la, ŋa mennu dii ali niŋ ali la alifaa foloolu la.

Yeremiya 7:26

Wo ñaa-wo-ñaa moo maŋ i lamoyi n na, waraŋ ka ì tuloo loo n na. Ali naata ke kanjaaroolu ti, aduŋ ali ye kuruŋyaa ke le ka tambi ali mumuñolu la.

Yeremiya 7:28

Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.

Yeremiya 8:5

Muŋ ne ye a tinna duŋ, ñiŋ moolu filita, ì be tu la filibanteeyaa kono fo fawu? Ì ye neeneeri kumoo le muta bambandinke, ì balanta muru la naŋ n kaŋ.

Esekiyeli 2:4

M be naa i kii la ñiŋ moolu mennu kaŋ, ì mu moo kaŋ jaaroolu le ti, aduŋ ì mu yaamari mutabaloolu le ti. I si a fo ì ye ko, nte Maarii Yaawe le ye ñiŋ kumakaŋo fo.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

Daniyeli 9:13

Kasaara kuwolu mennu bee be safeeriŋ Musa la Kitaaboo kono, ì keta ǹ na le. Bari hani wo bee de, ntolu maŋ a kata ka ite Yaawe ǹ na Alla diyaŋñe kuwo ke. M̀ maŋ ǹ koo dii ǹ na junuboolu la, ka bula i la tooñaa nooma.

3 Musa 26:23

Niŋ ñiŋ jarabi kuwolu maŋ ali tilindi noo, ka muru n kaŋ, fo ali tententa ka balaŋ m ma,

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Amosi 4:11

“Ŋa kasaaroo tiliŋ ali la, ko ŋa Sodomu niŋ Komora kasaara ñaameŋ. Moolu mennu kanata ali kono, ì la kuwo keta le komeŋ niŋ i ye taalamaa kuntoo wafu naŋ dimbaa kono. Bari hani wo bee, ali maŋ soŋ muru la n kaŋ.” Yaawe le ye a fo.

Amosi 4:6

Yaawe ye ñiŋ ne fo ko, “Nte le ye konkoo duŋ ali la saatee baalu niŋ saateeriŋolu kono, fo ali kana feŋ soto ali be meŋ domo la. Bari hani wo bee, ali maŋ soŋ muru la n kaŋ.

Amosi 4:8

Moolu timili-tamalita saatee niŋ saatee teema jiiñinoo la, bari ì buka jiyo soto ka i miŋ ì sawoo la. Bari hani wo bee, ali maŋ soŋ muru la n kaŋ.” Yaawe le ye a fo.

Amosi 4:9

“Ŋa ali la siimaŋ feŋolu kuurandi ka toli aniŋ ka jaa. Kuntiŋolu ye ali la naakito feŋolu kasaara, aniŋ ali la wayini* yiri kankaŋolu, sooto yiroolu aniŋ olifu* yiroolu. Bari hani wo bee, ali maŋ soŋ muru la n kaŋ.” Yaawe le ye a fo.

Sefaniya 3:7

N laata ñiŋ na le ko, ite Yerusalaamu be n kuliyaa la le, i ye soŋ ka i tilindi siloo la. Niŋ wo keta, n te i la moolu la sabatidulaa kasaara la, aduŋ ŋa jaraboo meŋ landi i kamma, a te boyi la i kaŋ. Bari hani saayiŋ i la moolu be hameriŋ ne doroŋ, ka taama niŋ jenkoo la ì la baara kuwolu bee to.”

Roomankoolu 2:2

Ŋà a kalamuta le ko, Alla la kiitiyo ka naa tilindinke moolu le kaŋ, mennu ka wo kuu siifaalu ke.

Hiburunkoolu 12:9

Ŋà faalu soto ñiŋ duniyaa kono le. Ì ka ǹ kuluu, aduŋ ǹ ka ì horoma le. Wo to, m̀ Faamaa la kuwo duŋ, ŋà meŋ soto Arijana kono? Ka soŋ ate ma, wo le kummaayaata ka tambi ǹ na duniyaa alifaalu bee la, fo ǹ si baluu tooñaa soto noo.