Yeremiya 5:23 - Mandinka Bible

²³ Bari ñiŋ moolu, ì mu balannaa jusu jaaroolu le ti. Ì yelemata le ka taa taariŋ.

Yeremiya 5:23 Mawu Ofanana

Jabuuroolu 78:8

Wo be a tinna le ì te ke la ko ì mumuñolu, wolu mennu mu kanjaaroolu ti, aniŋ balannaalu. Ì keta moolu le ti dankeneyaa te mennu sondomoo to, foroyaa te ì kono Alla la kuwo to.

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

Yesaya 1:5

Muŋ ne ye a tinna ali tententa ka balaŋ? Fo ali lafita le Yaawe ye tu la ali mantoora la baŋ? Ali kuŋo bee niŋ baramoo le mu, aduŋ ali sondomoo naasita le.

Yesaya 31:6

Hee Banisirayilankoolu, ali muru Yaawe kaŋ, alitolu mennu ye jamfaa baa tiliŋ a la.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Yeremiya 4:17

Ì ye Yerusalaamu muruŋ-muruŋ ne ko kunku kantalaalu, bayiri a ye balaŋo tiliŋ nte le la.” Yaawe le ye a fo.

Yeremiya 5:5

Wo to m be taa ñaatonkoolu le yaa, ŋa diyaamu ì ye, bayiri itolu le ye Yaawe la siloo loŋ, tiliŋo, ì la Alla ye meŋ kaniŋ.” Bari ì bee le kafuriŋo ye a la yookoo* kati ka balaŋ a ma, ì ye i kuntu a la pat.

Yeremiya 6:28

Ì bee mu balannaa jusu jaaroolu le ti, mennu be ko jaawaloo aniŋ newo. Ì ka tara koomakumaroo le la taariŋ, aduŋ ì ka taama kuruŋyaa le la.

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Hoseya 4:8

Ali ka i daañini n na moolu la sadaa* suboo le la, wo le ye a tinna ali ka tara ñaaniriŋ ì la junube kewo la.

Sefaniya 3:1

Kooroo be moo toorandilaalu la saatewo ye, balaŋo niŋ kuruŋyaa saatewo.

5 Musa 21:18

Niŋ kewo ye dinkee kunjaaroo soto, a keta balannaa ti, ì ye kuluuroo laa a kaŋ ñaa-wo-ñaa, a buka a wuluulaalu la yaamaroo muta,

5 Musa 31:27

Kaatu ŋa a loŋ ne ali kuŋo jaata ñaameŋ, aniŋ ali mu balannaalu ti ñaameŋ. M be ali fee ñaa-wo-ñaa, ali balanta Yaawe ma, sako niŋ n te baluwo to.

Hiburunkoolu 3:12

Baadiŋolu, ali ali hakiloo tu fo moo-wo-moo kana tara ali kono, meŋ ye jawuyaa niŋ lannabaliyaa soto a sondomoo kono, kaatu wo le ka a tinna, moo ka a koo dii Alla baluuriŋo la.